அறிமுகமானது OnePlus 7T Pro; யாருமே எதிர்பார்க்காத இந்திய விலை நிர்ணயம்!

ஒன்பிளஸ் 7 ப்ரோ ஸ்மார்ட்போனின் மேம்படுத்தப்பட்ட ‘டி’ பதிப்பை ஒன்பிளஸ் நிறுவனம் இன்று லண்டனில் அறிமுகம் செய்தது. வெளியான ஒன்பிளஸ் 7டி ப்ரோ ஆனது வளைந்த விளிம்புகள், பாப்-அப் செல்பி கேமரா மற்றும் ஸ்னாப்டிராகன் 855+ சிப்செட் போன்ற பிரதான அம்சங்களை கொண்டுள்ளது.

மேலும் முன்னர் அறிவிக்கப்பட்டபடியே (ஒன்பிளஸ் 7டி போன்றே) 90Hz விகிதத்திலான Refresh Rate கொண்ட QHD+ டிஸ்ப்ளேவை கொண்டுள்ளது. மேலும் இந்த ஸ்மார்ட்போன் 8 ஜிபி அளவிலான ரேம் மற்றும் 256 ஜிபி அளவிலான உள்ளடக்க சேமிப்பிடத்தை கொண்டுள்ளது.

கடந்த செப்டம்பர் மாத இறுதியில் அறிமுகமான ஒன்பிளஸ் 7டி போன்றே இதுவும் வார்ப் சார்ஜ் 30 டி ஆதரவு கொண்டுள்ளது, ஆனால் சற்று பெரிய அளவிலான பேட்டரியை கொண்டுள்ளது, அதாவது ஒரு 4,085 எம்ஏஎச் பேட்டரியுடன் வருகிறது. ஒன்பிளஸ் 7டி ப்ரோ ஆனது ஆக்ஸிஜன்ஓஎஸ் 10 கொண்டு இயங்குகிறது.

ஒன்பிளஸ் 7டி ப்ரோ McLaren edition ஸ்மார்ட்போனும் அறிமுகமானது!

ஒன்பிளஸ் 7டி ப்ரோ ஸ்மார்ட்போனுடன் ஒன்பிளஸ் 7டி ப்ரோ McLaren edition ஸ்மார்ட்போனும் அறிமுகம் ஆகியுள்ளது. ஒன்பிளஸ் 7டி ப்ரோ மெக்லாரன் எடிஷன் ஆனது எஃப் 1 ரேசிங் கார் போன்ற வடிவமைப்பை பெற்றுள்ளது. இந்த ஸ்பெஷல் எடிசனின் பக்கங்களில் பப்பாளி ஆரஞ்சு வண்ண நிறத்திலான பூச்சு உள்ளது.


ஒன்ப்ளஸ் 7டி ப்ரோ மெக்லாரன் எடிஷன் ஆனது வழக்கமான பதிப்பின் அதே அம்சங்களுடன் வருகிறது. வெளிப்படையான வடிவமைப்பு மாற்றத்தைத் தவிர, மெக்லாரன் எடிஷனில் அதிக அளவிலான ரேம் உள்ளது, அதாவது 12 ஜிபி ரேம் உள்ளது.

உடன் ஹாரிசன் லைட்டிற்கான பப்பாளி ஆரஞ்சு நிறம் போன்ற சில Software customisation கள் மற்றும் டாஷ்போர்டு போன்ற வடிவமைப்பு ஆகிய வித்தியாசங்களை கொண்டுள்ளது. ஒன்பிளஸ் 7 டி ப்ரோ மெக்லாரன் எடிஷனுக்கான பிரத்யேக கேஸ் ஒன்றும் உள்ளது.

Jio Alert: சமீபத்தில் "இந்த" ஜியோ மெசேஜ் வந்ததா? க்ளிக் செய்யாதீர்கள்! ஏனெனில்?

விலை நிர்ணயம்!

அறிமுகமான புதிய ஒன்பிளஸ் 7டி ப்ரோ ஸ்மார்ட்போன் ஆனது ரூ.53,999 என்கிற இந்திய விலை நிர்ணயத்தை பெற்றுள்ளது.

மறுகையில் உள்ள ஒன்பிளஸ் 7டி ப்ரோ மெக்லாரன் எடிஷன் ஆனது ரூ. 58,999 என்கிற இந்திய விலை நிர்ணயத்தை பெற்றுள்ளது. இரண்டு ஸ்மார்ட்போன்களுமே அக்டோபர் 11 முதல் அதாவது நாளை முதல் வாங்க கிடைக்கும் என்றும் அறிவிக்கப்பட்டுள்ளது.

ஒன்பிளஸ் 7 டி ப்ரோ மெக்லாரன் எடிஷன் அம்சங்கள்!

இரட்டை சிம் (நானோ) ஆதரவு கொண்ட ஒன்பிளஸ் 7 டி ப்ரோ மெக்லாரன் பதிப்பு ஆனது ஆண்ட்ராய்டு 10 அடிப்படையிலான ஆக்ஸிஜன்ஓஎஸ் 10.0 கொண்டு இயங்குகிறது.

இது 6.67 இன்ச் அளவிலான (1440x3120 பிக்சல்கள்) Fluid அமோலேட் டிஸ்ப்ளேவை கொண்டுள்ளது. இது 516 பிபி பிக்சல் அடர்த்தி, 90 ஹெர்ட்ஸ் Refresh Rate, 3 டி கார்னிங் கொரில்லா கண்ணாடி பாதுகாப்பு மற்றும் 19.5: 9 என்கிற திரை விகிதம் போன்றவைகளை கொண்டுள்ளது.

மேலும் இது 2.96GHz ஆக்டா கோர் க்வால்காம் ஸ்னாப்டிராகன் 855+ SoC உடனாக அட்ரினோ 640 ஜி.பீ.யூ மற்றும் 12 ஜிபி ரேம் உடன் இணைக்கப்பட்டுள்ளது. மெக்லாரன் பதிப்பு ஆனது 256 ஜிபி அளவிலான யுஎஃப்எஸ் 3.0 சேமிப்பிடத்தை வழங்குகிறது.

ரெடியாக இருங்க! ரூ.26,990 க்கு ஒரு புதிய ஐபோன் அறிமுகமாகிறது; எப்போது? என்ன மாடல்?

ஒன்பிளஸ் 7 டி ப்ரோ மெக்லாரன் எடிஷனின் கேமராக்கள்!

ஒன்பிளஸ் 7 டி ப்ரோ மெக்லாரன் பதிப்பு ஆனது கிடைமட்ட அமைப்பிலான ட்ரிபிள் ரியர் கேமரா அமைப்பைக் கொண்டுள்ளது. அதில் 48 மெகாபிக்சல் அளவிலான சோனி ஐஎம்எக்ஸ் 586 சென்சார் ஆனது முதன்மை கேமராவாக உள்ளது. அது எஃப் / 1.6 துளை, 1.6 மைக்ரான் பிக்சல்கள் (4-இன்-1), Optical image stabilisation (OIS) மற்றும் Electronic image stabilisation ஆகியவைகள் உள்ளன.


இரண்டாம் நிலை கேமராவாக 8 மெகாபிக்சல் சென்சார் உள்ளது, அதில் எஃப் / 2.4, 1.0 மைக்ரான் பிக்சல்கள் கொண்ட 3 எக்ஸ் டெலிஃபோட்டோ லென்ஸ் இடம்பெற்றுள்ளது. மூன்றாவது கேமராவாக 16 மெகாபிக்சல் சென்சார் உள்ளது, இது எஃப் / 2.2 அப்பேஷர் கொண்ட 117 டிகிரி பீல்ட் ஆப் வியூ அல்ட்ரா-வைட் ஆங்கிள் லென்ஸ் ஆகும். இதன் பின்புற கேமரா அமைப்பில் இரட்டை-எல்இடி ஃபிளாஷ் ஒன்றும் உள்ளது.

கேமரா அம்சங்களை பொறுத்தவரை, 60fps வரையிலான 4கே வீடியோ, 60fps வரையிலான 1080p வீடியோ மற்றும் 960fps வரையிலான 720p வீடியோ ஆதரவு, சூப்பர் ஸ்லோ மோஷன் காட்சிகள் போன்றவைகளை கொண்டுள்ளது.

தவிர போர்ட்ரெய்ட், மேம்படுத்தப்பட்ட அல்ட்ராஷாட் எஞ்சின், நைட்ஸ்கேப், ப்ரோ மோட், ஏஐ சீன் டிடெக்ஷன், பனோரமா, எச்டிஆர், டைம்-லேப்ஸ் மற்றும் ரா இமேஜ் போன்ற கேமரா அம்சங்களும் உள்ளது.

முன்பக்கத்தை பொறுத்தவரை ஒன்பிளஸ் 7டி ப்ரோ மெக்லாரன் பதிப்பு ஆனது 16 மெகாபிக்சல் அளவிலான சோனி ஐஎம்எக்ஸ் 471 செல்பீ சென்சாரை கொண்டுள்ளது. இந்த செல்பி கேமரா ஆனது 1-மைக்ரான் பிக்சல்கள், எஃப் / 2.0 மற்றும் ஈ.ஐ.எஸ் போன்றவைகளை கொண்டுள்ளது. உடன் எச்.டி.ஆர், ஸ்கிரீன் ஃப்ளாஷ், ஃபேஸ் ரீடச்சிங் மற்றும் டைம்-லேப்ஸ் போன்ற அம்சங்களையும் கொண்டுள்ளது.

ஒன்பிளஸ் 7T ஐ வாங்க முடியவில்லையா? அதற்கு ஈடான இந்த ஸ்மார்ட்போனை வாங்கலாமே!

பேட்டரி மற்றும் இணைப்பு விருப்பங்கள்!

ஒன்பிளஸ் 7 டி ப்ரோ மெக்லாரன் பதிப்பு ஆனது ஒரு 4,085 எம்ஏஎச் பேட்டரியைக் கொண்டுள்ளது மற்றும் இது வார்ப் சார்ஜ் 30 டி ஃபாஸ்ட் சார்ஜிங் தொழில்நுட்பத்தை ஆதரிக்கிறது, இது 30W (5V / 6A) சக்தியை வழங்குகிறது.

இணைப்பு விருப்பங்களை பொறுத்தவரை 4 ஜி வோல்டிஇ, வைஃபை 802.11 ஏசி, ப்ளூடூத் வி 5.0, என்எப்சி, ஜிபிஎஸ் / ஏ-ஜிபிஎஸ் மற்றும் யூ.எஸ்.பி டைப்-சி (வி 3.1 ஜெனரல் 1) போர்ட் ஆகியவைகளை கொண்டுள்ளது. அளவீட்டில் 162.6x75.9x8.8 மிமீ மற்றும் 206 கிராம் எடையை கொண்டுள்ளது. மேலும் பாதுகாப்பிற்கான இன்-டிஸ்பிளே கைரேகை ஸ்கேனர் ஒன்றும் இதில் ஒருங்கிணைபட்டுள்ளது.