5G + 5000mAh பேட்டரியுடன் சத்தமின்றி ரெடியாகும் ரியல்மி Youth Edition மாடல்!

ரியல்மி எக்ஸ் 50 யூத் எடிஷன் 5ஜி எனும் ஸ்மார்ட்போன் சீனாவின் 3சி சான்றிதழ் தளத்தில் காணப்பட்டுள்ளது. அந்த பட்டியலின்படி, அது 5ஜி ஆதரவு மற்றும் 30W பாஸ்ட் சார்ஜிங் போன்ற பிரதான அம்சங்களை கொண்டிருக்கும்.

யூத் எடிஷன் மாடல் கடந்த டிசம்பரில் அறிமுகப்படுத்தப்பட்ட அடிப்படை ரியல்மி எக்ஸ் 50 5ஜி ஸ்மார்ட்போனின் "சற்றே மாற்றப்பட்ட" பதிப்பாக இருக்கும்.

ரியல்மி நிறுவனம் இந்த ஆண்டு பிப்ரவரியில் ரியல்மி எக்ஸ் 50 ப்ரோ 5ஜி ஸ்மார்ட்போனை இந்தியாவில் அறிமுகப்படுத்தயது, பின்னதாக சீனாவிலும் அறிமுகப்படுத்தியது என்பது இங்கே குறிப்பிடத்தக்கது.

ரியல்மி எக்ஸ் 50 யூத் எடிஷன் ஆனது முன்னதாக எம்ஐஐடி சான்றிதழ் தளத்திலும் காணப்பட்டது என்பதால் இதன் வருகையை தற்போது கிட்டத்தட்ட உறுதி செய்ய முடிகிறது.

Zoom App எச்சரிக்கை: முடிந்தால் Uninstall செய்யவும் அல்லது "இதை" செய்யவும்!

சீன 3சி சான்றிதழ் தளத்தில் RMX2052 எனும் மாடல் நம்பரில் கீழ் ரியல்மி எக்ஸ் 50 யூத் எடிஷன் 5ஜி பட்டியலிடப்பட்டுள்ளது. இது 5ஜி ஆதரவு மற்றும் 30W ஃபாஸ்ட் சார்ஜிங் ஆதரவை தவிர்த்து, வேறு எந்த அம்சங்களையும் வெளிப்படுத்தவில்லை. நினைவூட்டும் வண்ணம், ரியல்மி எக்ஸ் 50 5ஜி ஆனது 30W VOOC 4.0 ஃப்ளாஷ் சார்ஜ் ஆதரவுடன் வந்தது.

முந்தைய கசிவுகளின்படி, ரியல்மி எக்ஸ் 50 யூத் எடிஷன் 5ஜி ஆனது 6.55 இன்ச் அளவிலான எல்சிடி டிஸ்ப்ளேவை 60 ஹெர்ட்ஸ் ரெஃப்ரெஷ் ரேட் எனும் வீகிதத்துடன் கொண்டிருக்கும்.

மேலும் இது மீடியாடெக் டைமன்சிட்டி 1000 SoC மூலம் இயக்கப்படும் என்று எதிர்பார்க்கப்படுகிறது. இது 8 ஜிபி ரேம் மற்றும் 128 ஜிபி வரையிலான சேமிப்புடன் இணைக்கப்பட்டு இருக்கலாம்.

மொத்தம் 6 கேமராக்கள் + 5ஜி ஆதரவுடன் ரெடியாகும் அடுத்த ஒப்போ மாடல்!

கேமரத்துறையை பொறுத்தவரை இது 16 மெகாபிக்சல் பிரதான கேமரா + 8 மெகாபிக்சல் வைட் ஆங்கிள்
சென்சார் + 2 மெகாபிக்சல் மேக்ரோ + 2 மெகாபிக்சல் போர்ட்ரெயிட் கேமரா ஆகியவற்றை உள்ளடக்கிய க்வாட் கேமரா அமைப்புடன் வரலாம் என்று கூறப்படுகிறது.

முன்பக்கத்தை பொறுத்தவரை, 32 மெகாபிக்சல் அளவிலான செல்பீ கேமரா இடம்பெறும். ரியல்மே எக்ஸ் 50 யூத் எடிஷன் ஆனது VOOC 4.0 பாஸ்ட் சார்ஜிங் ஆதரவு கொண்ட 5,000 எம்ஏஎச் பேட்டரியை பேக் செய்யலாம்.

இந்த புதிய வேரியண்ட்டை வெளியிடுவது குறித்து ரியல்மிலிருந்து எந்தவிதமான அதிகாரபூர்வமான வார்த்தையும் இல்லை. ஒருவேளை இது உண்மையாகும் பட்சத்தில், ரியல்மி நிறுவனம் அதன் திட்டமிட்ட அறிமுகத்திற்கு நெருக்கமான நாட்களில் இது சார்ந்த டீஸர்களை வெளியிடலாம்.