வாலிபரின் சட்டைப் பையில் வெடித்து சிதறிய ஒப்போ ஸ்மார்ட்போன்!

புதிதாக வாங்கிய போன்கள் ஆங்காங்கே வெடிப்பது வாடிக்கையாகிவிட்டது. ஐபோன், சாம்சங், சீன போன்கள் என அனைத்து போகளும் வெடிக்கும் செய்திகள் அவ்வப்போது வந்தவண்ணமே உள்ளன.

இந்நிலையில் ஐதராபாத்தைத் சேர்ந்த இம்ரான் கான் (28) என்பவர் புதிதாக சீன நிறுவன ஸ்மார்ட்போனான ஒப்போ ஸ்மார்ட் போன் வாங்கியுள்ளார். இவர் போனைத் தன் சட்டைப் பையில் வைத்துக்கொண்டு தன் ஸ்கூட்டரில் சாலையில் சென்றுகொண்டிருந்தபோது போன் திடீரென வெடித்து சிதறியது. இதனால் நிலை தடுமாறு விழந்த இம்ரானின் கண்ணிலும் தலையிலும் காயம் பட்டது. உடனே அருகில்ல் இருந்த பொதுமக்கள் இம்ரானை மருத்துவமனையில் சேர்த்தனர். அவருக்கு பெரிய சேதாரம் ஒன்றும் இல்லை. தற்போது அவர் நுகர்வோர் நீதிமன்றத்தில் டீலர் மீது வழக்கு தொடரவுள்ளார்.

இதற்கு முன்னர் அதீத சூடு காரணமாக ரெட்மீ போன் ஒன்று ஆந்திர பிரதேசத்தில் வெடித்தது. இதற்கு அந்நிறுவனம் நஷ்ட ஈடு வழங்கியது. மேலும் செல்போனுக்கு கொடுக்கப்பட்டுள்ள சார்ஜரை மட்டுமே பயன்படுத்த அறிவுறுத்தியது ஜியோமி நிறுவனம். வேறு சார்ஜர்களை பயன்படுத்துவதான் போன் சூடாகி வெடிக்கிறது என விளக்கம் அளிக்கப்பட்டது.