OnePlus TV: அதிகாரப்பூர்வமான பெயர் வெளியானது; லோகோவின் அர்த்தம் தான் ஹைலைட்!

ஒன்பிளஸ் நிறுவனத்தின் இணை நிறுவனர் மற்றும் தலைமை நிர்வாக அதிகாரியான பீட் லாவ், கடந்த ஆண்டு செப்டம்பரில், ஒன்பிளஸ் நிறுவனத்தின் ஸ்மார்ட் டிவி பிரிவானது 2019 ஆம் ஆண்டில் அறிமுகமாகும் என்று அறிவித்திருந்தார். அதன் பின்னர் OnePlus TV பற்றிய எந்தவிதமான அதிகாரப்பூர்வமாக தகவலும் வெளியாகவில்லை.

"அந்த" நீண்ட மௌனத்திற்கு முற்றுப்புள்ளி வைக்கும்படி, ஒன்பிளஸ் இறுதியாக அதன் ஸ்மார்ட் டிவியின் பெயரை வெளியிட்டுள்ளது. மிகவும் எதிர்பார்க்கப்பட்டபடியே அது 'ஒன்பிளஸ் டிவி' என்று அழைக்கப்படுகிறது. பெயருடன் சேர்ந்து டிவி வரிசையின் லோகோவும் வெளிப்படுத்தபட்டுள்ளது.

ஒன்பிளஸ் டிவியின் லோகோ வடிவமைப்பின் அர்த்தம் என்ன?

லோகோவை பற்றிய விளக்கத்தில், "பண்டைய ஹிந்து சின்னமான மண்டலா மற்றும் புகழ்பெற்ற பண்டைய கிரேக்க கோவிலான ஹெராயோன் ஆஃப் ஆர்கோஸ் உள்ளிட்ட பழங்கால கலையில் காணப்பட்ட வடிவியல் முன்னேற்றத்தால் ஈர்க்கப்பட்டதே இந்த லோகோ" என்று நிறுவனம் கூறியுள்ளது.



பெயரிடும் போட்டியில் பெரிய பரிசு! என்னவாக இருக்கும்?

கடந்த ஆண்டு, "ஒன்பிளஸ் டிவி: யூ நேம் இட்" போட்டியை நிறுவனம் அறிவித்து இருந்தது. இந்த போட்டியின் வழியாக ஒன்பிளஸ் ரசிகர்கள் வரவிருக்கும் புதிய டிவிக்கு பெயரிடுமாறு கேட்டுக்கொள்ளப்பட்டனர். பெயரிடும் போட்டியில் வெற்றி பெறுபவர்களுக்கு பரிசுகள் வழங்கப்படும் என்றும், ‘ஒன்பிளஸ் டிவி’ என்ற பெயரை பரிந்துரைக்கும் முதல் நபருக்கு “பெரிய பரிசு” வழங்கப்படும் என்றும் ஒன்பிளஸ் அறிவித்திருந்தது. அந்த பரிசானது ஒன்பிளஸ் ஸ்மார்ட் டிவிகளில் ஒன்றாக இருக்கலாம் என்று எதிர்பார்க்கப்படுகிறது.

வெறும் ரூ.17,990/-க்கு சாம்சங் 32-inch 7-in-1 ஸ்மார்ட் டிவி அறிமுகம்! அதென்ன 7-இன்-1?

43 இன்ச் முதல் 75 இன்ச் வரையிலாக!

சில நாட்களுக்கு முன்னர் வெளியான தகவலின்படி, கூறப்படும் ஒன்ப்ளஸ் டிவிக்கள் ஆனது 43 இன்ச், 55 இன்ச், 65 இன்ச் மற்றும் 75 இன்ச் உட்பட குறைந்தது நான்கு அளவுகளில் பல ஸ்மார்ட் டிவிகளை அறிமுகப்படுத்தலாம். ஒன்பிளஸ் டிவிக்கள் ஆனது ஒரு Android டிவியாக இருக்கும் என்பது கிட்டத்தட்ட உறுதியான விடயம் தான். ஆனால் அவற்றில் OxygenOS இடம்பெறுமா என்பது பற்றிய விவரங்கள் ஏதுமில்லை.

எதிர்பார்க்கப்படும் அம்சங்கள்?

எதிர்பார்க்கப்படும் அம்சங்களை பொறுத்தவரை, ஒன்பிளஸ் டிவிக்கள் ப்ளூடூத் 5.0 மற்றும் 4கே எச்டிஆர் டிஸ்பிளே போன்றவைகளை கொண்டிருக்கலாம். வெளியாகும் டிவிக்களில் ஒன்று OLED டிஸ்ப்ளே பேனலுடனும் வரலாம். இந்தியாவில், ஒன்பிளஸ் டிவிக்களின் விற்பனையானது அமேசான் இந்தியா வழியாக தொடங்கப்படலாம்.

Jio GigaFiber Price: வெல்கம் ஆபர் உடன் அறிமுகமானது ஜியோ ஃபைபர் சேவை! அம்பானிக்கு நன்றி!

இந்திய வெளியீடு மற்றும் விலை நிர்ணயம்?

இப்போது வரையிலாக அதிகாரப்பூர்வமான பெயர் மற்றும் லோகோவை மட்டுமே நிறுவனம் அறிவித்துள்ளது. இந்த டிவிக்கள் எப்போது இந்திய சந்தையை எட்டும்? எம்மாதிரியான விலை நிர்ணயத்தை பெறும்? போன்ற கேள்விகளுக்கான விடைகளை அறிய நாம் சற்று காத்திருக்க வேண்டியது அவசியமாகிறது.