Jio vs Airtel vs Vodafone: எதனுடைய இணைய வேகம் பெஸ்ட்? வெளியானது டிராய் அறிக்கை!

2016 ஆம் ஆண்டு செப்டம்பர் 5 ஆம் தேதிக்கு முன்னதாக, டிராய் எனப்படும் இந்திய தொலைத்தொடர்பு ஒழுங்குமுறை ஆணையத்திடம் இருந்து, ஸ்பீட் டெஸ்ட் என்கிற பெயரின் கீழ் ஒரு மாதாந்திர அறிக்கை வெளியாகும் என்பது யாருக்குமே தெரியாது!

இந்த இடத்தில் 2016 ஆம் ஆண்டு செப்டம்பர் 5 ஆம் தேதியன்று முகேஷ் அம்பானி தலைமையிலான ரிலையன்ஸ் ஜியோ அறிமுகம் ஆனதை குறிப்பிட விரும்புகிறோம். இப்போது, எதைப்பற்றி பேசுகிறோம் என்பது புரிந்திருக்கும் என்று நம்புகிறோம்.

ஜூலை மாதத்திற்கான ஸ்பீட் டெஸ்ட் அறிக்கை வெளியானது!

ஆம்! கடந்த ஜூலை மாதத்திற்கான டிராய் ஸ்பீட் டெஸ்ட் அறிக்கையானது வெளியாகியுள்ளது. எந்தெந்த டெலிகாம் நிறுவனம், என்னென்ன அளவிலான டவுன்லோட் மற்றும் அப்லோட் வேகங்களை வழங்கி உள்ளது? முதல் இடத்தில் எது உள்ளது? போன்ற விவரங்களை அறிய தொடர்ந்து படிக்கவும்.

அம்பானியின் First-Day-First-Show திட்டம்; புலம்பி தள்ளும் PVR மற்றும் INOX! பின்னணி என்ன?

டவுன்லோட் ஸ்பீடில் தொடர்ந்து கலக்கும் ஜியோ!

வழக்கம் போல முதல் இடத்திற்கு எந்த போட்டியும் இல்லை. டிராய் வெளியிட்டுள்ள அறிக்கையின்படி, ரிலையன்ஸ் ஜியோ ஆனது கடந்த ஜூலை மாதத்திற்கான சராசரி 4ஜி பதிவிறக்க வேக அட்டவணையின் முதல் இடத்தில் உள்ளது. அதாவது ரிலையன்ஸ் ஜியோ தொடர்ந்து முன்னிலை வகிக்கிறது. ஜியோ, கடந்த ஜூலை மாதத்தில் 21.0 Mbps என்கிற சராசரி பதிவிறக்க வேகத்தை அடைந்துள்ளது. முன்னதாக ஜூன் மாதத்தில் 17.6 Mbps என்கிற வேகத்தை அடைந்திருந்தது இங்கே குறிப்பிடத்தக்கது.

பல மாதங்களாக தொடரும் ஜியோவின் மின்னல் வேகம்!

இந்த இரண்டு மாதங்கள் மட்டுமின்றி, கடந்த 2018 ஆம் ஆண்டு முழுவதுமே "வேகமான 4ஜி ஆபரேட்டர்" என்கிற பெயரை ஜியோ தன்வசம் வைத்துக்கொண்டிருந்தது. அதாவது அனைத்து 12 மாதங்களிலும் அதிகபட்ச சராசரி பதிவிறக்க வேகத்தை ஜியோ வழங்கியது. இந்த ஆண்டு மீண்டும், இதுவரை வெளியான 7 மாதங்களுக்கான ஸ்பீட் டெஸ்ட் அறிக்கையிலும் ஜியோ முதலிடத்தில் உள்ளது.

இதர டெலிகாம் நிறுவனங்களின் நிலை என்ன?

இந்திய தொலைத் தொடர்பு ஒழுங்குமுறை ஆணையம் (TRAI) வெளியிட்டுள்ள தகவல்களின்படி, பாரதி ஏர்டெல் நிறுவனத்தின் ஜூன் மாத செயல்திறன் ஆனது 9.2 Mbps-ல் இருந்து 8.8 Mbps ஆக குறைந்துள்ளது. வோடபோன் மற்றும் ஐடியா செல்லுலார் ஆகியவை தங்கள் வணிகங்களை ஒன்றிணைத்து இப்போது வோடபோன் ஐடியாவாக செயல்படுகின்றன என்றாலும் கூட, TRAI அவர்களின் பிணைய செயல்திறனை தனித்தனியாக வெளியிட்டுள்ளது.

Jio Fiber இன்னும் வரவே இல்ல, அதுக்குள்ள மிரண்டுபோய் ஆபர்களை அறிவித்தது BSNL!

அதன்படி, கடந்த ஜூன் மாதத்தில் 7.9 Mbps ஆக இருந்த வோடபோன் நெட்வொர்க்கின் சராசரி 4ஜி பதிவிறக்க வேகமானது ஜூலை மாதத்தில் 7.7 Mbps ஆக குறைந்துள்ளது. மறுகையில் உள்ள ஐடியா குறிப்பிடத்தக்க முன்னேற்றத்தை பதிவு செய்துள்ளது. அதாவது கடந்த ஜூன் மாதத்தில் 6.1 Mbps ஆக இருந்த ஐடியா நெட்வொர்க்கின் சராசரி 4ஜி பதிவிறக்க வேகமானது, ஜூலை மாதத்தில் 6.6 Mbps ஆக அதிகரித்துள்ளது.

அப்லோட் ஸ்பீடில் கலக்கும் வோடாபோன்!

டிராய் வெளியிட்டுள்ள ஜூலை மாதத்திற்கான சராசரி 4ஜி பதிவேற்ற (அப்லோட் ஸ்பீட்) வேக அட்டவணையில் வோடபோன் ஆனது 5.8 Mbps உடன் முதலிடத்தில் உள்ளது. இது கடந்த ஜூன் மாதத்துடன் ஒப்பிடும் போது (5.7 Mbps) சிறிய அளவிலான முன்னேற்றமே ஆகும். இந்த பட்டியலில், ஐடியா மற்றும் ஏர்டெல் நெட்வொர்க் ஆனது முறையே 5.3 Mbps மற்றும் 3.2 Mbps என்கிற வேகத்தை அடைந்து இரண்டாம் மற்றும் நான்காம் இடத்தில் உள்ளன.

அப்லோட் ஸ்பீடில் "ஜகா" வாங்கும் ஜியோ!

முகேஷ் அம்பானி தலைமையிலான ஜியோவோ 4.3 Mbps என்கிற வேகத்தை பதிவு செய்து மூன்றாம் இடத்தில் உள்ளது. இது முந்தைய வேகங்களுடன் ஒப்பிடும் போது நல்ல முன்னேற்றம் ஆகும். டிராய் இந்த அறிக்கையை, மைஸ்பீட் ஆப் உதவியுடன் நிகழ்நேர அடிப்படையின் கீழ் சேகரிக்கும் தரவின் மூலம் கணக்கிடுகிறது என்பது குறிப்பிடத்தக்கது.