OnePlus அறிமுகம் செய்துள்ள Charging Stations அம்சம்; இது எப்படி வேலை செய்யும்?

ஒன்பிளஸ் நிறுவனம் அதன் பயனர்களுக்காக ஒரு புதிய அம்சத்தை அறிமுகம் செய்துள்ளது. இந்த புதிய அம்சமானது ஒன்பிளஸ் ஸ்மார்ட்போன் உரிமையாளர்களுக்கு - இந்தியாவில் தேர்ந்தெடுக்கப்பட்ட விமான நிலையங்களில் - அருகிலுள்ள ஒன்பிளஸ் சார்ஜிங் ஸ்டேஷன்களை பற்றிய தகவல்களை அறிவிக்கும்.

பிரிட்டனில் OnePlus Nord N100-ஐ வாங்கியவர்களுக்கு செம்ம ஷாக்!

அது மட்டுமல்லாமல், நீங்கள் ஒன்பிளஸ் சார்ஜிங் ஸ்டேஷனை டிராக் செய்யலாம் மற்றும் அருகாமையில் இருக்கும் ஸ்டேஷனுக்கு இடையிலான தூரத்தையும் கூட கண்காணிக்கலாம்.

ரூ.500 க்குள் Unlimited ப்ரீபெயிட் பிளான் வழங்குவதில் யாரு கெத்து? யாரு வெத்து?

ஒன்பிளஸ் சார்ஜிங் ஸ்டேஷன்களில் ஒருங்கிணைகப்பட்ட பீக்கான்களின் (beacon) உதவியுடன், உங்கள் ஒன்பிளஸ் ஸ்மார்ட்போன் அருகிலுள்ள சார்ஜிங் நிலையங்களை அடையாளம் காட்டுகிறது. இது ஒன்பிளஸ் ஸ்மார்ட்போன்களை அருகிலுள்ள சார்ஜிங் ஸ்டேஷனை அடையாளம் காணவும், அது சார்ந்த அறிவிப்பை உருவாக்கவும் அனுமதிக்கிறது.

விமான நிலையங்களில் நீண்ட நிறுத்தங்களில் நீங்கள் சிக்கிக்கொள்வது போன்ற நேரங்களில், இந்த அம்சத்தினை நீங்கள் எப்போது வேண்டுமானாலும் ம்யூட் செய்யலாம் என்பதும் குறிப்பிடத்தக்கது. அதாவது இந்த சேவையை 6 மணி நேரம் வரை நீங்கள் ம்யூட் செய்யலாம்.

தற்போது வரையிலாக இந்த சார்ஜிங் ஸ்டேஷன்கள் பெங்களூர் விமான நிலையத்தில் அணுக கிடைக்கிறது, விரைவில் டெல்லி விமான நிலையத்தில் தொடங்கப்படும் என்றும் அறிவிக்கப்பட்டுள்ளது.

முன்னதாக, ஒன்பிளஸ் நிறுவனம் இந்தியாவில் ஒரு புதிய கல்வி நல திட்டத்தை (Education Benefits programme) அறிமுகப்படுத்தியது, இதன் வழியாக, இந்தியாவில் உள்ள மாணவர்கள் மற்றும் ஆசிரியர்களுக்கு பிரத்தியேக சலுகைகள் மற்றும் தள்ளுபடிகள் கிடைக்கிறது.

இந்த திட்டம் இந்தியா முழுவதும் 760 பல்கலைக்கழகங்கள் மற்றும் 38,498 கல்லூரிகளை உள்ளடக்கியது. இது மாணவர்களுக்கும் ஆசிரியர்களுக்கும் புதிய ஒன்பிளஸ் ஸ்மார்ட்போன் அல்லது ஒன்பிளஸ் டிவியை வாங்கும்போது ரூ.1,000 என்கிற தள்ளுபடியை வழங்குகிறது.

மேலும் இந்த கல்வி நல திட்டத்தின் கீழ் உடன் நாட்டில் உள்ள அனைத்து கல்லூரி அல்லது பல்கலைக்கழக மாணவர்களுக்கும் எந்தவொரு ஒன்பிளஸ் அக்சஸெரீஸ்க்கும் 5% தள்ளுபடியை பெறலாம்.

ஒன்பிளஸ் கல்வி நல திட்டத்தின் கீழ் சலுகைகளைப் பெற, தகுதியான மாணவர்கள் அல்லது ஆசிரியர்கள் அவர்கள் உண்மையிலேயே ஒரு பல்கலைக்கழகம் அல்லது கல்லூரிக்குச் செல்கிறார்களா என்பது சரிபார்க்கப்படும்.

இந்த சரிபார்ப்பு செயல்முறையை எளிதாக்குவதற்காக Student Beans உடன் கூட்டு சேர்ந்துள்ளதாக ஒன்பிளஸ் நிறுவனம் அதன் ஃபோரம்களில் உறுதிப்படுத்தி உள்ளது. Student Beans நடத்தும் சரிபார்ப்பு செயல்முறையை பயனர் முடித்ததும், அவர்களின் ஒன்பிளஸ் அக்கவுண்டில் புதிய கூப்பன் வவுச்சர் அணுக கிடைக்கும் என்பதையும் ஒன்பிளஸ் நிறுவனம் உறுதிப்படுத்தியுள்ளது.

மற்ற கட்டுப்பாடுகளை பொறுத்தவரை, தற்போது சேர்க்கப்பட்ட மாணவர்கள் மற்றும் ஆசிரிய உறுப்பினர்கள் மட்டுமே இந்த தள்ளுபடிக்கு தகுதியுடையவர்கள் ஆவார்கள். இந்த நன்மை வருடத்திற்கு ஒரு முறை மட்டுமே பயன்படுத்தப்பட முடியும், மேலும் ஆடியோ சாதனங்கள், கேஸ்கள் மற்றும் செக்யூரிட்டி உள்ளிட்ட அனைத்து உபகரணங்களுக்கும் ஐந்து சதவீத தள்ளுபடி வழங்கப்படும்.

மாணவர் அல்லது ஆசிரிய உறுப்பினருக்கு வழங்கப்பட்ட வவுச்சர் அவர்களின் ஒன்பிளஸ் அக்கவுண்டிற்கு மட்டுமே கட்டுப்படும், அந்த நபரால் மட்டுமே அந்த கூப்பனை பயன்படுத்த முடியும். ஒரு வருட சரிபார்ப்பிற்குப் பிறகு வவுச்சர் காலாவதியாகும். மேலும் புதிய வவுச்சரை மீண்டும் பெற பயனர்கள் பின்னர் ரீவெரிஃபை செய்ய வேண்டும். நினைவூட்டும் வண்ணம் ஒன்பிளஸ் சமீபத்தில் இந்தியாவில் அதன் ஒன்பிளஸ் 8டி ஸ்மார்ட்போனை அறிமுகப்படுத்தியது.