கேலக்ஸி எம்31 ஸ்மார்ட்போனில் கவனிக்க வேண்டிய அம்சங்கள்:
இந்த புதிய சாம்சங் ஸ்மார்ட்போன் ஆனது 64 மெகாபிக்சல் அளவிலான மெயின் கேமராவை கொண்ட க்வாட் ரியர் கேமரா அமைப்பைக் கொண்டுள்ளது. மேலும் இந்த கேலக்ஸி எம்31 ஸ்மார்ட்போனில் 32 மெகாபிக்சல் அளவிலான செல்பீ கேமராவும் உள்ளது. இந்த ஸ்மார்ட்போன் ஆண்ட்ராய்டு 10 அடிப்படையிலான சமீபத்திய ஒன் யுஐ கொண்டு இயங்குகிறது. முந்தைய மாடல்கள் உடனான ஒற்றுமையைப் பொறுத்தவரை, கேலக்ஸி எம்31 ஆனது க்ரேடியன்ட் பேக் பேனல் வடிவமைப்பு மற்றும் வாட்டர் டிராப்-ஸ்டைல் டிஸ்ப்ளே நாட்ச் வடிவமைப்பு ஆகியவைகளை கொண்டுள்ளது.
இந்தியாவில் சாம்சங் கேலக்ஸி எம்31 ஸ்மார்ட்போனின் விலை:
சாம்சங் கேலக்ஸி எம் 31 ஸ்மார்ட்போனின் 64 ஜிபி வேரியண்ட் ஆனது ரூ.15,999 க்கும், இதன் 128 ஜிபி மெமரி வேரியண்ட் ஆனது ரூ.16,999 க்கும் அறிமுகமாகி உள்ளது. அறிமுகம் சலுகையில் ஒரு பகுதியாக இந்த இரண்டு மெமரி வேரியண்ட்களின் மீதும் ரூ.1000 ஆபர் அறிவிக்கப்பட்டுள்ளது. ஆக உங்களால் சாம்சங் கேலக்ஸி எம் 31 ஸ்மார்ட்போனின் 64 ஜிபி வேரியண்ட்டை ரூ.14,999 க்கும், இதன் 128 ஜிபி மெமரி வேரியண்ட்டை ரூ.15,999 க்கும் வாங்க முடியும் (சிறிது காலத்திற்கு). இந்த இரண்டு வேரியண்ட்களுமே ஓஷன் ப்ளூ மற்றும் ஸ்பேஸ் பிளாக் வண்ண விருப்பங்களில் வருகின்றன.
இந்தியாவில் சாம்சங் கேலக்ஸி எம்31 ஸ்மார்ட்போனின் விற்பனை:
விற்பனையை பொறுத்தவரை, இந்த ஸ்மார்ட்போன் வருகிற மார்ச் 5 ஆம் தேதி மதியம் 12 மணி (நண்பகல்) முதல் அதன் இந்திய விற்பனையை (அமேசான் வழியாக) தொடங்கும். நினைவுகூரும் வகையில், சாம்சங் கேலக்ஸி எம்30 ஸ்மார்ட்போன் ஆனது கடந்த ஆண்டு பிப்ரவரியில் இந்தியாவில் ரூ.14,990 க்கும் (4 ஜிபி ரேம் + 64 ஜிபி மெமரி வேரியண்ட்) மறுபுறம் கேலக்ஸி எம்30எஸ் ஆனது செப்டம்பர் மாதத்தில் ரூ.13,999 க்கும் (4 ஜிபி ரேம் + 64 ஜிபி மெமரி வேரியண்ட்) அறிமுகம் ஆனது.
இயங்குதளம் (ஓஎஸ்), டிஸ்பிளே, ப்ராசஸர்:
அம்சங்களை பொறுத்தவரை, டூயல் சிம் (நானோ) ஆதரவு கொண்ட சாம்சங் கேலக்ஸி எம் 31 ஆனது ஆண்ட்ராய்டு 10 அடிப்படையிலான நிறுவனத்தின் சொந்த ஒன்யுஐ 2.0 கொண்டு இயக்குகிறது. இது 6.4 இன்ச் அளவிலான ஃபுல் எச்டி+ (1080x2340 பிக்சல்கள்) இன்ஃபினிட்டி-யு டிஸ்ப்ளேவ கொண்டுள்ளது - இது சூப்பர் அமோலேட் பேனலின் ஆதரவு மற்றும் 19.5: 9 என்கிற அளவிலான திரை விகிதத்தையும் கொண்டுள்ளது. ப்ராசஸரை பொறுத்தவரை, கடந்த ஆண்டு கேலக்ஸி எம்30எஸ் ஸ்மார்ட்போனில் இருந்த ஆக்டா கோர் எக்ஸினோஸ் 9611 SoC-ஐ கொண்டுள்ளது. இந்த ப்ராசஸர் 6 ஜிபி ரேம் உடன் இணைக்கப்பட்டுள்ளது.
பின்பக்க கேமரா:
புகைப்படங்கள் மற்றும் வீடியோ துறைக்குள் வரும்போது, சாம்சங் கேலக்ஸி எம் 31 ஆனது க்வாட் ரியர் கேமரா அமைப்பைக் கொண்டுள்ளது, இதில் 64 மெகாபிக்சல் முதன்மை சாம்சங் ஐசோசெல் பிரைட் ஜி.டபிள்யூ 1 சென்சார் (எஃப் / 1.8) + 8 மெகாபிக்சல் (எஃப் / 2.2 மற்றும் 123 டிகிரி பீல்ட் ஆப் வியூ) அல்ட்ரா-வைட்-ஆங்கிள் கேமரா + 5 மெகாபிக்சல் மேக்ரோ (எஃப் / 2.4) கேமரா + 5 மெகாபிக்சல் (எஃப் / 2.2) அளவிலான டெப்த் கேமரா உள்ளது.
செல்பீ கேமரா மற்றும் கேமரா அம்சங்கள்:
மேம்படுத்தப்பட்ட பொக்கே எபெக்ட்களுக்காக லைவ் ஃபோகஸ் ஆதரவும் இதில் உள்ளது. மேலும் சாம்சங்கின் பிரத்யேக நைட் மோட், சூப்பர் ஸ்டெடி மோட் மற்றும் சூப்பர் ஸ்லோ-மோ ஆகிய ஆதரவுகளும் உள்ளன. செல்பீக்கள் மற்றும் வீடியோ சாட்களுக்காக சாம்சங் கேலக்ஸி எம் 31 ஸ்மார்ட்போனில் ஒரு 32 மெகாபிக்சல் அளவிலான முன்பக்க கேமரா உள்ளது, இது 4 கே மற்றும் ஸ்லோ-மோ வீடியோ பதிவு செய்யும் திறனை கொண்டுள்ளது.
மெமரி, இணைப்பு ஆதரவுகள் மற்றும் சென்சார்:
சாம்சங் கேலக்ஸி எம்31 ஸ்மார்ட்போனில் 64 ஜிபி மற்றும் 128 ஜிபி யுஎஃப்எஸ் 2.1 மெமரி விருப்பங்கள் உள்ளன, இவை இரண்டும் மைக்ரோ எஸ்டி கார்டு வழியாக 512 ஜிபி வரை மெமரி நீட்டிப்பு ஆதரவையும் வழங்குகின்றது. இணைப்பு விருப்பங்களை பொறுத்தவரை 4 ஜி வோல்டிஇ, வைஃபை, ப்ளூடூத், ஜிபிஎஸ் / ஏ-ஜிபிஎஸ், யூ.எஸ்.பி டைப்-சி மற்றும் 3.5 மிமீ ஹெட்ஜாக் ஆகியவைகளை கொண்டுள்ளது. இந்த ஸ்மார்ட்போனின் பின்புறத்தில் கைரேகை சென்சார் உள்ளது.
பேட்டரி மற்றும் பாஸ்ட் சார்ஜிங்:
இந்த மொத்த அமைப்பும் ஒரு பெரிய 6,000 எம்ஏஎச் பேட்டரி மூலம் சக்தியூட்டப்படுகிறது. சாம்சங் நிறுவனத்தின்படி, இது 26 மணிநேர வீடியோ பிளேபேக் அல்லது 119 மணிநேர மியூசிக் பிளேபேக்கை ஒரே ரீசார்ஜின் கீழ் வழங்கும் என்று மதிப்பிடப்பட்டுள்ளது. இந்த ஸ்மார்ட்போனுடன் தொகுக்கப்பட்ட சார்ஜர் மூலம 15W வேகமான சார்ஜிங் சாத்தியமாகும். அளவீட்டில், இந்த் ஸ்மார்ட்போன் 8.9 மிமீ தடிமன் மற்றும் 191 கிராம் எடையும் கொண்டுள்ளது.