Moto G9 Power : டிச.8 வரை பட்ஜெட் போன் வாங்கும் திட்டத்தை 'ஹோல்ட்' பண்ணுங்க!

மோட்டோரோலா நிறுவனம் அடுத்த வாரம் இந்தியாவில் அதன் மோட்டோ ஜி 9 பவர் ஸ்மார்ட்போனை அறிமுகப்படுத்த உள்ளது. இந்த ஸ்மார்ட்போன் வருகிற டிசம்பர் 8 ஆம் தேதி நாட்டில் அறிமுகமாகும்.

Flipkart-இல் டிசம்பர் 6 வரை ஆபர் மழை; என்ன சலுகைகள்? இதோ ஃபுல் லிஸ்ட்!

மோட்டோ ஜி 9 பவர் இந்தியா வெளியீட்டு விவரங்கள் பிளிப்கார்ட்டில் பட்டியலிடப்பட்டுள்ளன என்பதை ட்விட்டர் வழியாக டிப்ஸ்டர் முகுல் சர்மா @stufflistings தெரிவித்துள்ளார். இந்த ட்வீட் வெளியான வேகத்தில் இ-காமர்ஸ் பக்கத்தில் குறிப்பிட்ட ஸ்மார்ட்போனின் பட்டியல் நீக்கப்பட்டது.

Vivo Y51 அறிமுகம்: 48MP ட்ரிபிள் கேம்; 5000mAh பேட்டரி; தரமான பட்ஜெட் விலை!

மோட்டோ ஜி 9 பவர் மற்றும் மோட்டோ ஜி 5 ஜி ஸ்மார்ட்போன்கள் சமீபத்தில் இந்திய தரநிலைகள் பணியகம் (பிஐஎஸ்) சான்றிதழ் இணையதளத்தில் தோன்றியது, அதன் வழியாக இந்த மோட்டோ ஸ்மார்ட்போன்கள் கூடிய விரைவில் இந்தியாவில் அறிமுகப்படுத்தப்படும் என்கிற தகவல் வெளியானது. தற்போது அது கிட்டத்தட்ட உறுதி செய்யப்பட்டுள்ளது.

நினைவூட்டும் வண்னம் இந்தியாவில் மோட்டோ ஜி 5 ஜி ஸ்மார்ட்போன் ஆனது ரூ.20,999 க்கு சமீபத்தில் தான் அறிமுகப்படுத்தப்பட்டது. இந்நிலைப்பாட்டில், இப்போது மோட்டோ ஜி 9 பவர் ஸ்மார்ட்போனும் இந்தியாவில் அறிமுகம் செய்யப்பட உள்ளது.

முன்னதாக மோட்டோரோலா யுகே ட்வீட்டர் அக்கவுண்ட் வழியாக அறிவிக்கப்பட்ட மோட்டோ ஜி 9 பவர் ஸ்மார்ட்போனின சிங்கிள் 4 ஜிபி ரேம் + 128 ஜிபி ஸ்டோரேஜ் வேரியண்ட்டின் விலை இந்திய மதிப்பின்படி தோராயமாக ரூ.17,400 ஆகும். இது எலக்ட்ரிக் வயலட் மற்றும் மெட்டாலிக் சேஜ் வண்ண விருப்பங்களில் அறிமுகப்படுத்தப்படலாம்.

மோட்டோ ஜி 9 பவர் ஸ்மார்ட்போனின் அம்சங்கள் மற்றும் விவரக்குறிப்புகள்

மோட்டோ ஜி 9 பவர் ஸ்மார்ட்போன் ஆண்ட்ராய்டு 10 ஓஎஸ்-இல் இயங்குகிறது மற்றும் 6.8 இன்ச் அளவிலான எச்டி + (720x1,640 பிக்சல்கள்) ஐபிஎஸ் டிஸ்ப்ளேவை கொண்டுள்ளது.

ஹூட்டின் கீழ், இது குவால்காம் ஸ்னாப்டிராகன் 662 SoC மூலம் இயக்கப்படுகிறது, இது 4 ஜிபி ரேம் உடன் இணைக்கப்பட்டுள்ளது. மைக்ரோ எஸ்டி கார்டைப் பயன்படுத்தி 512 ஜிபி வரை மேலும் விரிவாக்கக்கூடிய விருப்பத்துடன் 128 ஜிபி அளவிலான இன்டர்னல் ஸ்டோரேஜை கொண்டுள்ளதாக பட்டியலிடப்பட்டுள்ளது.

கேமராக்களை பொறுத்தவரை, மோட்டோ ஜி 9 பவர் ஸ்மார்ட்போன் ஆனது 64 மெகாபிக்சல் முதன்மை சென்சார் (எஃப் / 1.79 துளை), 2 மெகாபிக்சல் மேக்ரோ சென்சார் (எஃப் / 2.4) மற்றும் 2 மெகாபிக்சல் டெப்த் சென்சார் (எஃப் / 2.4) ஆகியவற்றைக் கொண்ட ட்ரிபிள் ரியர் கேமரா அமைப்பைக் கொண்டுள்ளது. முபக்கத்தை பொறுத்தவரை, இதில் 16 மெகாபிக்சல் செல்பீ கேமரா (எஃப் / 2.2) உள்ளது.

இந்த மோட்டோ ஸ்மார்ட்போனின் பெயர் குறிப்பிடுவதுபோல், மோட்டோ ஜி 9 பவர் ஆனது 6,000 எம்ஏஎச் பேட்டரி மற்றும் 20W பாஸ்ட் சார்ஜிங்கை கொண்டுள்ளது. இதன் பேட்டரி 60 மணி நேரம் வரை நீடிக்கும் என்று நிறுவனம் கூறுகிறது.

இணைப்பு விருப்பங்களை பொறுத்தவரை, வைஃபை 802.11 ஏசி, ப்ளூடூத் வி 5, என்எப்சி, யூ.எஸ்.பி டைப்-சி, 3.5 மிமீ ஆடியோ ஜாக் மற்றும் 4 ஜி எல்டிஇ ஆகியவைகளை கொண்டுள்ளது.கடைசியாக இந்த ஸ்மார்ட்போன் அளவீட்டில் 221 கிராம் எடையும் மற்றும் 9.66 மிமீ தடிமனும் கொண்டுள்ளது.