இந்தியாவில் சாம்சங் கேலக்ஸி எம் 31 ப்ரைம் ஸ்மார்ட்போனின் விலை மற்றும் விற்பனை சலுகைகள்:
சாம்சங் கேலக்ஸி எம் 31 ப்ரைம் எடிஷன் ஸ்மார்ட்போனின் சிங்கிள் 6 ஜிபி + 128 ஜிபி ஸ்டோரேஜ் மாடலானது ரூ.16,499 க்கு அறிமுகமாகி உள்ளது. இது ஓஷன் ப்ளூ, ஸ்பேஸ் பிளாக் மற்றும் ஐஸ்பெர்க் ப்ளூ என்ற புதிய வண்ணம் என்கிற மூன்று வண்ண விருப்பங்களில் வருகிறது. வழக்கமான அமேசான் ஷாப்பர்களுக்கு இந்த ஸ்மார்ட்போன் அக்டோபர் 17 முதல் விற்பனைக்கு வரும். இருப்பினும், அமேசான் பிரைம் சந்தாதாரர்கள் அக்டோபர் 16 ஆம் தேதி அன்றே இந்த ஸ்மார்ட்போனுக்கான விற்பனை அணுகலைப் பெறுவார்கள். சலுகைகளை பொறுத்தவரை, ப்ரைம் உறுப்பினர்களுக்கும் அனைத்து ப்ரீபெய்ட் கொடுப்பனவுகளிலும் அக்டோபர் 16 அன்று ரூ.1,000 என்கிற அமேசான் பே கேஷ்பேக் கிடைக்கும். அமேசான் கிரேட் இந்தியன் சிறப்பு விற்பனையின் போது எச்.டி.எஃப்.சி கிரெடிட் மற்றும் டெபிட் கார்டுகளின் வழியாக இந்த ஸ்மார்ட்போனை வாங்கும் வாடிக்கையாளர்களுக்கு கூடுதலாக 10 சதவீத உடனடி கேஷ்பேக் கிடைக்கும். இந்த ஸ்மார்ட்போன் சாம்சங்.காம் வழியாகவும் வாங்க கிடைக்கும். முன்னதாக சாம்சங் கேலக்ஸி எம் 31 ஸ்மார்ட்போன் கடந்த பிப்ரவரியில் இரண்டு சேமிப்பக உள்ளமைவுகளில் அறிமுகப்படுத்தப்பட்டது - 6 ஜிபி + 64 ஜிபி மாடலின் விலை ரூ.15,999 ஆகும் மற்றும் 6 ஜிபி + 128 ஜிபி மடலின் விலை ரூ.16,999 ஆகும்.
சாம்சங் மற்றும் அமேசான் கூட்டணியால் கிடைக்கும் நன்மைகள்:
அமேசானுடன் கூட்டாக உருவாக்கப்பட்ட கேலக்ஸி எம் 31 ப்ரைம் “ஆல்வேஸ் ஆன்” அமேசான் ஷாப்பிங் ஆப் உடன் வருகிறது, இதை ஹோம் ஸ்க்ரீனை வலதுபுறமாக ஸ்வைப் செய்வதன் மூலம் எளிமையாக அணுகலாம். இது லாக் ஸ்க்ரீனில் அமேசானில் பட்டியலிடப்பட்டுள்ள புதிய மற்றும் பிரபலமான பொருட்களின் மீதான அப்டேட்களையும் காட்சிப்படுத்தும். அமேசான் ஷாப்பிங், அமேசான் ப்ரைம் வீடியோ, அமேசான் ப்ரைம் மியூசிக், ஆடிபிள் மற்றும் கின்டெல் போன்ற ஆப்களைக் கொண்ட முன்பே நிறுவப்பட்ட போல்டர் ஒன்றும் இந்த ஸ்மார்ட்போனில் உள்ளது.
Flipkart Sale : அக்.16 தொடங்கும் விற்பனையில் மிஸ் பண்ண கூடாத 5 மொபைல் ஆபர்கள்!
சாம்சங் கேலக்ஸி எம் 31 ப்ரைம் எடிஷன்: டிஸ்பிளே, ஓஎஸ், ப்ராசஸர் மற்றும் ரேம்:
சாம்சங் கேலக்ஸி எம் 31 ப்ரைம் எடிஷன் ஆனது அசல் கேலக்ஸி எம் 31 மாடலைப் போன்றே அம்சங்களையும் விவரக்குறிப்புகளையும் கொண்டுள்ளது. இது ஆண்ட்ராய்டு 10 ஓஎஸ் (அவுட் ஆப் பாக்ஸ் ) அடிப்படையிலான ஒன் UI 2.1 உடன் இயங்குகிறது. இது 6.4 இன்ச் அளவிலான புல் எச்டி + இன்ஃபினிட்டி-யு டிஸ்ப்ளேவை கொண்டுள்ளது. இந்த ஸ்மார்ட்போன் ஆக்டா கோர் எக்ஸினோஸ் 9611 ப்ராசஸர் மூலம் இயக்கப்படுகிறது மற்றும் 6 ஜிபி ரேம் உடன் வருகிறது.
ஐபோன் 12 மினி & ஐபோன் 12 சீரிஸ்: டிஸ்பிளே, கேமரா, பேட்டரி விவரங்கள்!
சாம்சங் கேலக்ஸி எம் 31 ப்ரைம் எடிஷன்: ரியர் கேமரா அமைப்பு, செல்பீ கேமரா மற்றும் ஸ்டோரேஜ்:
கேமராக்களை பொறுத்தவரை, இது 64 மெகாபிக்சல் முதன்மை சென்சார், 8 மெகாபிக்சல் இரண்டாம் நிலை சென்சார், 5 மெகாபிக்சல் மூன்றாம் நிலை சென்சார் மற்றும் 5 மெகாபிக்சல் குவாட்டர்னரி சென்சார் ஆகியவற்றை உள்ளடக்கிய குவாட் ரியர் கேமரா அமைப்பை கொண்டுள்ளது. முன்புறத்தில், 32 மெகாபிக்சல் செல்பீ ஷூட்டரை ஒரு சிறிய நாட்ச் வடிவமைப்பிற்குள் கொண்டுள்ளது. சாம்சங் கேலக்ஸி எம் 31 ப்ரைம் ஸ்மார்ட்போன் 128 ஜிபி அளவிலான உள் சேமிப்புடன் வருகிறது, இது மைக்ரோ எஸ்டி கார்டு ஆதரவுடன் 512 ஜிபி வரை விரிவாக்கக்கூடியது. இந்த லேட்டஸ்ட் சாம்சங் ஸ்மார்ட்போன் ஆனது 15W ஃபாஸ்ட் சார்ஜிங்கிற்கான ஆதரவுடன் 6,000mAh பேட்டரியை பேக் செய்கிறது.