சீனாவுல Redmi Note 9 5G... இந்தியாவுல Redmi Note 9T.. ஆஹா சூப்பரப்பு!

ரெட்மி நோட் 9 சீரிஸ் இந்தியா உட்பட பல சந்தைகளில் அறிமுகம் செய்யப்பட்டுள்ளது, ஆனால் இது இன்னும் சியோமியின் சொந்த நாட்டு சந்தை சீனாவில் அறிமுகமாகவில்லை. ஏனெனில் அப்பகுதியில் தற்போது நிலவும் 5 ஜி ஸ்மார்ட்போன்களுக்கான பரவல் காரணமாக, ரெட்மி நோட் 9 சீரிஸ் ஆனது 5ஜி ஆதரவுடன் அறிமுகம் செய்யப்படலாம் என்று எதிர்பார்க்கப்பட்டது, தற்போது அந்த தகவல் உறுதியும் செய்யப்பட்டுள்ளது.

Redmi K40 : ஆரம்பமே அதிரடி; 120Hz OLED டிஸ்பிளே; 64MP கேமரா என சும்மா மிரட்டுது!

ஒரு புதிய லீக்ஸ் தகவலின்படி, சியோமி நிறுவனம் சீனாவில் ரெட்மி நோட் 9 5 ஜி தொடரை அறிமுகப்படுத்த தயாராகி வருகிறது. இந்த வெளியீடு வருகிற நவம்பர் 26 ஆம் தேதியன்று நடத்த திட்டமிடப்பட்டுள்ளது.

Redmi Note 9 Pro பயனர்களுக்கு இதை விட வேற என்ன குட் நியூஸ் வேணும்!

5 ஜி இணைப்பு தவிர, சீனாவில் அறிமுகமாகும் ரெட்மி நோட் 9 தொடர் ஸ்மார்ட்போன்கள் ஆனது அவைகளின் உலகளாவிய மாடல்களுடன் ஒப்பிடும் போது வேறு சில வேறுபாடுகளையும் காணும் என்று எதிர்பார்க்கப்படுகிறது. இந்த வேறுபாடுகள் காரணமாக, ரெட்மி நோட் 9 5 ஜி இந்தியா உள்ளிட்ட பிற உலக சந்தைகளில் ரெட்மி நோட் 9 டி என்கிற பெயரின் கீழ் அறிமுகமாகலாம்.

சீன டிப்ஸ்டர் ஒருவர், ரெட்மி நோட் 9 5 ஜி தொடர் ஸ்மார்ட்போன்கள் வருகிற நவம்பர் 26 ஆம் தேதி சீனாவில் தொடங்கப்படும் என்று பரிந்துரைக்கும் லீக்டு போஸ்டரை வெய்போ வழியாக பகிர்ந்துள்ளார். உள்ளூர் நேரப்படி இரவு 8 மணிக்கு குறிப்பிட்ட வெளியீட்டு நிகழ்வு தொடங்கும் என்று அந்த போஸ்டர் பரிந்துரைக்கிறது. இந்த வெளியீட்டு நிகழ்வை ரெட்மி இன்னும் அதிகாரப்பூர்வமாக உறுதிப்படுத்தவில்லை என்பதும் இங்கே குறிப்பிடத்தக்கது.

முன்னரே குறிப்பிட்டபடி, ரெட்மி நோட் 9 5 ஜி ஸ்மார்ட்போன் ஆனது உலகளாவிய சந்தைகளில் ரெட்மி நோட் 9 டி என அறிமுகம் செய்யப்படலாம். கூறப்படும் ரெட்மி நோட் 9 டி மாடல் மலேசியாவின் தரநிலை மற்றும் தொழில்துறை ஆராய்ச்சி நிறுவனத்தின் சான்றிதழ் தளத்தில் (டிப்ஸ்டர் முகுல் ஷர்மா வழியாக) காணப்பட்டது, எனவே இது கண்டிப்பாக பல ஆசிய சந்தைகளில் அறிமுகமாகும் என்பதை அறிந்துகொள்ள முடிகிறது.

ரெட்மி நோட் 9T க்கான IMEI நம்பர் சி-டாட் சிஇஆர் ஐஎம்இஐ சரிபார்ப்பிலும் பதிவு செய்யப்பட்டுள்ளதாக கூறப்படுகிறது, அதாவது இந்த ஸ்மார்ட்போன் மற்ற பிராந்தியங்களுடன் இந்திய சந்தைக்கும் வரும் என்பதை இது குறிக்கிறது.

விலை நிர்ணயத்தை பொறுத்தவரை, முந்தைய அறிக்கைகள் ரெட்மி நோட் 9 5 ஜி ஸ்மார்ட்போன் ஆனது இந்திய மதிப்பின்படி சுமார் ரூ.11,300 என்கிற விலைக் குறியீட்டை பெறலாம். மறுகையில் உள்ள ரெட்மி நோட் 9 ப்ரோ 5 ஜி ஸ்மார்ட்போன் ஆனது தோராயமாக ரூ.17,000 க்கு அறிமுகமாகலாம் என்றும் கூறப்படுகிறது.

அம்சங்களை பொறுத்தவரை, ரெட்மி நோட் 9 5 ஜி ஸ்மார்ட்போன் சமீபத்தில் TENAA தளத்தில் மாடல் நம்பர் M2007J22C உடன் வெளிவந்தது. இது 6.53 இன்ச் அளவிலான புல் எச்டி + ஐபிஎஸ் டிஸ்ப்ளே, மீடியாடெக் டைமன்சிட்டி 800 யூ எஸ்ஓசி, 8 ஜிபி வரை ரேம் , 256 ஜிபி வரை ஸ்டோரேஜ், 48 மெகாபிக்சல் முதன்மை சென்சார் கொண்ட ட்ரிபிள் ரியர் கமெரா அமைப்பு போன்ற அம்சங்களை வெளிப்படுத்தியது.