OnePlus 9 Pro வின் மிரட்டலான கேமரா செட்டப்; அறிமுக தேதியும் வெளியானது!

ஒன்பிளஸ் நிறுவனத்தின் வரவிருக்கும் ஸ்மார்ட்போனான ஒன்பிளஸ் 9 சீரிஸ் ஆனது வருகிற 2021 மார்ச் மாதத்தின் நடுப்பகுதியில் அறிமுகமாகும் என்று கூறப்படுவதால், அவ்வப்போது அது சார்ந்த லீக்ஸ் தகவல்கள் வெளியான வண்ணம் உள்ளன.

OnePlus அறிமுகம் செய்துள்ள Charging Station அம்சம்; இது எப்படி வேலை செய்யும்?

ஆனால் தற்போது ஒன்லீக்ஸ் வழியாக வெளியாகியுள்ள புதிய லீக் புகைப்படமானது ஒன்பிளஸ் 9 ப்ரோ ஸ்மார்ட்போனின் மீதான முழு பார்வையையும் நமக்கு வழங்குகிறது. மேலும் வெளியான புகைப்படமானது - ஒன்பிளஸ் 9 ப்ரோவின் கேமரா அமைப்பானது "பெரிதாக இருக்கும், மிகப்பெரிதாக இருக்கும்" என்பதையும் வெளிப்படுத்துகிறது.

Samsung Galaxy Z Flip Lite : இனிமே எல்லாருமே மடக்ககூடிய ஸ்மார்ட்போனை வாங்கலாம்!

வெளியான ரெண்டர்களை பொறுத்தவரை, ஒன்பிளஸ் 9 ப்ரோ மாடலானது ஒன்பிளஸ் 8 டி மற்றும் சமீபத்திய நோர்ட் மாடல்களில் காணப்படும் அதே வடிவமைப்போடு ஒட்டிக்கொண்டிருக்கிறது என்பது உறுதிப்படுத்தப்பட்டுள்ளது.

ஆனால் கேமரா அமைப்பானது பின்பக்க பேனலின் நடுப்பகுதியில் இருந்து இடதுபுறத்திற்கு தள்ளப்பட்டுள்ளது. அதாவது சமீபத்தில் வெளியான கேலக்ஸி நோட் 20 அல்ட்ராவுடன் ஒற்றுப்போகிறது.

ஒன்லீக்ஸின் படி, ஒன்பிளஸ் 9 ப்ரோ ஸ்மார்ட்போன் ஆனது 6.7 இன்ச் அளவிலான கர்வ்டு டிஸ்ப்ளேவை கொண்டிருக்கும், டிஸ்பிளே மேல் இடதுபுறத்தில் பஞ்ச் ஹோல்-ஸ்டைல் கேமரா வடிவமைப்பு இருக்கும்.

வலதுபுறம் அலர்ட் ஸ்லைடர் மற்றும் பவர் பட்டன், இடதுபுறத்தில் வால்யூம் ராக்கர் மற்றும் கீழே ஒரு ஸ்பீக்கர் கிரில் ஆகியவைகள் உள்ளன.

ஸ்மார்ட்போனின் பின்புறம் கண்ணாடியால் ஆனது என்று கூறப்படுகிறது. பின்புறத்தில் ஒரு குவாட்-கேமரா அமைப்பு இருக்க வேண்டும், அவற்றில் இரண்டு லென்ஸ்கள் பெரிய உலோக வளையங்களுக்குள் இணைக்கப்பட்டுள்ளன, மேலும் அவைகள் பிரதான கேமரா பம்பிலிருந்து சற்று நீண்டு செல்கின்றன. இரண்டு பெரிய கேமரா சென்சார்களுடன் மேலும் இரண்டு சிறிய லென்ஸ்கள் மற்றும் ஒரு ஃபிளாஷ் உள்ளது.

நாம் எதிர்பார்ப்பது போல, ஒன்பிளஸ் 9 ஆனது 120 ஹெர்ட்ஸ் அமோல்ட் டிஸ்ப்ளே மற்றும் நிறுவனத்தின் லேட்டஸ்ட் 65W சார்ஜிங் ஆதரவுடன் வர அதிக வாய்ப்புள்ளது. ஏனெனில் இந்த அம்சங்கள் ஏற்கெனவே ஒன்பிளஸ் 8 டி உடன் அறிமுகப்படுத்தப்பட்டது.

ஒன்பிளஸ் 9 தொடர் ஸ்மார்ட்போன்களின் வெளியீட்டு தேதி குறித்த தகவலும் வெளியாகியுள்ளது. அது மார்ச் 14, 2021 ஆம் தேதியை குறிக்கிறது. இருப்பினும் தற்போது வரையிலாக, நாம் மேற்கண்ட எந்த மாடல்களை பற்றிய அதிகாரப்பூர்வ அம்சங்கள் மற்றும் விவரக்குறிப்புகளை பரிந்துரைக்கும் தகவலகள் அல்லது அறிக்கைகள் வெளியாகவில்லை. எனவே அனைத்து தகவல்களையும் சிட்டிகை உப்பிலிருந்து கிள்ளிகொள்ளும் அளவு மட்டுமே எடுத்துக்கொள்ளுமாறு பரிந்துரைக்கிறோம்.