ஜியோ புதிய அறிவிப்பு! ஏர்டெல், பி.எஸ்.என்.எல்., மொத்த நெட்வொர்க்களுக்கும் ஆப்பு!!

ஜியோ நிறுவனம் வெறும் 600 ரூபாய்க்கு இன்டெர்நெட், லேண்ட்லைன், டிவி செட்டாப் பாக்ஸ் சேவை வசதிகளை கொண்டு வரவுள்ளது. இதனால், மற்ற நெட்வொர்க் நிறுவனங்கள் கலக்கத்தில் உள்ளன.

கடந்த 2018ம் ஆண்டு ஜூலை மாதம் ஜியோ நிறுவனம் தனது ஜிகா ஃபைபர் சேவையை தொடங்கியது. இதை வாங்குவதற்கான முன்பதிவு, கடந்த ஆகஸ்ட் மாதம் தொடங்கப்பட்டது. முக்கிய நகரங்களில் முதற்கட்டமாக ஜிகோ ஃபைபர் சேவை கொண்டு வரப்பட்டுள்ளது. மேலும், சில நகரங்களில், அந்தந்த இடங்களில் வசிப்போரின் விருப்பத்தைக் கருத்தில் வைத்து கொண்டு வரப்படுகிறது. ஜியோவின் ஜிகா ஃபைபர் சேவையின் மூலம் இன்டர்நெட் பெறுவதற்கு முதலில் 4,500 ரூபாய் டெபாசிட் கட்டணம் செலுத்த வேண்டும். அதன்பிறகு மாதக்கட்டணம் அடிப்படையில் இன்டர்நெட் சேவை வழங்கப்படுகிறது.

(Also Read This: அடிக்கடி மின்தடையா? Emergency Light வாங்குவதற்கு பதிலா இதை கூட வாங்கலாம்)
இந்த நிலையில், தற்போது ஜியோ நிறுவனம் 600 ரூபாய்க்கு, ஜிகா ஃபைபர், லேண்ட்லைன், டிவி ஆகிய சேவைகளை வழங்க உள்ளதாக செய்திகள் வந்துள்ளன. மேலும்,1,000 ரூபாய் கூடுதலாக செலுத்தும் பட்சத்தில், ஒட்டு மொத்த வீட்டையும் ஸ்மார்ட் ஹோம் ஆக மாற்றலாம். இதில் ஸ்மார்ட்போன், லேப்டாப் என 40 கேட்ஜெட்ஸ்களை இணையத்தின் மூலம் இணைத்துக் கொள்ளலாம் என்றும் கூறப்படுகிறது.

ஜியோவின் ட்ரிப்பிள் காம்போ ஆஃபரில், டிவி செட்டாப் பாக்ஸில் 600 சேனல்கள் வரையில் பார்க்க முடியும். லேண்ட்லைனில் 100 Mbps வேகத்தில் மாதத்தில் 100 ஜிபி டேட்டா இணைய இணைப்பு பெற முடியும். ஏற்கனவே, நாடு முழுவதும் முதற்கட்டமாக 1,100 நகரங்களில் இந்த சேவைகள் கொண்டு வரப்படும் என்று தெரிவிக்கப்பட்டது. தற்போது இது 1,600 நகரங்களில் கொண்டு வரும் வகையில் உயர்த்தப்பட்டுள்ளது. ஜியோவின் இந்த அடுத்தடுத்த ஆஃபர்களால் ஏர்டெல், பி.எஸ்.என்.எல்., உள்ளிட்ட மற்ற நிறுவனங்கள் கலக்கத்தில் உள்ளன.

(உங்களைப் பற்றி எல்லாமே கூகுளுக்கு தெரியும்)

ஜியோ பிரைம்:
முன்னதாக கடந்த மாதம் ஜியோ பிரைம் சந்தா காலம் நீட்டிக்கப்பட்டது. இதனை வாடிக்கையாளர்கள் ‘மை ஜியோ ஆப்பில் உள்ள ‘மை பிளான்’ என்ற செக்ஷனில் தெரிவிக்கப்பட்டுள்ளது. இது வெறும் 99 ரூபாயாகும். வாடிக்கையாளர்கள் ஜியோ பிரைம்க்கு மாறும்பட்சத்தில், அவர்களுக்கு ஜியோ சினிமா, ஜியோ மியூசிக், ஜியோ டிவி என பலவற்றையும் பயன்படுத்த முடியும்.

ஜியோ வாடிக்கையாளர்கள் தங்களுடைய பிளான் தொடர்பான விபரங்களுக்கு மை ஜியோ ஆப் மூலம் லாக்கின் செய்து பிரைம் பிளான் உள்ளதா என்பதை தெரிந்துகொள்ளலாம். உங்களுடைய பிரைம் வேலிடிட்டி நீட்டிப்பு செய்யப்பட்டிருந்தால், அது பற்றிய தகவல்களும் அதில் இருக்கும். பிரைம் திட்டத்தில் இல்லாதவர்கள் 99 ரூபாய்க்கு ரீசார்ஜ் செய்து பிரைம் வாடிக்கையாளர்களாக மாற முடியும்.

(லேப்டாப் சூடாவதை தடுப்பது எப்படி? லேட்டஸ்ட் டிப்ஸ்)