Reliance Jio: ஜூலையில் 10 மடங்கு அதிக வாடிக்கையாளர்களைப் பெற்ற ரிலையன்ஸ் ஜியோ!

புதுடெல்லி: புதிய வாடிக்கையாளர்களை ஈர்ப்பதில், ஜியோ புதிய சாதனையைப் படைத்துள்ளது.

சமீபத்தில் டிராய் வெளியிட்ட தகவலின்படி, கடந்த ஜூலை மாதம் புதிய தொலைத்தொடர்பு வாடிக்கையாளர்கள் 1%க்கும் குறைவான எண்ணிக்கையில் உயர்ந்துள்ளனர். ஏற்கனவே உள்ள 117.93 கோடி வாடிக்கையாளர்களில் சுமார் ஒரு கோடி பேர் புதிதாக இணைந்துள்ளனர்.

அதேசமயம் டாடா டெலிசர்வீசஸ், ரிலையன்ஸ் கம்யூனிகேசன்ஸ், எம்டிஎன்எல் ஆகியவற்றில் 24 லட்சம் வாடிக்கையாளர்கள் இழப்பு ஏற்பட்டுள்ளது. ஜூனில் 114.64 கோடியில் இருந்து, 115.7 கோடியாக மொபைல் வாடிக்கையாளர்கள் உயர்ந்துள்ளனர். இதில் ரிலையன்ஸ் ஜியோவில் மட்டும் சுமார் 1.17 கோடி வாடிக்கையாளர்கள் புதிதாக சேர்ந்துள்ளனர்.

கடந்த ஜூலையில் தனித்து இயங்கிய வோடபோன், 6 லட்சம், பாரதி ஏர்டெல் 3.13 லட்சம், பி.எஸ்.என்.எல் 2.25 லட்சம், ஐடியா செல்லுலார் 5,489 வாடிக்கையாளர்களையும் பெற்றுள்ளனர். பிக்சிடு லைன் செக்மெண்ட் இணைப்பில் ஜூனில் 2.24 கோடியில் இருந்து, ஜூலையில் 2.22 கோடியாக குறைந்துள்ளது.

பிராண்ட்பேண்ட் வாடிக்கையாளர்களைப் பொறுத்தவரை ஜூனில் 44.7 கோடியில் இருந்து ஜூலையில் 46 கோடியாக அதிகரித்துள்ளது. டாப் பிராண்ட்பேண்ட் வாடிக்கையாளர்கள் மூலம் 97.75% சந்தைப் பங்குகளைப் பெற்ற முதல் 5 தொலைத்தொடர்பு நிறுவனங்கள்,

1 - ரிலையன்ஸ் ஜியோ (22.7 கோடி),

2 - பாரதி ஏர்டெல் (9.53 கோடி),

3 - வோடபோன் (6.37 கோடி),

4 - ஐடியா செல்லுலார் (4.35 கோடி)

5 - பி.எஸ்.என்.எல் (2 கோடி)

Reliance Jio adds 10 times more users than rest of the players in July.