Poco F2 Lite: "மாட்டிக்கிச்சி... மாட்டிக்கிச்சி..!" செம்ம குஷியில் போக்கோ ரசிகர்கள்!

சியோமி சமீபத்தில் அதன் துணை பிராண்ட் ஆன போக்கோ நிறுவனமானது இனி இந்தியாவில் ஒரு சுயாதீன பிராண்டாக இருக்கும் என்பதை வெளிப்படுத்தியது. அதாவது இனிமேல் போக்கோ ஒரு தனி நிறுவனமாக செய்லபடும் மற்றும் அது அதன் தாய் நிறுவனமான சியோமியின் எந்த தலையீடும் இல்லாமல் தயாரிப்புகளை அறிமுகப்படுத்தும் என்று அர்த்தம்.

இந்த தகவல் வெளியான சில நாட்களுக்குள்ளேயே, போக்கோ ஒரு புதிய மற்றும் மலிவு விலையிலான ஒரு ஸ்மார்ட்போனில் வேலை செய்து வருவதாக தகவல் வெளியானது. அது போக்கோ எஃப்2 ஆக இருக்கலாம் என்று எண்ணியவர்களுக்கு இன்ப அதிர்ச்சி கொடுக்கும் வகையில் லீக் புகைப்படங்கள் வெளியாகியுள்ளது.

ஃபேஸ் அன்லாக் + டூயல் கேம் + 3200mAh பேட்டரி; விலையோ வெறும் ரூ.6,299; ஆளுக்கு 2 வாங்கலாம் போலயே!

வெளியான புகைப்படமானது, போக்கோ நிறுவனம் போகோ எஃப் 2 லைட் எனும் ஸ்மார்ட்போனின் மீது பணியாற்றுவதை வெளிப்படுத்தியுள்ளது. லீக் புகைப்படத்தில் காணப்படும் மொபைல் ஆனது வாட்டர் டிராப் நாட்ச் வடிவமைப்பை பெற்றுள்ளது உடன் போக்கோ எஃப் 2 லைட் என்ற பெயரையும் காட்டுகிறது.

மேலும், இந்த ஸ்மார்ட்போன் க்வால்காம் ஸ்னாப்டிராகன் 765 ப்ராசஸர் மூலம் இயக்கப்படும் என்பதையும் அது வெளிப்படுத்துகிறது, இது கடந்த ஆண்டு அறிமுகமான க்வால்காம் சிப்செட் ஆகும். மேலும், இது ஸ்மார்ட்போன் 5000 எம்ஏஎச் பேட்டரி மூலம் சக்தியூட்டப்படும் என்றும் குறிப்பிடப்பட்டுள்ளது.

WhatsApp ALERT: பிப்ரவரி 1 முதல் ஆயிரக்கணக்கான போன்களில் வாட்ஸ்அப் வேலை செய்யாது; வெளியானது லிஸ்ட்!

இது தவிர்த்து வரவிருக்கும் புதிய போக்க்கோ ஸ்மார்ட்போன் பற்றி எந்த தகவலும் கிடைக்கவில்லை. இதுவொரு லீக்ஸ் தகவல் என்பதால், சிட்டிகை உப்பில் இருந்து கிள்ளிகொள்ளும் அளவே இந்த தகவலை எடுத்துக்கொள்ளுமாறு பரிந்துரைக்கிறோம்.

இதற்கிடையில், போக்கோ நிறுவனத்தின் மற்றொரு புதிய ஸ்மார்ட்போனும் கீக்பெஞ்சில் காணப்பட்டுள்ளது. அது போகோ எக்ஸ் 2 என்று கூறப்படுகிறது. "பீனிக்சின்” என்கிற குறியீட்டு பெயரின் கீழ் காணபட்டுள்ள இந்த
ஸ்மார்ட்போன் ஆனது 1.80GHz ஆக்டா கோர் சிப்செட் மூலம் இயங்கும் என்றும், 8 ஜிபி அளவிலான ரேம் கொண்டிருக்கும் என்றும், ஆண்ட்ராய்டு 10 ஆப்பரேட்டிங் சிஸ்டத்தை கொண்டு வரும் என்றும் கூறப்படுகிறது.

Airtel vs Jio: வெறும் ரூ.179 க்கு புதிய ஏர்டெல் பிளான்; நன்மைகளை சொன்னால் அம்பானியே ஆடிப்போயிடுவாரு!

நிறுவனத்தின் போக்கோ F2 ஸ்மார்ட்போனே இன்னும் வெளியாகாத நிலைப்பாட்டில், போக்கோ F2 லைட் மற்றும் போக்கோ X2 போன்ற ஸ்மார்ட்போன்களின் லீக்ஸ் தகவலானது வாடிக்கையாளர்களை சற்றே குழப்புகிறது என்றே கூறலாம்.