காற்றை கிழித்துச் செல்லும் கன்கார்டு விமானத்தைக் கேள்விப்பட்டு இருக்குறீர்களா?

நியூயார்க்: தற்போதைய காலக்கட்டத்தில் அனைத்தும் விரைவாக செயல்பட வேண்டும் என்று மக்கள் விரும்புகின்றனர். அதற்கேற்றார் போல் மின்னல் வேகத்தில் பறக்கும் கன்கார்டு என்ற பயணிகள் விமானத்தை நாசா வடிவமைத்து வருகிறது.

மக்களின் எதிர்கால தேவைகளை மனதில் கொண்டு, அமெரிக்காவின் விண்வெளி ஆராய்ச்சி நிறுவனமான நாசாவும் லாக்ஹீட் மார்டீன் என்ற நிறுவனமும் இணைந்து கன்கார்டு என்ற சூப்பர் சானிக் பயணிகள் விமானத்தை வடிவமைத்து வருகின்றனர்.

ராக்கெட் எஞ்சின் தொழில்நுட்பத்தை பயன்படுத்தி உருவாக்கப்பட்டு வரும் இந்த விமானத்தை உருவாக்குவதற்காக 290 மில்லியன் பவுண்ட் முதலீடு செய்யப்பட்டுள்ளது.

இந்த விமானத்தின் மூலம் நியூயார்க் நகரிலிருந்து லண்டனுக்கு செல்லும் நேரம் 8 மணிநேரத்திலிருந்து 3 மணிநேரமாகக் குறையும் எனக் கூறப்படுகிறது. மேலும், வேகமாக செல்லும்போது ஏற்படும் அதிர்வும் சத்தமும் இந்த விமானத்தில் குறைவாகவே இருக்கும் எனத் தெரிவிக்கப்பட்டுள்ளது.

QueSST என்று பெயரிடப்பட்டுள்ள இந்தத் திட்டத்தின் மாதிரி விமானங்கள் தொடர்ந்து படிப்படியாக வளர்ச்சிபெற்று வருகின்றன. 2021 ஆண்டில் இந்த விமானத்தின் சோதனை ஓட்டம் நிகழும் என எதிர்பார்க்கப்படுகிறது.

NASA is Developing a Passenger plane which travel Newyork to London in just 3 hours.