ஜியோ போனை திருப்பிக் கொடுத்தால் ரூ.500 தான் கிடைக்குமா?

ரிலையன்ஸ் ஜியோவின் ஜியோ போன் வாங்கியவர்கள் அதனை விரும்பிய சமயத்தில் திருப்பக்கொடுக்கும் கூடுதல் வசதியை அந்நிறுவனம் அறிவித்துள்ளது.

ரிலையன்ஸ் நிறுவனம் ஜியோ சிம் கார்டு மூலம் இந்தியாவில் கோடிக்கணக்கான வாடிக்கையாளர்களை வளைத்துப்போட்டது. பின்னர், ஜியோ போன் என்ற பெயரில் இலவச 4G மொபைல் அறிமுகம் செய்து அசத்தியது. ரூ.1500 வைப்புத்தொகையாக கொடுத்து ஜியோ போன் வாங்கலாம். மூன்று ஆண்டுகள் பயன்படுத்திவிட்டு போனை திருப்பிக்கொடுத்துவிட்டு செலுத்திய வைப்புத்தொகையை முழுமையாகத் திரும்பப் பெறலாம்.

ஜியோவின் இந்த திட்டமும் வாடிக்கையாளர்களின் பெரும் வரவேற்பைப் பெற்றுள்ளது. இந்நிலையில், ஜியோ போனை வாங்கியவர்கள் அதனை விரும்பினால் மூன்று ஆண்டுகளுக்கு முன்பே திரும்பக் கொடுத்து பணத்தைப் பெறலாம் என்று அறிவிக்கப்பட்டுள்ளது.

12-24 மாதங்கள் பயன்படுத்திய பிறகு திருப்பிக்கொடுத்தால் வைப்புத்தொகையில் ரூ.500 மட்டும் திரும்பக்கிடைக்கும். 24-36 மாதங்கள் பயன்படுத்திய பிறகு திருப்பிக்கொடுத்தால் வைப்புத்தொகையில் ரூ.1000 மட்டும் திரும்பக்கிடைக்கும். மூன்று ஆண்டுகள் கழித்து, அதாவது 36 மாதங்கள் பயன்படுத்திய பின் திரும்பக்கொடுத்தால் செலுத்திய ரூ.1500 தொகை முழுதும் திரும்பக் கிடைத்துவிடும்.