நோக்கியா 110: இதுவரை வெளியானதுலேயே இதுதான் பெஸ்ட் பீச்சர் போன்; ஏனென்றால்?

பீச்சர் போன்களுக்கு பெயர்போன நோக்கியா நிறுவனத்தின் புதிய நோக்கியா 110 (2019) ஆனது இன்று அதன் இந்திய அறிமுகத்தை சந்தித்தது. நோக்கியா மொபைல்களை தயாரிக்கும் உரிமம் பெற்றுள்ள எச்எம்டி குளோபல் நிறுவனத்தால் அறிமுகப்படுத்தப்பட்ட நோக்கியா 110 போன் ஆனது இரண்டு மாதங்களுக்கு முன்பு இந்தியாவில் அறிமுகப்படுத்தப்பட்ட நோக்கியா 105 போனில் இருந்து ஒரு படி மேலே உள்ளது என்றே கூறலாம்.

இம்முறை நோக்கியா 110 (2019) ஆனது ஒரு பொழுதுபோக்கு சாதனமாக களமிறங்கி உள்ளது, ஏனெனில் இந்த மொபைலால் சேமிக்கப்பட்ட எம்பி 3 களையும், எஃப்எம் ரேடியோவின் வழியாக பாடல்களை ஸ்ட்ரீம் செய்யவும் முடியும். தவிர நோக்கியா தனது பிரபலமான ஸ்னேக் கேண்மையும் இந்த மொபைலில் சேர்த்துள்ளது.

இந்தியாவில் நோக்கியா 110 (2019) மொபைலின் விலை என்ன?

நோக்கியா 110 (2019) ஆனது இந்தியாவில் ரூ.1,599 என்கிற விலை நிர்ணயத்தை பெற்றுள்ளது. இது பிளாக், ஓஷன் ப்ளூ மற்றும் பின்க் என்கிற மூன்று வண்ண விருப்பங்களில் வாங்க கிடைக்கும்.

Jio Free Calls: மாதம் ரூ.12 இருந்தா போதும்! அம்பானியின் இந்த ஐடியாவை கேளுங்க!

எப்போது முதல் வாங்க கிடைக்கும்?

புதிய நோக்கியா 110 ஆனது அக்டோபர் 18 முதல் சில்லறை கடைகளிலும், நிறுவனத்தின் அதிகாரப்பூர்வ வலைத்தளத்திலும் வாங்க கிடைக்கும். நினைவூட்டும் வண்ணம், கடந்த மாதம் நடந்த IFA 2019 நிகழ்வில் இந்த பீச்சர் போன் அறிமுகம் ஆனதும் தற்போது விற்பனைக்கு வந்துள்ளதாம் குறிப்பிடத்தக்கது.

நோக்கியா 110 (2019) மொபைலின் முழு அம்சங்கள்:

புதிய நோக்கியா 110 (2019) ஆனது 1.77 இன்ச் அளவிலான QQVGA டிஸ்ப்ளேவை (120x160 பிக்சல்கள்) கொண்டுள்ளது. இது ஒரு SPRD 6531E ப்ராசஸர், 4எம்பி அளவிலான ரேம் மற்றும் 4எம்பி அளவிலான உள்ளடக்க சேமிப்பகம் போன்றவற்றை கொண்டுள்ளது.

நோக்கியா 110 (2019) ஆனது நோக்கியா சீரிஸ் 30+ மென்பொருளை இயக்குகிறது மற்றும் மைக்ரோ-யூ.எஸ்.பி 2.0 போர்ட் ஒன்றையும் கொண்டுள்ளது.

சிம் & மெமரி:

இது ஒரு டூயல் சிம் மொபைல் ஆகும். இதில் மினி சிம்களை பயன்படுத்தலாம். தவிர மைக்ரோ எஸ்டி கார்டு ஸ்லாட்டும் உள்ளது. அதன் வழியாக 32 ஜிபி வரையிலாக மெமரி நீட்டிப்பை நிகழ்த்திக்கொள்ளலாம்.

Redmi Note 8 Pro: இந்தியாவில் அறிமுகம்; சூப்பர் விலை; செம்ம அம்சங்கள்; இதோ புகைப்படங்கள்!

பேட்டரி:

இந்த நோக்கியா 110 (2019) மொபைலை இயக்குவதற்காக, எச்எம்டி குளோபல் நிறுவனமானது ஒரு 800 எம்ஏஎச் பேட்டரியைத் தேர்வுசெய்துள்ளது. நிறுவனத்தின் கூற்றுப்படி, இது 18.5 நாட்கள் என்கிற அளவிலான காத்திருப்பு நேரத்தை வழங்கும்.

தவிர இது 14 மணிநேர அளவிலான பேச்சு நேரம், 27 மணிநேர அளவிலான தொடர்ச்சியான எம்பி 3 பிளேபேக் மற்றும் 18 மணிநேர எஃப்எம் ரேடியோ பிளேபேக் ஆகியவற்றை வழங்குவதாகவும் நிறுவனம் கூறுகிறது.

கேமரா & டார்ச்:

நோக்கியா 110 (2019)மொபைலில் உள்ளமைக்கப்பட்ட பின்புற கேமரா உள்ளது. அதன் மேலே ஒரு எல்.ஈ.டி டார்ச்லைட்டும் உட்பொதிக்கப்பட்டுள்ளது.

க்வாட் ரியர் கேமரா + 32MP செல்பீ + 4000mAh பேட்டரி; ஆனால் விலை வெறும் ரூ.8999!

கேம்கள்:

நோக்கியா 110 (2019) மொபைலில் மிகவும் பிரபலமான கேம் ஆன ஸ்னேக் ஆனது ப்ரீ-இண்ஸ்டால்டாக வருகிறது. உடன் Ninja Up, Air Strike, Football Cup மற்றும் Doodle Jump போன்ற கேம்களையும் கொண்டுள்ளது.