இந்தியாவில் நோக்கியா 65-இன்ச் 4கே எல்இடி ஸ்மார்ட் டிவி அறிமுகம்; என்ன விலை?

முன்னதாக நோக்கியா நிறுவனம், பிரபல இகாமர்ஸ் தளமான பிளிப்கார்ட்டுடன் இணைந்து, நோக்கியா பிராண்டட் ஸ்மார்ட் டிவியை இந்தியாவில் அறிமுகம் செய்வதாக அறிவித்து இருந்தது.

அதனொரு பகுதியாக இந்நிறுவனம் நோக்கியா 65 இன்ச் 4 கே யுஎச்.டி ஸ்மார்ட் ஆண்ட்ராய்டு டிவியை நாட்டில் அறிமுகப்படுத்தியுள்ளது. நோக்கியா ஸ்மார்ட் டிவி 65 இன்ச் விலை ரூ.64,999 ஆகும், இது பிளிப்கார்ட்டில் ஆகஸ்ட் 6 முதல் விற்பனைக்கு வரும்.

நோக்கியா 2.4, நோக்கியா 6.3 மற்றும் நோக்கியா 7.3: எப்போது அறிமுகம்? என்ன விலை?

நோக்கியா 65 அங்குல ஸ்மார்ட் டிவி விவரக்குறிப்புகள் மற்றும் அம்சங்கள்:

இந்த புதிய நோக்கியா ஸ்மார்ட் டிவியின் 65 இன்ச் யுஎச்.டி டிஸ்ப்ளே ஆனது 2840 x 2160 பிக்சல்கள் அளவிலான ஸ்க்ரீன் ரெசல்யூனுனை கொண்டு உள்ளது. இந்த ஸ்மார்ட் டிவி 178 டிகிரி கோணத்துடன் வருகிறது, மேலும் இது 480nits ப்ரைட்னஸை கொண்டுள்ளது. இந்த ஸ்மார்ட் டிவியில் டால்பி விஷன் ஆதரவும் இடம்பெறுகிறது, மேலும் இது பார்வை அனுபவத்தை மேம்படுத்த இன்டெலிஜெண்ட் டிம்மிங்-ஐ அம்சத்தினையும் கொண்டுள்ளது.

இந்த ஸ்மார்ட் டிவியானது 1GHz PureX குவாட் கோர் கோர்டெக்ஸ் A53 ப்ராசஸர் மற்றும் மாலி 450MP4 GPU-ஐ கொண்டுள்ளது. இது 2.25 ஜிபி ரேம் மற்றும் 16 ஜிபி உள் சேமிப்புடன் வருகிறது. மேலும் இந்த ஸ்மார்ட் டிவி ஆண்ட்ராய்டு டிவி 9.0 பை கொண்டு இயங்குகிறது, மேலும் இது கூகுள் பிளே ஸ்டோருடன் உள்ளமைக்கப்பட்ட Chromecast ஆதரவு, கூகுள் அசிஸ்டென்ட் மற்றும் பலவற்றோடு வருகிறது.

சாம்சங் கேலக்ஸி M31s அறிமுகம்; விலையை சொன்னா ஆடிப்போயிடுவீங்க!

ஆடியோவைப் பொறுத்தவரை, இந்த ஸ்மார்ட் டிவி 24W ஸ்பீக்கரை கொண்டுள்ளது. இதன் ஸ்பீக்கர்கள் டி.டி.எஸ் ட்ரூசரவுண்ட், டால்பி ஆடியோ ஆதரவுடன் வருகிறது. மேலும் ஆழமான பாஸ் விளைவுக்காக ஜேபிஎல்லிலிருந்து ஆப்டிமைஸ்டு செய்யப்பட்டுள்ளது என்றும் நோக்கியா நிறுவனம் கூறுகிறது. இணைப்பு ஆதரவுகளை பொறுத்தவரை, இது Wi-Fi 802.11a / b / g / n (2.4GHz), ப்ளூடூத் 5.0, 3x HDMI, 1x USB 2.0, 1x USB 3.0 மற்றும் ஈதர்நெட் போர்ட் ஆகியவற்றை கொண்டுள்ளது.