Jio 5G Phone விலை இவ்ளவவுதான்; போட்டுடைத்த ஜியோ அதிகாரி!

முகேஷ் அம்பானி தலைமையிலான ரிலையன்ஸ் ஜியோ நிறுவனம் இந்தியாவில் உள்ள 2ஜி சேவைகளை "முடித்து வைக்க" விரும்புவதாக தெரிகிறது. ஏனெனில் தற்போது வெளியாகியுள்ள ஒரு புதிய தகவலின்படி ரிலையன்ஸ் ஜியோ நிறுவனம் 5ஜி ஸ்மார்ட்போன்களை ரூ.2,500 க்கும் குறைவான விலையில் அறிமுகப்படுத்த திட்டமிட்டுள்ளது.

சைலன்ட் ஆக வேலையை பார்த்த Jio; பிரபல VIP திட்டத்தின் விலை அதிகரிப்பு!

பெயர் குறிப்பிட விரும்பாத ஜியோ அதிகாரியை மேற்கோள் காட்டிய பி.டி.ஐ, "ஜியோ இந்த சாதனத்தை ரூ.5,000 க்கும் குறைவான விலைக்கு கொண்டு வர விரும்புகிறது. நாங்கள் விற்பனையை அளவிடும்போது, அதன் விலை ரூ.2,500 - ரூ.3,000 வரை இருக்கும்" என்று அவர் கூறினார்.

இந்த விலை நிர்ணயத்தின் வழியாக ஜியோ நிறுவனம், இன்னுமும் 2ஜி-க்குள் சிக்கியுள்ள பயனர்களை இலக்காகக் கொண்டுள்ளதாக தெரிகிறது. அதன் 43 வது வருடாந்திர பொதுக் கூட்டத்தில், இந்தியாவை 2ஜி இல்லாததாக மாற்றுவதை நோக்கமாகக் கொண்டிருப்பதாக ஜியோ கூறியதும் இங்கே குறிப்பிடத்தக்கது.

Jio-வை விட Airtel தான் பெஸ்ட்; இந்த 5 காரணங்களை அம்பானியே ஒத்துப்பார்!

இதன் விலை நிர்ணயத்தை கருத்தில் கொண்டு பார்க்கையில், ஜியோ 5ஜி போன் ஆனது முன்னதாக வெளியான ஜியோ போன்களை போலவே மிகவும் "அடிப்படையாக" இருக்க வேண்டும். இந்தியாவில் தற்போது, 5ஜி ஸ்மார்ட்போன்கள் ரூ.27,000 முதல் என்கிற விலை வரம்பில் கிடைக்கின்றன என்பதும் இங்கே குறிப்பிடத்தக்கது.

நினைவூட்டும் வண்ணம், ஜியோ தான் அதன் முதல் 4 ஜி ஸ்மார்ட்போனை பயனர்களுக்கு இலவசமாக வழங்கிய முதல் நிறுவனம் ஆகும். அது ரூ.1,500 என்கிற திருப்பிச் செலுத்தக்கூடிய பாதுகாப்பு வைப்புத்தொகையின் கீழ் வாங்க கிடைத்தது.

தற்போது, இந்தியாவில் 5 ஜி சேவைகள் இல்லை என்றாலும் கூட, அது கூடிய விரைவில் வரும் என்பது போன்றும் தெரியவில்லை, ஏனெனில் 5 ஜி தொழில்நுட்பத்திற்கான கள சோதனைகளை நடத்துவதற்கு தொலைத் தொடர்பு ஆபரேட்டர்களுக்கு ஸ்பெக்ட்ரமை கூட இன்னும் அரசாங்கம் ஒதுக்கவில்லை.

சோதனை நோக்கங்களுக்காக ஸ்பெக்ட்ரத்தை ஆபரேட்டருக்கு ஒதுக்குமாறு ஜியோ தொலைத் தொடர்புத் துறையிடம் கேட்டுள்ளது. ஜியோ நிறுவனத்தை பற்றிய மற்ற சில சமீபத்திய செய்திகளை பொறுத்தவரை, இந்த ஆபரேட்டர் ஸ்மார்ட் மீட்டர் வணிகத்தில் இறங்கவும், மீட்டர் டேட்டா கலெக்ஷன்ஸ், கம்யூனிகேஷன் கார்ட்ஸ், டெலிகாம் மற்றும் கிளவுட் ஹோஸ்டிங் சேவைகளை மின்சார விநியோக நிறுவனங்களுக்கு வழங்குவது போன்ற பணிகளில் ஈடுபட்டு வருகிறது.