அறிமுகமானது ஆண்ட்ராய்டு ஒன் உடன் ’நோக்கியா 6.1 பிளஸ்’: விலை, சிறப்பம்சங்கள்!

புதுடெல்லி: ஹெச்.எம்.டி குளோபல் மூலம் விற்பனை செய்யப்படும் நோக்கியா போன்களில் புதுவரவாக நோக்கியா 6.1 பிளஸ் அமைந்துள்ளது.

நடப்பாண்டில் நோக்கியா சார்பில் அறிமுகம் செய்யப்பட்ட பிற மாடல்களைப் போலவே, இந்த மாடலும் ஆண்ட்ராய்டு ஒன் இயங்குதளத்தைக் கொண்டுள்ளது.

நோக்கியா 6.1 பிளஸ் விலை, விற்பனை நிலவரம்

ஹாங்காங்கில் அறிமுகம் செய்யப்பட்ட நோக்கியா 6.1 மாடல், 2,288 ஹாங்காங் டாலர்(ரூ.20,100) விலையைக் கொண்டுள்ளது. இது நீலம், வெள்ளை ஆகிய வண்ணங்களில் கிடைக்கிறது. வரும் ஜூலை 24ஆம் தேதி முதல் விற்பனைக்கு வருகிறது. விரைவில் இந்தியாவில் அறிமுகம் செய்ய நோக்கியா நிறுவனம் தீவிரம் காட்டி வருகிறது.

கடந்த மே மாதம் சீனாவில் அறிமுகம் செய்யப்பட்ட போது, 4ஜிபி ரேம் - 32 ஜிபி உள்ளடக்க மெமரி(ரூ.13,800), 4 ஜிபி ரேம் - 64 ஜிபி உள்ளடக்க மெமரி(ரூ.16,000), 6 ஜிபி ரேம் - 64 ஜிபி உள்ளடக்க மெமரி(ரூ.18,100) ஆகிய மூன்று விதங்களில் காணப்பட்டது.

நோக்கியா 6.1 பிளஸ் சிறப்பம்சங்கள்

சர்வதேச மாடலாக விளங்கும் நோக்கியா X6 ஸ்மார்ட்போன், கடந்த மே மாதம் சீனாவில் அறிமுகம் செய்யப்பட்ட மாடலைப் போன்றே ஒரே சிறப்பம்சங்களைக் கொண்டிருக்கிறது.

நோக்கியா 6.1 பிளஸ் மாடலில் 5.8 முழு ஹெச்.டி+ டிஸ்பிளே(1080x2280 பிக்சல்கள் ரிசல்யூசன்), 2.5டி கொரில்லா கிளாஸ் 3 பாதுகாப்பு பெற்றுள்ளது. இதன் டிஸ்பிளே 19:9 விகிதாச்சாரத்தைக் கொண்டுள்ளது.

ஆக்டோ கோர் ஸ்நாப்டிராகன் 636 SoC, 4 ஜிபி ரேம் கொண்டு ஆற்றலுடன் செயல்படுகிறது.

பின்பக்க இரட்டை கேமராக்கள் வசதி உள்ளது. அதாவது f/2.0 அபெர்ச்சர் உடன் 16 எம்.பி ஆட்டோ ஃபோகஸ் சென்சார், f/2.2 அபெர்ச்சர் உடன் 5 எம்பி மோனோ க்ரோம் சென்சார் கொண்டிருக்கிறது. முன்பக்கத்தில் f/2.0 அபெர்ச்சர் உடன் 16 எம்.பி கேமரா உள்ளது.

இதில் 3060 mAh நீக்க இயலாத பேட்டரி, அதிவேக சார்ஜிங் வசதி, எல்.டி.இ கேட். 4, வைஃபை 802.11 a/b/g/n/ac, ப்ளூடூத் v5.0, ஜிபிஎஸ்+க்ளோனஸ், யு.எஸ்.பி டைப்-சி மற்றும் 3.5mm ஹெட்போன் ஜாக் ஆகியவை இடம்பெற்றுள்ளன.

இதன் அளவுகளைப் பொறுத்தவரை 147.2x70.98x7.99mm என்ற மாடலில் 151 கி எடையுடன் இருக்கிறது.

Nokia 6.1 Plus with Android One launched Price, specs and more.