Realme 55-inch TV : அவசரப்பட்டு வேற டிவி வாங்கிடாதீங்க!

தனது புதிய SLED 4K ஸ்மார்ட் டிவியை விரைவில் இந்தியாவில் அறிமுகப்படுத்தவுள்ளதாக ரியல்மி நிறுவனம் தனது வலைப்பதிவில் பகிர்ந்துள்ளது. ரியல்மி இதை “உலகின் முதல் SLED 4K ஸ்மார்ட் டிவி” என்று அழைக்கிறது.

இனிமே இந்த லிஸ்ட்ல இருக்குற Realme மாடல்களை மட்டும் வாங்கவும்; ஏனென்றால்?

மேலும் வெளியான தகவலின்படி, இது 4 கே தெளிவுத்திறனுடன் 55 இன்ச் ஸ்மார்ட் டிவியாக இருக்கும் மற்றும் இது சிறந்த eye care-க்கான high colour accuracy-ஐ வழங்கும். இந்த SLED தொழில்நுட்பத்தை உருவாக்க எஸ்பிடி தொழில்நுட்பத்தின் முதன்மை விஞ்ஞானியான ஜான் ரூய்மன்ஸ் உடன் ரியல்மி பணியாற்றியுள்ளது.

இந்த SLED 4K ஸ்மார்ட் டிவியானது 55 இன்ச் என்கிற டிஸ்பிளே அளவிலும், என்டிஎஸ்சி வண்ண வரம்பின் 108 சதவீத கவரேஜையும் கொண்டிருக்கும் என்றும் ரியல்மி கூறுகிறது. இது TUV ரைன்லேண்ட் லோ ப்ளூ லைட் சான்றிதழையும் கொண்டிருக்கும்.

Realme Narzo 20 Pro உடன் நார்சோ 20 மற்றும் 20A அறிமுகம்: விலை, விற்பனை & அம்சங்கள்!

SLED இன் NTSC மதிப்பு ஸ்டாண்டர்ட் எல்.ஈ.டி மற்றும் சில QLED களைக் காட்டிலும் சிறந்தது என்றும் ரியல்மி நிறுவனம் கூறுகிறது. இது தெளிவான காட்சி அனுபவத்திற்கு, ஸ்மார்ட் டிவிக்கு அதிக வண்ணங்களை வழங்க அனுமதிக்கும்.

ரியல்மி SLED 4K ஸ்மார்ட் டிவி RGB பின்னொளியைப் பயன்படுத்துகிறது, அது பின்னர் வெள்ளை நிறமாக மாறும். இது நீல ஒளியின் தீங்கு விளைவிக்கும் விளைவுகளை குறைப்பது மட்டுமல்லாமல், higher colour purity-யையும் வழங்குகிறது என்று நிறுவனம் கூறுகிறது.

QLED டிவிகளைப் பொறுத்தவரை, ஆரம்ப கட்டத்தில் ரியல்மி நிறுவனம் நீல பின்னொளியைப் பயன்படுத்துவதாகக் கூறுகிறது, அது பின்னர் வெள்ளை ஒளியாக மாற்றப்படுகிறது.

மேலும், RGB பின்னொளியைப் பயன்படுத்துவது சிவப்பு, பச்சை மற்றும் நீல நிறங்களுக்கு இடையில் ஒத்த வண்ண அடர்த்தியுடன் மிகவும் சீரான வண்ண விநியோகத்தை வழங்குகிறது என்று நிறுவனம் கூறுகிறது.

ஸ்மார்ட் டிவி TUV ரைன்லேண்ட் லோ ப்ளூ லைட் சான்றிதழையும் தேர்ச்சி பெற்றுள்ளது, மேலும் OLED தொலைக்காட்சிகளை தவிர்த்து இந்த சான்றிதழில் தேர்ச்சி பெற்ற ஒரே தொழில்நுட்பம் இந்த SLED டிஸ்ப்ளே தொழில்நுட்பம் மட்டுமே ஆகும் என்றும் ரியல்மே கூறுகிறது.

இது தவிர்த்து, ரியல்மி நிறுவனம் அதன் புத்தம் புதிய SLED 4K ஸ்மார்ட் டிவியின் பிற விவரக்குறிப்புகளை பகிர்ந்து கொள்ளவில்லை, மேலும் அது எப்போது வெளியாகும் என்கிற திட்டத்தையும் சரியாக உறுதிப்படுத்தப்படவில்லை.

ரியல்மி தற்போது 43 இன்ச் மற்றும் 32 இன்ச் ஸ்மார்ட் டிவிகளைக் கொண்டுள்ளது. இந்த இரண்டுமே எல்.ஈ.டி டிஸ்ப்ளேக்களைப் பயன்படுத்துகின்றன மற்றும் ஆண்ட்ராய்டு கொண்டு இயக்கப்படுகின்றன. எனவே வரவிருக்கும் ரியல்மி எஸ்எல்இடி 4 கே ஸ்மார்ட் டிவியும் ஆண்ட்ராய்டில் இயங்கும் என்று தெரிகிறது.