Realme X7 Pro அறிமுகம், விலை விவரங்கள்: புது போன் வாங்குற பிளான் இருக்கா?

ரியல்மி எக்ஸ் 7 ப்ரோ ஸ்மார்ட்போன் இந்தியாவில் எப்போது வேண்டுமானால் அறிமுகம் செய்யப்படலாம் என்பது போல் தெரிகிறது. ஏனெனில் குறிப்பிட்ட ஸ்மார்ட்போன் ஆனது ரியல்மி இந்தியா சப்போர்ட் பேஜில் காணப்பட்டதாகக் கூறப்படுகிறது.

50MP குவாட் கேம் உடன் நம்பமுடியாத விலைக்கு ஒப்போ ரெனோ 5 ப்ரோ + அறிமுகம்!

நினைவூட்டும் வண்ணம், இந்த ஸ்மார்ட்போன் ஏற்கனவே சீனாவில் அறிமுகம் செய்யப்பட்டுள்ளது, அதன் பிறகு தைவானிலும் அறிமுகமானது. ப்ரோ மாடலுடன் சேர்த்து இந்நிறுவனம் இந்தியாவில் அதன் ரியல்மி எக்ஸ் 7 5ஜி மாடலையும் அறிமுகம் செய்யும் என்று நம்பலாம்.

ரியல்மி எக்ஸ் 7 ப்ரோ மற்றும் ரியல்மி எக்ஸ் 7 5ஜி ஸ்மார்ட்போன்களின் விலை:

ரியல்மி எக்ஸ் 7 ப்ரோ மாடலானது மீடியாடெக் டைமன்சிட்டி 1000+ SoC மூலம் இயக்கப்படுகிறது மறுகையில் உள்ள ரியல்மி எக்ஸ் 7 5ஜி மாடலானது மீடியா டெக் டைமன்சிட்டி 800 யூ எஸ்ஓஇ-ஐ பேக் செய்கிறது. இந்த இரண்டு ஸ்மார்ட்போன்களிலும் குவாட் ரியர் கேமரா அமைப்பு மற்றும் 5 ஜி ஆதரவு போன்ற சில பொதுவான அம்சங்களை கொண்டுள்ளன.

மைஸ்மார்ட் பிரைஸ் வெளியிட்டுள்ள அறிக்கையின்படி, ரியல்மி இந்தியா ஆதரவு பக்கத்தில் ரியல்மி எக்ஸ்7 ப்ரோ பட்டியலிடப்பட்டுள்ளது. எனவே இது வரும் வாரங்களில் இந்தியா சந்தையில் அறிமுகம் செய்யப்படும் என்று அர்த்தம்.

ரியல்மி எக்ஸ் 7 ப்ரோ ஸ்மார்ட்போன் இரண்டு ஸ்டார்வ்ஜ் வகைகளில் அறிமுகப்படுத்தப்பட்டுள்ளது: 8 ஜிபி ரேம் + 256 ஜிபி மாடல் இந்திய மதிப்பின்படி தோராயமாக ரூ. 39,000 க்கும், அதன் 8 ஜிபி ரேம் மற்றும் 128 ஜிபி ஸ்டோரேஜ் ஆனது தோராயமாக ரூ.36,500 க்கும் அறிமுகமானது

மறுகையில் உள்ள ரியல்மி எக்ஸ் 7 5ஜி ஸ்மார்ட்போன் ஆனது சிங்கிள் 8 ஜிபி ரேம் + 128 ஜிபி ஸ்டோரேஜ் வேரியண்டின்கீழ் இந்திய மதிப்பின்படி தோராயமாக ரூ.26,000 க்கு அறிமுகமானது.

ரியல்மி X7 ஸ்மார்ட்போனின் அம்சங்கள் மற்றும் விவரக்குறிப்புகள்:

டூயல் சிம் (நானோ) ஆதரவு கொண்ட ரியல்மி எக்ஸ் 7 ஸ்மார்ட்போன் ஆனது ஆண்ட்ராய்டு 10 அடிப்படையிலான ரியல்மி யுஐ உடன் இயங்குகிறது. இது 6.4 இன்ச் அளவிலான புல் எச்டி + (1,080x2,400 பிக்சல்கள்) AMOLED டிஸ்ப்ளேவை 90.8 சதவிகிதம் ஸ்க்ரீன் டூ பாடி விகிதம் மற்றும் கார்னிங் கொரில்லா கிளாஸ் பாதுகாப்பு ஆகியவற்றைக் கொண்டுள்ளது.

இது 180 ஹெர்ட்ஸ் டச் சாம்ப்ளிங் விகிதத்துடன் வருகிறது. ரியல்மி எக்ஸ் 7 ஸ்மார்ட்போன் மாலி-ஜி 57 ஜி.பீ.யு உடன் ஆக்டா கோர் டைமன்சிட்டி 800 யூ எஸ்ஓசி மற்றும் 8 ஜிபி வரை எல்பிடிடிஆர் 4 எக்ஸ் ரேம் மூலம் இயக்கப்படுகிறது.

கேமராக்களைப் பொறுத்தவரை, ரியல்மி எக்ஸ் 7 ஸ்மார்ட்போனில் குவாட் பின்புற கேமரா அமைப்பு உள்ளது. அதில் 64 மெகாபிக்சல் முதன்மை கேமரா (எஃப் / 1.8) + 8 மெகாபிக்சல் அல்ட்ரா-வைட்-ஆங்கிள் (எஃப் / 2.3) கேமரா + 2 மெகாபிக்சல் பிளாக் அண்ட் ஒயிட் போர்ட்ரெயிட் சென்சார் (எஃப் / 2.4) + எஃப் / 2.4 லென்ஸ் கொண்ட 2 மெகாபிக்சல் மேக்ரோ ஷூட்டர் உள்ளது. முன்பக்கத்தில், எஃப் / 2.5 லென்ஸுடன் 32 மெகாபிக்சல் சென்சார் உள்ளது.

ரியல்மி எக்ஸ் 7 ஸ்மார்ட்போன் 128 ஜிபி யுஎஃப்எஸ் 2.1 ஸ்டோரேஜ் உடன் வருகிறது. இணைப்பு விருப்பங்களை பொறுத்தவரை, 5 ஜி, 4 ஜி எல்டிஇ, டூயல்-பேண்ட் வைஃபை, ப்ளூடூத் வி 5.1, ஜிபிஎஸ், க்ளோனாஸ் மற்றும் யூ.எஸ்.பி டைப்-சி போர்ட் ஆகியவைகள் உள்ளன.

சென்சார்களை பொறுத்தவரை, geomagnetic sensor, ambient light sensor, proximity sensor, gyroscope மற்றும் accelerometer போன்றவைகள் உள்ளன. ரியல்மி எக்ஸ் 7 ஸ்மார்ட்போன் ஒரு 4,300 எம்ஏஎச் பேட்டரியால் சக்தியூட்டப்படுகிறது. இது 65W ஃபாஸ்ட் சார்ஜிங்கிற்கான ஆதரவுடன் வருகிறது. அளவீட்டில் இந்த ஸ்மார்ட்போன் 160.9x74.4x8.1 மிமீ மற்றும் 175 கிராம் எடையையும் கொண்டுள்ளது.

ரியல்மி X7 ப்ரோ ஸ்மார்ட்போனின் அம்சங்கள் மற்றும் விவரக்குறிப்புகள்:

ரியல்மி எக்ஸ் 7 ப்ரோ ஸ்மார்ட்போன் ஆனது வெண்ணிலா ரியல்மே எக்ஸ் 7 மடலுடன் ஒப்பிடும் போது சில வேறுபாடுகளுடன் வருகிறது. இது 120 ஹெர்ட்ஸ் ரெஃப்ரெஷ் ரேட் விகிதத்துடன் கூடிய 6.55 இன்ச் புல் எச்டி + அமோலேட் டிஸ்ப்ளேவை கொண்டுள்ளது.

மேலும் இது 240 ஹெர்ட்ஸ் டச் சாம்ப்ளிங் விகிதம், 91.6 சதவீதம் ஸ்கிரீன் டு பாடி ரேஷியோ மற்றும் 5 வது தலைமுறை கார்னிங் கொரில்லா கிளாஸ் பாதுகாப்பு மற்றும் 1,200 நிட்ஸ் உச்சக்கட்ட ப்ரைட்னஸ் ஆகியவற்றைக் கொண்டுள்ளது. இது ஆக்டா கோர் டைமன்சிட்டி 1000+ SoC மற்றும் 9-கோர் மாலி-ஜி 77 கிராபிக்ஸ் ப்ராசஸர் மூலம் இயக்கப்படுகிறது. இது 8 ஜிபி வரை எல்பிடிடிஆர் 4 எக்ஸ் ரேம் உடன் வருகிறது.

புகைப்படங்கள் மற்றும் வீடியோக்களுக்கு, ரியல்மி எக்ஸ் 7 ப்ரோ ஸ்மார்ட்போனில் ஒரு குவாட் ரியர் கேமரா அமைப்பு உள்ளது. அதில் எஃப் / 1.8 லென்ஸ் கொண்ட 64 மெகாபிக்சல் முதன்மை சென்சார் + 8 மெகாபிக்சல் சென்சார் அல்ட்ரா-வைட்-ஆங்கிள் (எஃப் / 2.25) கேமரா + 2 -மெகாபிக்சல் பிளாக் அன்ட் ஒயிட் போர்ட்ரெயிட் கேமரா (எஃப் / 2.4) + எஃப் / 2.4 லென்ஸ் கொண்ட 2 மெகாபிக்சல் மேக்ரோ ஷூட்டர் ஆகியவைகள் உள்ள. முன்பக்கத்தில், எஃப் / 2.45 லென்ஸுடன் 32 மெகாபிக்சல் செல்பீ கேமரா உள்ளது.

Oppo Reno 5 Pro மற்றும் Reno 5 அறிமுகம்; மெர்சலான விலை; மிரட்டும் ஸ்பெக்ஸ்!

ரியல்மி எக்ஸ் 7 ப்ரோ ஸ்மார்ட்போன் ஆனது 256 ஜிபி வரை யுஎஸ்எஃப் 2.1 ஸ்டோரேஜ் டர்போ ரைட் தொழில்நுட்பத்துடன் வருகிறது. இணைப்பு விருப்பங்களை பொறுத்தவரை, ரியல்மி எக்ஸ் 7 ஐப் போலவே உள்ளது, கூடுதலாக டூயல்-ப்ரெக்வென்சி ஜி.பி.எஸ்-ஐ கொண்டுள்ளது.

மேலும் இந்த ப்ரோ வேரியண்ட் ஆனது 4,500 எம்ஏஎச் பேட்டரி மூலம் சக்தியூட்டப்படுகிறது. இது 65W ஃபாஸ்ட் சார்ஜிங் ஆதரவுடன் வருகிறது. சென்சார்களை பொறுத்தவரை, ரியல்மி எக்ஸ் 7 மாடலில் உள்ளதை போலவே geomagnetic sensor, ambient light sensor, proximity sensor, gyroscope மற்றும் accelerometer போன்றவைகள் உள்ளன. கடைசியாக அளவீட்டில் ரியல்மி எக்ஸ் 7 ப்ரோ ஸ்மார்ட்போன் 160.8x75.1x8.5 மிமீ மற்றும் 184 கிராம் எடையுள்ளதாக இருக்கும்.