ரூ.8,999 கையில வச்சிக்கிட்டு ரெடியா இருங்க; மே.29 வரை வேற போன் வாங்கிடாதீங்க!

மோட்டோரோலாவின் மோட்டோ ஜி 8 பவர் லைட் இந்தியாவில் அறிமுகமாகியுள்ளது, மேலும் இந்த புதிய ஸ்மார்ட்போன் இந்த மாத இறுதிக்குள் விற்பனைக்கு வரும் என்பது கூடுதல் சுவாரசியம்.

நினைவூட்டும் வண்ணம் இந்த ஸ்மார்ட்போன் கடந்த ஏப்ரல் மாதம் உலகளவில் வெளியிடப்பட்டது. மோட்டோ ஜி 8 பவர் லைட் ஆனது ஆக்டா கோர் மீடியாடெக் ஹீலியோ பி 35 ப்ராசஸர் மற்றும் ட்ரிபிள் ரியர் கேமரா அமைப்பு மற்றும் ஒரு பெரிய 5,000 எம்ஏஎச் பேட்டரி போன்ற கவனிக்கத்தக்க அம்சங்களை கொண்டுள்ளது.

3000 ரூபாய் தள்ளுபடியுடன் விற்பனையை ஆரம்பித்த ஹானர் 9X ப்ரோ!

ஒற்றை ரேம் + இன்டர்னல் ஸ்டோரேஜின் கீழ் வெளியாகி இருந்தாலும் கூட இது இரண்டு வண்ண வகைகளில் வாங்க கிடைக்கும்.

இந்தியாவில் மோட்டோ ஜி 8 பவர் லைட் ஸ்மார்ட்போனின் விலை & விற்பனை தேதி:

மோட்டோ ஜி 8 பவர் லைட்டின் 4 ஜிபி ரேம் மற்றும் 64 ஜிபி ஆன் போர்டு ஸ்டோரேஜ் கொண்ட மாடல் ரூ.8,999 என்கிற சூப்பர் பட்ஜெட் விலை நிர்ணயத்தை பெற்றுள்ளது. இந்த ஸ்மார்ட்போன் மே 29 ஆம் தேதி மதியம் 12 மணி முதல், பிரபல இ-காமர்ஸ் தளமான பிளிப்கார்ட் வழியாக விற்பனைக்கு வரும். இந்த ஸ்மார்ட்போன் ஆர்க்டிக் ப்ளூ மற்றும் ராயல் ப்ளூ என்கிற இரண்டு வண்ண விருப்பங்களில் வருகிறது.

ரெட்மி 10X விலையை சொன்னால் மே.26 வரை வேற எந்த போனும் ஆர்டர் பண்ண மாட்டீங்க!

மோட்டோ ஜி 8 பவர் லைட் வாங்க ஆர்வமுள்ள வாடிக்கையாளர்களுக்கு பிளிப்கார்ட் சில சலுகைகளை பட்டியலிட்டுள்ளது. ஆக்சிஸ் பேங்க் கிரெடிட் கார்ட் மூலம் வாங்குபவர்களுக்கு 5 சதவீதம் கேஷ்பேக் கிடைக்கும், உடன் பல EMI விருப்பங்களும் உள்ளன.

மோட்டோ ஜி8 பவர் லைட் ஸ்மார்ட்போனின் அம்சங்கள்:

மோட்டோ ஜி8 பவர் லைட் ஸ்மார்ட்போன் ஆனது ஆண்ட்ராய்டு பை கொண்டு இயங்குகிறது மற்றும் 6.5 இன்ச் அளவிலான (729x1600 பிக்சல்கள்) ஐபிஎஸ் எல்சிடி டிஸ்ப்ளேவை வாட்டர் டிராப்-ஸ்டைல் நாட்ச் வடிவமைப்பின் கீழ் பெற்றுள்ளது. மேலும் இது 20: 9 விகித விகிதம் மற்றும் 269 பிபி பிக்சல் அடர்த்தி ஆகியவற்றை வழங்குகிறது.

இது 4 ஜிபி ரேம் உடன் ஜோடியாக 2.3GHz மீடியாடெக் ஹீலியோ பி 35 SoC ப்ராசஸர் மூலம் இயக்கப்படுகிறது. இதன் இன்டர்னல் மெமரி 64 ஜிபி ஆகும்.உடன் மைக்ரோ டி கார்டைப் பயன்படுத்தி 256 ஜிபி வரை நீடிக்கலாம்.

கேமரத்துறையை பொறுத்தவரை, இது ட்ரிபிள் ரியர் கேமரா அமைப்பை கொண்டுள்ளது. அதில் 16 மெகாபிக்சல் மெயின் ஸ்னாப்பர் (எஃப் / 2.0, பி.டி.ஏ.எஃப்) + 2 மெகாபிக்சல் மேக்ரோ லென்ஸ் (எஃப் / 2.4) + 2 மெகாபிக்சல் டெப்த் சென்சார் (எஃப் / 2.4) ஆழஆகியவைகளை கொண்டுள்ளது.

இது எச்டிஆர், பியூட்டி மோட், டூயல் கேமரா ப்ளர் எபெக்ட், டைமர், பனோரமா, கூகுள் லென்ஸ் ஒருங்கிணைப்பு போன்ற கேமரா அம்சங்களையும் கொண்டுள்ளது. முன்பக்கத்தில் ஒரு 8 மெகாபிக்சல் செல்பீ கேமரா (எஃப் / 2.0) உள்ளது.

Airtel vs Jio: ரூ.251 க்கு புதிய ஏர்டெல் பிளான் அறிமுகம்; ஜியோவிற்கு தரமான பதிலடி!

மோட்டோ ஜி 8 பவர் லைட் ஸ்மார்ட்போனின் இந்த மொத்த அமைப்பும் 5,000 எம்ஏஎச் பேட்டரி மூலம் சக்தியூட்டப்படுகிறது. இது 10W சார்ஜிங் ஆதரவுடன் வருகிறது. நிறுவனத்தின்படி இது 19 மணிநேர வீடியோ பிளேபேக் மற்றும் 100 மணிநேர ஆடியோ பிளேபேக் வரை நீடிக்கும்.

இணைப்பு விருப்பங்களை பொறுத்தவரை, 4ஜி எல்டிஇ, மைக்ரோ-யூ.எஸ்.பி போர்ட், 3.5 மிமீ ஆடியோ ஜாக், ப்ளூடூத் வி 4.2, வைஃபை 802.11 பி / ஜி / என், ஜிபிஎஸ், ஏ-ஜிபிஎஸ் மற்றும் க்ளோனாஸ் ஆகியவைகளை கொண்டுள்ளது. அளவீட்டில் இது 164.94x75.76x9.2 மிமீ மற்றும் சுமார் 200 கிராம் எடையையும் கொண்டுள்ளது. பாதுகாப்பு மற்றும் அங்கீகாரத்திற்கான கைரேகை சென்சார் பின்புறத்தில் உள்ளது.