பிரதமரின் போனிலும் கால் டிராப் பிரச்னை இருக்காம்!

பிரதமர் நரேந்திர மோடிக்கும் கால் டிராப் பிரச்னை ஏற்படுவதால் அதனை விரைந்து சரி செய்யுமாறும் கூறியுள்ளார்.

போனில் பேசிக்கொண்டிருக்கும் போது திடீரென தொடர்பு துண்டிக்கப்படுவதை கால் ட்ராப் (Call Drop) என்று சொல்கிறார்கள். இந்த பிரச்னை போன் பேசும் சாமானிய மக்களுக்கு மட்டுமில்லை. பிரதமர் நரேந்திர மோடிக்கும் இந்த பிரச்னை ஏற்பட்டிருக்கிறது.

பிரதமர் மோடி டெல்லி விமான நிலையத்தில் இருந்து அதிகாரப்பூர்வ இல்லத்திற்கு செல்வதற்குள் அடிக்கடி தொடர்பு துண்டிக்கப்பட்டுள்ளது. இந்நிலையில், பிரகதி (PRAGATI) என்ற பல துறைகளைச் சேர்ந்த உயர்மட்ட செயலாளர்களுடன் மோடி உரையாடியபோது தொலைத்தொடர்பு சேவை வாடிக்கையாளர்களுக்கு ஏற்படும் கால் டிராப் (call drop) பிரச்னைக்கு தீர்வு காணுமாறு தொலைத்தொடர்பு துறை செயலாளருக்கு அறிவுறுத்தியுள்ளார்.

கால் டிராப் பிரச்னைக்காக தொலைதொடர்பு நிறுவனங்களிடம் வசூலான அபராதம் பற்றியும் கேட்டறிந்துள்ளார். முறையான சேவை வழங்காத தொலைதொடர்பு நிறுவனங்களுக்கு அதிக அபராதம் விதிக்கும் வகையில் ட்ராய் சில விதிமுறைகளை விதித்ததையும் தொலைத்தொடர்பு நிறுவனங்கள் அதனை எதிரப்பதையும் தொலைதொடர்புத்துறை செயலாளர் பிரதமரிடம் தெரிவித்திருக்கறார் எனத் தெரிகிறது.

ஒரு கால் டிராப்க்கு ரூ.1 அபராதம் செலுத்த வேண்டும் என ட்ராய் விதிமுறையை அறிவித்தும் அது இன்னும் அமலாகவில்லை என்பது குறிப்பிடத்தக்கது.