Realme Narzo 20 Pro : இன்று முதல் விற்பனை; என்ன விலை?

இந்தியாவில், ரியல்மி நிறுவனம் அதன் நார்சோ தொடரின் கீழ் நார்சோ 20, நார்சோ 20 ஏ, மற்றும் நார்சோ 20 ப்ரோ ஸ்மார்ட்போன்களை கடந்த வாரம் அறிமுகம் செய்தது. இந்த தொடரின் கீழ் வெளியான ப்ரோ மாடல் இன்று அதன் முதல் இந்திய விற்பனையை சந்திக்கிறது.

ரியல்மி நார்சோ 20 ப்ரோ ஸ்மார்ட்போனில் அப்படி என்ன வித்தியாசம்?

நார்சோ 20 மற்றும் நார்சோ 20 ஏ ஆகியவைகள் வாட்டர் டிராப்-ஸ்டைல் டிஸ்ப்ளே நாட்ச் வடிவமைப்புடன் வந்தாலும், நார்சோ 20 ப்ரோ ஸ்மார்ட்போன் ஆனது ஹோல் பஞ்ச் வடிவமைப்போடு வந்தது.

Samsung S20 Fan Edition அறிமுகம்: ஒன்பிளஸ்களுக்கு ஆப்பு வைக்கும் விலை!

நார்சோ 20 மற்றும் நார்சோ 20 ஏ ஆகியவைகள் ட்ரிபிள் ரியர் கேமராக்களை வழங்குகின்றன, அதே நேரத்தில் நார்சோ 20 ப்ரோ மாடலானது குவாட் ரியர் கேமராக்களை வழங்குகிறது. கூடுதலாக நார்சோ 20 ப்ரோ ஸ்மார்ட்போன் 90 ஹெர்ட்ஸ் டிஸ்ப்ளேவுடன் வருகிறது மற்றும் 65W ஃபாஸ்ட் சார்ஜிங்கை ஆதரிக்கிறது.

ரியல்மி நார்சோ 20 ப்ரோ விலை:

ரியல்மி நர்சோ 20 ப்ரோ ஸ்மார்ட்போனின் பேஸிக் 6 ஜிபி ரேம் + 64 ஜிபி ஸ்டோரேஜ் வேரியண்ட் ஆனது ரூ.14,999 என்றும், அதன் 8 ஜிபி ரேம் + 128 ஜிபி ஸ்டோரேஜ் மாடலின் விலை ரூ.16,999 என்றும் நிர்ணயம் செய்யப்பட்டுள்ளது. இந்த ஸ்மார்ட்போன் இன்று மதியம் 12 மணி முதல் பிரபல இகாமர்ஸ் தளமான பிளிப்கார்ட் வழியாக வாங்க கிடைக்கும்.

ரியல்மி நார்சோ 20 ப்ரோ ஸ்மார்ட்போனின் அம்சங்கள் மற்றும் விவரக்குறிப்புகள்:

டூயல் சிம் (நானோ) ஆதரவு கொண்ட ரியல்மி நார்சோ 20 ப்ரோ ஸ்மார்ட்போன் ஆண்ட்ராய்டு 10 அடிப்படையிலான ரியல்மே யுஐ மூலம் இயங்குகிறது.

இது 6.5 இன்ச் அளவிலானா புல் எச்டி + (1,080x2,400 பிக்சல்கள்) அல்ட்ரா ஸ்மூத் டிஸ்ப்ளேவை 20: 9 என்கிற அளவிலான திரை விகிதம, 90 ஹெர்ட்ஸ் ரெஃப்ரெஷ் ரேட் வீகிதம் ஆகியவைகளுடன் கொண்டுள்ளது. இந்த டிஸ்ப்ளே ஒரு கார்னிங் கொரில்லா கிளாஸால் பாதுகாக்கப்படுகிறது மற்றும் 120 ஹெர்ட்ஸ் டச் சாம்ப்ளிங் விகிதம் மற்றும் 480 நைட்ஸ் ப்ரைட்னஸ் உடன் வருகிறது.

இந்த ஸ்மார்ட்போன் 6 ஜிபி மற்றும் 8 ஜிபி எல்பிடிடிஆர் 4 எக்ஸ் ரேம் உடன் ஜோடியாக ஆக்டா கோர் மீடியாடெக் ஹீலியோ ஜி 95 SoC மூலம் இயக்கப்படுகிறது. இது ஒரு குவாட் பின்புற கேமரா அமைப்பை கொண்டுள்ளது.

அதில் 48 மெகாபிக்சல் (எஃப் / 1.8) முதன்மை சென்சார் + 8 மெகாபிக்சல் அளவிலான (எப் / 2.3, 119 டிகிரி FoV) அல்ட்ரா-வைட்-ஆங்கிள் கேமரா + 2 மெகாபிக்சல் அளவிலான (எப் / 2.4) மோனோக்ரோம் சென்சார் + 2 மெகாபிக்சல் அளவிலான (எப்/ 2.4) மேக்ரோ கேமரா போன்றவைகள் உள்ளன. செல்பீக்கள் மற்றும் வீடியோ அழைப்புகளுக்காக 16 மெகாபிக்சல் (எஃப் / 2.1) சோனி ஐஎம்எக்ஸ் 471 செல்பீ கேமரா உள்ளது.

இந்த செல்பீ கேமராவானது AI பியூட்டி, ஃப்ரண்ட் பனோரமா, ஃபிளிப் செல்பீ, நைட்ஸ்கேப் மற்றும் போர்ட்ரெய்ட் மோட் போன்ற அம்சங்களை ஆதரிக்கிறது. ரியல்மி நார்சோ 20 ப்ரோ ஸ்மார்ட்போன் 128 ஜிபி வரை யுஎஃப்எஸ் 2.1 சேமிப்பகத்துடன் வருகிறது, இது மைக்ரோ எஸ்டி கார்டு வழியாக (256 ஜிபி வரை) ஒரு பிரத்யேக ஸ்லாட் மூலம் விரிவாக்கக்கூடியது.

இணைப்பு விருப்பங்களை பொறுத்தவரை, 4ஜி VoLTE, வைஃபை 802.11ac, ப்ளூடூத் வி 5.0, ஜிபிஎஸ் / ஏ-ஜிபிஎஸ் மற்றும் யூ.எஸ்.பி டைப்-சி போர்ட் போன்றவைகளை கொண்டுள்ளது. சென்சார்களை பொறுத்தவரை, accelerometer, ambient light, gyroscope மற்றும் magnetometer ஆகியவைகளை கொண்டுள்ளது.

Vivo V20 SE அறிமுகம்: மிட்-ரேன்ஜ் விலையில் இதுக்கு மேலே வேற என்ன வேணும்?

நார்சோ 20 ப்ரோவில் 4,500 எம்ஏஎச் பேட்டரி உள்ளது. இது தொகுக்கப்பட்ட சார்ஜரைப் பயன்படுத்தி 65W சூப்பர் டார்ட் சார்ஜ் ஃபாஸ்ட் சார்ஜிங் தொழில்நுட்பத்தை ஆதரிக்கிறது. கடைசியாக ரியல்மி நார்சோ 20 ப்ரோ ஸ்மார்ட்போன் அளவீட்டில் 162.3x75.4x9.4 மிமீ மற்றும் 191 கிராம் எடையையும் கொண்டுள்ளது.