போத்தீ கேமராவுடன் களமிறங்கிய நோக்கியா 8!

எச்.எம்.டி. குளோபல் நிறுவனத்தின் நோக்கியா மொபைல் வரிசையில் புதுவரவான நோக்கியா 8 இன்று இந்தியாவில் அறிமுகமாகியுள்ளது.

எச்.எம்.டி. குளோபல் நிறுவனத்தின் நோக்கியா 8 ஸ்மார்ட்போனில் முக்கிய அம்சமாக பின்பக்கம் டூயல் கேமரா உள்ளது. 4GB RAM மற்றும் 64GB ROM கொண்ட இதில் ஸ்னாப்டிராகன் 835 பிராசெஸர், ஆண்ட்ராய்ட் நூகட் ஆகியவற்றுடன் இயங்குகிறது. விரைவில் ஓரியோ அப்டேட் கிடைக்கும் என்று உறுதியளிக்கப்பட்டுள்ளது. 5.3 இன்ச் தொடுதிரை கொரில்லா கிளாஸ் பாதுகாப்புடன் உள்ளது.

பின்பக்கம் பிளாஷ் லைட்டுடன் கூடிய இரண்டு 13MP கேமரா உள்ளது. 13MP செல்ஃபி கேமராவும் இருக்கிறது. முன்பக்கம் மற்றும் பின்பக்கம் உள்ள கேமராக்களை ஒரே நேரத்தில் பயன்படுத்து போட்டோ, வீடியோ எடுக்கும் போத்தீ வசதி இதில் உள்ளது.

256GB வரை மெமரிகார்டு வசதி, ஹைபிரிட் டூயல் சிம், 4G VoLTE ஆகியவை அடங்கிய இதன் பேட்டரி 3090mAh திறன் கொண்டது. இதன் விலை ரூ.36,999. வரும் அக்டோபர் 14ஆம் தேதி முதல் அமேசான் மூலம் இதனை வாங்கலாம்.

ஒன் பிளஸ் 5 மொபைலின் 6GB RAM / 64GB ROM வேரியண்ட் ரூ.32,999க்கும் 8GB RAM / 128GB ROM வேரியண்ட் ரூ.37,999க்கும் கிடைக்கிறது. இதனால், நோக்கியா 8 விலை அதிகமாகவே உள்ளது.