OnePlus 7T Pro: நெபுலா ப்ளூ நிறத்தில், சும்மா தகதகவென மின்னுதுப்பா! ஆனால்..?

ஒன்பிளஸ் நிறுவனத்தின் அடுத்த வெளியீடான OnePlus 7T Pro ஸ்மார்ட்போனின் புகைப்படங்கள், ஆன்லைனில் மீண்டும் லீக் ஆகியுள்ளது. சுவாரசியம் என்னவெனில், இது முதலில் வெளியான லீக் புகைப்படத்தை போல் ஸ்மார்ட்போனின் முன்புறத்தை மட்டுமே காட்சிப்படுத்தாமல், ஸ்மார்ட்போனின் இரண்டு பக்கங்களையும் தெளிவாக பார்க்க அனுமதிக்கிறது.

வெளியான லீக் புகைப்படம் ஆனது, ஸ்மார்ட்போனின் வடிவமைப்பை வெளிப்படுத்திவிட கூடாது என்பதற்காக கேஸ் கொண்டு மூடப்பட்டிருக்கிறது. ஆனாலும் கூட, வரவிருக்கும் ஒன்பிளஸ் 7 தொடர் வாரிசுகளின் வடிவமைப்பில் அதிக மாற்றங்கள் இருக்காது என்பதை வெளிப்படையாகவே பார்க்க முடிகிறது.

உறுதியானது மூன்று பின்புற கேமரா அமைப்பு!

புதிய லீக்ஸ் படங்களின் வழியாக, ஒன்பிளஸ் 7டி ப்ரோ ஸ்மார்ட்போன் அதன் பின்பக்கத்தில் மூன்று கேமரா அமைப்பை கொண்டிருப்பதையும், இரண்டாவது மற்றும் மூன்றாவது கேம்ராவிற்கு இடையே சிறிய இடைவெளி இருப்பதையும், அதனை தொடர்ந்து ஒரு எல்.ஈ.டி பிளாஷ் இடம்பெற்றுள்ளதையும் காண முடிகிறது.

OnePlus 7 Pro-விற்கு செக் வைக்கும் விலையில் இந்திய விற்பனையை தொடங்கிய Redmi K20 Pro!

மின்னும் வண்ணம்; மின்னாத வடிவமைப்பு!

ஸ்மார்ட்போன் கேஸில் உள்ள துளை வழியாக நெபுலா ப்ளூ நிறத்தை காண முடிகிறது. இரண்டு மாதங்களுக்கு முன்பு, இதே வண்ண விருப்பத்தின் கீழ் ஒன்பிளஸ் 7 தொடர் அறிமுகமானது என்பது இங்கே குறிப்பிடத்தக்கது. வண்ண விருப்பத்தில் என்ன இருக்கிறது? வடிவமைப்பில் மாற்றங்கள் இல்லையே?!

இரண்டு வகையான லீக்ஸ்; ஒரே ஒரு வித்தியாசம்!

முன்னர் வெளியான லீக் புகைப்படங்களுக்கும், புதிய படங்களுக்கும் உள்ள ஒரே ஒரு வித்தியசாம் - ஒன்ப்ளஸ் 7 ப்ரோவில் இடம்பெற்று இருக்கும் பரந்த ஸ்பீக்கர் கிரில் மட்டுமே ஆகும்.

அறிமுகமானது சாம்சங் கேலக்ஸி நோட் 10 & நோட் 10 பிளஸ்; இந்திய விலை மற்றும் அம்சங்கள்!

என்னென்ன எதிர்பார்க்கலாம்?

இனிமேல் வெளியாகும் ஒன்பிளஸ் 'டி' தொடர் ஸ்மார்ட்போன்களில் பெரிய அளவிலான வடிவமைப்பு மாற்றங்கள் இருக்காது. ஆனால் அட்டகாசமான வன்பொருள் மேம்படுத்தல்கள் இருக்கும் என்பது கிட்டத்தட்ட உறுதியாகிவிட்ட நிலையில், ஒன்பிளஸ் 7 டி ப்ரோ ஸ்மார்ட்போனில் ஸ்னாப்டிராகன் 855 பிளஸ் மற்றும் மேம்படுத்தப்பட்ட கேமராக்கள் போன்றவைகளை நாங்கள் எதிர்பார்க்கிறோம்.

டிஸ்பிளேவின் நிலை என்ன?

டிஸ்பிளேவை பொறுத்தவரை, ஸ்க்ரீனின் Refresh rate அதிகரிக்கப்படலாம். ஒருவேளை அதே வாட்டர் டிராப் நாட்ச் டிஸ்பிளே ஆனது தக்கவைத்துக்கொள்ளப்பட்டால் ஆச்சரியப்படுவதற்கில்லை.

48MP Camera Smartphone: லீக் ஆனது Motorola One Zoom-ன் அம்சங்கள் & விலை நிர்ணயம்!

எப்போது வெளியாகும்?

ஒன்பிளஸ் நிறுவனம், தொடர்ச்சியாக பின்பற்றி வரும் அதன் வெளியீட்டு சுழற்சியை மாற்றாத பட்சத்தில், ஒன்பிளஸ் 7டி ப்ரோ ஆனது அடுத்த மூன்று மாதங்கள் கழித்தே அறிமுகம் ஆகும். ஆக, பட்ஜெட்டில் ஓட்டை விழக்கூடாது என்று விரும்புவர்களுக்கு பணம் சேர்க்க போதுமான கால அவகாசம் இருக்கிறது.