மொபைல் டேட்டா ஸ்பீட் டெஸ்ட்: பாகிஸ்தான், இலங்கையிடம் 'பல்பு' வாங்கிய இந்தியா; ஏன்?

ஒருபக்கம் இந்தியாவில் ஸ்மார்ட்போன் பயன்படுத்துபவர்களின் எண்ணிக்கை அதிகமாக உள்ளனர், மறுபக்கம் உலகின் மலிவான டேட்டா விலை நிர்ணயங்களில் இந்தியாவும் உள்ளது. ஆனால் இவை அனைத்தும் உலகளாவிய மொபைல் டேட்டா ஸ்பீட் அட்டவணையில் "முன்னேற" இந்தியாவிற்கு உதவவில்லை.

Jio Phone பயனர்களுக்கு ஒரு குட் நியூஸ்; இனி ஜாலியாக கிரிக்கெட் பார்க்கலாம்!

சமீபத்திய அறிக்கையொன்று மொபைல் டேட்டா வேகம் சார்ந்த ஒரு பட்டியலில் இந்தியாவிற்கு 131 வது இடம் கொடுக்கப்பட்டுள்ளது. இது தென் கொரியா, இலங்கை, மற்றும் நேபாளம் மற்றும் பாகிஸ்தான் போன்ற நாடுகளை விட மிகவும் பின் தங்கிய ஒரு நிலையாகும்.

Jio-வை விட Airtel தான் பெஸ்ட்; இந்த 5 காரணங்களை அம்பானியே ஒத்துப்பார்!

செப்டம்பர் 2020-க்கான ஓக்லா ஸ்பீட் டெஸ்ட்டின்படி (க்ளோபல் இண்டெக்ஸ்) இந்தியாவின் சராசரி மொபைல் பதிவிறக்க வேகம் 12.07 எம்.பி.பி.எஸ் ஆகும். இது உலகளாவிய சராசரி வேகமான 35.26 Mbps ஐ விட மிகவும் குறைவான ஒரு வேகமாகும்.

மேலும் அந்த அறிக்கை, இந்தியாவின் சராசரி மொபைல் பதிவேற்ற வேகம் மற்றும் தாமதம் முறையே 4.31 Mbps மற்றும் 52ms என்றும் குறிப்பிடுகிறது. இது மீண்டும் உலகளாவிய சராசரியான 11.22 எம்.பி.பி.எஸ் பதிவேற்ற வேகம் மற்றும் 42 எம்.எஸ் தாமதத்திற்கு மிகவும் கீழே உள்ளது.

சுவாரஸ்யமாக இந்த பட்டியலில், நேபாளம், பாகிஸ்தான், இலங்கை போன்ற நாடுகள் இந்தியாவை விட முன்னிலை வகிக்கின்றன. மேலே குறிப்பிட்டுள்ள நாடுகள் முறையே 102, 116 மற்றும் 117 வது இடங்களில் உள்ளன. மேலும் இவைகள் அனைத்துமே மொபைல் டேட்டா வேகத்தை 17 எம்.பி.பி.எஸ் ஆக கொண்டுள்ளன.

இந்தியர்களுக்கான ஒரே ஒரு நல்ல விடயம் என்னவென்றால், பிக்ஸடு லைன் பிராட்பேண்ட்டை பொறுத்தவரை, 46.47Mbps என்கிற சராசரி பதிவிறக்க வேகத்துடன் இந்தியாவ 70 வது இடத்தில் உள்ளது. இதில் சற்று சிறப்பாக செயல்பட்டாலும் கூட, இந்தியா - கானா, மால்டோவா மற்றும் மால்டா போன்ற நாடுகளுக்குக் கீழே தான் உள்ளது.

உலகளாவிய தரத்திற்கு கீழே இந்திய மொபைல் டேட்டா வேகம்! ஏன்?

உலகளாவிய ஸ்பீட் இன்டெக்ஸ் ஒவ்வொரு ஆண்டும் வெளியிடப்படுகிறது, மேலும் இது இந்தியாவின் நிலைப்பாட்டுடன் ஒப்பிடும் போது, அதன் திறனுக்குக் கீழே தரவரிசைப்படுத்துவதற்கான பொதுவான போக்காக மாறியுள்ளது.

குறைந்த அளவிலான டேட்டா விலை விகிதங்கள் இந்திய டெலிகாம் நிறுவனகளுக்கான பலவீனமான நிதி நிலையை ஏற்படுத்தியுள்ளன, இதனால் அவர்கள் கசெலவினங்களைக் குறைக்க நிர்பந்திக்கப்படுகிறார்கள்.

ஆனால் எண்ணிக்கையை (எத்தனை ரூபாய்க்கு எத்தனை ஜிபி டேட்டா என்பதை) விட தரமே (என்ன ஸ்பீட் என்கிற) எப்போதும் வெல்லும் என்பதால், நுகர்வோர்கள் வேண்டுமானால் திருப்தி அடையலாம். ஆனால் சந்தேகத்திற்கு ஓக்லா போன்ற ஸ்பீட் டெஸ்டுகள் திருப்த்தி அடையாது.

போட்டி என்பது பயனர்களுக்கு யார் அதிக சலுகைகளை அல்லது அதிக விருப்பங்களை கொடுக்கிறார்கள் என்பதில் மட்டுமல்ல, பொதுவாக தொழில்துறையின் தரத்தை உயர்த்துவதும் ஆகும்.