புவியை சுற்றும் ஆபத்து; ’பென்னு’ விண்கல்லை முதல்முறையாக படம்பிடித்த நாசா!

வாஷிங்டன்: நாசாவின் ஆசிரிஸ்-ரெக்ஸ் விண்கலம் மூலம் பென்னு விண்கல்லை படம்பிடிக்கப்பட்டுள்ளது.

கடந்த 2016 செப்டம்பர் 8ஆம் தேதி, ஆசிரிஸ்-ரெக்ஸ்(OSIRIS-REx) என்ற விண்கலத்தை நாசா விண்வெளிக்கு அனுப்பியது. இது புவிக்கு அருகில் இருக்கும் விண்கற்கள் குறித்து ஆய்வு செய்ய அனுப்பப்பட்டது.

இந்நிலையில் வரும் டிசம்பர் 3ஆம் தேதி, பென்னு விண்கல்லை அடைய உள்ளது. இந்த ஆய்வுகள் மூலம் சூரியக் குடும்பம் உருவாக்கத்தில் மறைந்திருக்கும் மர்மங்கள் குறித்து தெரியவரும் என்று அமெரிக்க விண்வெளி ஆய்வு மையம் தனது அறிக்கையில் கூறியுள்ளது.

கடந்த 17ஆம் தேதி ஆசிரிஸ்-ரெக்ஸ் விண்கலத்தில் உள்ள பாலிகேம் கேமரா, 1.4 மில்லியன் மைல் தொலைவில் இருந்து மெனு விண்கல்லை படம்பிடித்துள்ளது. இந்த தொலைவு புவிக்கும், நிலவிற்கும் இடையிலான தொலைவின் 6 மடங்கிற்கு சமம் ஆகும்.

ஒரு மணி நேரத்தில் 5 படங்களை எடுத்து அனுப்பியுள்ளது. செர்பான்ஸ் நட்சத்திரக் கூட்டத்திற்கு அருகே நகர்ந்து கொண்டிருக்கும் பொருள் போன்று பென்னு காட்சியளிக்கிறது.

பென்னு விண்கல்லை ஆசிரிஸ்-ரெக்ஸ் நெருங்கும் போது, தனது அறிவியல் உபகரணங்களைக் கொண்டு விண்கலம் தகவல்களை சேகரித்துக் கொள்ளும். அதாவது, பென்னு விண்கல்லைச் சுற்றி காணப்படும் தூசுப் படலம், நட்சத்திரங்கள், வெளிச்சம் உள்ளிட்ட அம்சங்கள் ஆய்வு செய்யப்பட உள்ளது.

அடுத்த சில மாதங்களில் பென்னுவின் அளவு, வடிவம், சுற்றுப்புறம் ஆகியவை குறித்து அறிஞர்கள் ஆய்வு செய்து கண்டறிய இருக்கின்றனர்.

NASA probe captures first images of asteroid Bennu.