ஊழியர்களுக்கு மர வீடு கட்டிக்கொடுத்த மைக்ரோசாப்ட்!

மைக்ரோசாப்ட் நிறுவனம் தனது ஊழியர்களுக்கு மர வீடு கட்டிக்கொடுத்திருக்கிறது.

மைக்ரோசாப் நிறுவனத்தின் தலைமையகம் அமெரிக்காவின் வாஷிங்டன் நகரில் உள்ள ரெட்மண்ட் என்ற இடத்தில் உள்ளது. இங்கு மூன்று மர வீடுகளை ஊழியர்கள் ரிலாக்ஸ் செய்வதற்காக கட்டிக்கொடுத்துள்ளது இந்நிறுவனம்.

மூன்று மர வீடுகளில் இரண்டு கூறை இல்லாதது. ஒன்று கூறை போடப்பட்டது. இந்த மர வீடுகளில் வைஃபை, எந்த வானிலையையும் தாங்கும் பெஞ்சுகள், துருப்பிடிக்காத இரும்பு நாற்காலிகள், குளிர்காய்வதற்கான கணப்பு, என பல வசதிகளும் உள்ளன. இத்துடன் ஊழியர்களின் குழந்தைகள் விளையாட்டுப் பொருட்களும் உள்ளன.

அனிமல் பிளானெட் (Animal Planet) சேனலில் ட்ரீ ஹவுஸ் மாஸ்டர்ஸ் (Treehouse Masters) என்ற நிகழ்ச்சியை வழங்கும் மர வீடு கட்டும் நிபுணர் நெல்சன் இந்த மூன்று மர வீடுகளையும் கட்டியிருக்கிறார்.