Realme 64MP Camera: ஆகஸ்ட் 8-ஆம் இந்தியாவில் வெளியாகும் மர்மமான ரியல்மி ஸ்மார்ட்போன்!

முன்னதாக, Realme நிறுவனம் 64 மெகாபிக்சல் அளவிலான கேமாராவை கொண்ட ஒரு ஸ்மார்ட்போனில் பணியாற்றி வருவதாக லீக்ஸ் தகவல்கள் வெளியாகின. அதை உறுதிசெய்யும் படி, ரியல்மி அதன் 64MP Quad Camera ஸ்மார்ட்போன் தொழில்நுட்பத்தை அடுத்த வாரம் இந்தியாவில் அறிமுகம் செய்ய உள்ளதாக அறிவித்துள்ளது.

நிறுவனத்தின் இந்த அறிவிப்பால் ரியல்மியின் அடுத்த ஸ்மார்ட்போன் என்னவாக இருக்கும் என்கிற கேள்விக்கான தெளிவான பதில், அடுத்த வாரம் நமக்கு கிடைக்கவுள்ளது.

முதல் சந்தை இந்தியாவாகத்தான் இருக்கும்!

வருகிற ஆகஸ்ட் 8 ஆம் தேதி புதுதில்லியில் நடைபெற உள்ள அறிமுக நிகழ்வை "Camera Innovation" என்று ரியல்மி நிறுவனம் குறிப்பிட்டுள்ளது. இது உண்மையாகும் பட்சத்தில், 64 மெகாபிக்சல் அளவிலான கேமராவை கொண்ட நிறுவனத்தின் முதல் குவாட் கேமரா ஸ்மார்ட்போனாக அது திகழும். கூறப்படும் 64 மெகாபிக்சல் கேமரா ஸ்மார்ட்போனின் முதல் சந்தையாக இந்தியா இருக்கும் என்பதில் எந்த சந்தேகமும் வேண்டாம்.

5G மற்றும் 5 கேமராக்களுடன் களமிறங்கும் அடுத்த நோக்கியா ஸ்மார்ட்போன் இதுதான்!

இரண்டில் இருந்து நேராக நான்கிற்கு தாவும் ரியல்மி!

ரியல்மி காட்சிப்படுத்தும் டீஸர் புகைப்படத்தில், நான்கு கேமரா லென்ஸ்கள் மற்றும் 64MP என்கிற எழுத்தை தெளிவாக காணமுடிகிறது. முன்னதாக ரியல்மி நிறுவனம் அதன் ரியல்மி 3 தொடர் மற்றும் எக்ஸ் தொடரின் கீழ் இரட்டை கேமரா ஸ்மார்ட்போன்களை அறிமுகப்படுத்தியுள்ளது என்பதும், அந்த கேமராக்களில் ஒன்று Depth Sensor என்பதும் குறிப்பிடத்தக்கது. அதாவது ரியல்மி தயாரிப்பின் கீழ் மூன்று கேமரா அமைப்பு கொண்ட ஸ்மார்ட்போன் எதுவும் வெளியாகவில்லை என்று அர்த்தம். எனவே கூறப்படும் ஸ்மார்ட்போனில் இடம்பெறவுள்ள குவாட் கேமரா அமைப்பானது, நிறுவனத்தின் ஒரு தொழில்நுட்ப பாய்ச்சலாக இருக்கும் என்பதில் சந்தேகமே இல்லை.

ஆகஸ்ட் 7 முதல் Samsung Galaxy Note 10 Plus; விலை மற்றும் அம்சங்கள் வெளியாகின!

கேமரத்துறையின் கீழ் என்னென்னெ எதிர்பார்க்கலாம்?

கேமராக்களை பற்றிய தெளிவான விவரங்கள் எதுவுமில்லை என்றாலும் கூட வரவிருக்கும் ரியல்மி ஸ்மார்ட்போன் அதன் 64MP அளவிலான முதன்மை கேமராவின் கீழ், டெலிஃபோட்டோ மற்றும் அல்ட்ரா-வைட்-ஆங்கிள் கேமராக்களை கொண்டிருக்கும் என்றும், நான்காவது கேமராவானது ஒரு Depth Sensor ஆக இருக்கலாம் என்றும் நாங்கள் நம்புகிறோம்.

48MP கேமராவை கொண்ட Vivo Z5-ன் இந்திய விலையை சொன்னால் நம்புவீர்களா?

மர்மமாகவே உள்ள ஸ்மார்ட்போனின் பெயர்!

துரதிர்ஷ்டவசமாக, கேமராத்துறையை தவிர்த்து கூறப்படும் ஸ்மார்ட்போனை பற்றிய வேறெந்த விவரமும் வெளியாகவில்லை. இன்னும் சொல்லப்போனால் இந்த ஸ்மார்ட்போனின் பெயர் கூட ஒரு மர்மமாகவேத்தான் உள்ளது. எனவே, இது நிறுவனத்தின் எக்ஸ் தொடரின் ஒரு பகுதியாக இருக்குமா அல்லது கேமராக்களை மையப்படுத்தும் புதிய தொடராக இருக்குமா என்பதை பொறுத்திருந்து தான் பார்க்க வேண்டும்.