நாளை Samsung M40 அறிமுகம்! விலை மற்றம் சிறப்பம்சங்கள் இதோ!

சாம்சங் நிறுவனம் தனது கேலக்ஸி எம்40 ஸ்மார்ட்போனை நாளை இந்தியாவில் அறிமுகம் செய்கிறது. இதன் விலை மற்றும் சிறப்பம்சங்கள் குறித்த விபரங்களை இங்கு காணலாம்.

சாம்சங் என்றாலே நடுத்தர மக்களின் நாயகன் தான். பட்ஜெட் விலையில் சாதாரண சிறப்பம்சங்கள் கொண்டதாக சாம்சங் ஸ்மார்ட்போன்கள் அறிமுகமாகின்றன. நீடித்து நிற்கும் பேட்டரி, வாரண்டி, மிக எளிதான ஆப்ஷன்கள், யூசர் ப்ரெண்ட்லியாக சாம்சங் ஸ்மார்ட்போன்கள் உள்ளது.. அண்மையில் அறிமுகமாகன சாம்சங் கேலக்ஸி எம்30 ஸ்மார்ட்போன் வாடிக்கையாளர்கள் மத்தியில் பெரும் வரவேற்ப்பை பெற்றது.

இந்த நிலையில், தற்போது சாம்சங் நிறுவனம் கேலக்ஸி எம்40 என்ற ஸ்மார்ட்போனை தயாரித்துள்ளது. எம் சீரிஸ் வரிசையில் இத நான்காவது ஸ்மார்ட்போனாகும். இந்தியாவில் கேலக்ஸி எம்40 நாளை மாலை 6 மணியளவில் அறிமுகம் செய்யப்படுகிறது. இதில் 32 மெகா பிக்சல் ட்ரிப்பிள் கேமரா, ஸ்நாப்டிராகன் 600 சீரிஸ் வழங்கப்பட்டுள்ளது. இது 20,000 ரூபாய் வரையில் இருக்கலாம் என்று எதிர்பாக்கப்படுகிறது. இருப்பினும் விலை குறித்த விபரங்கள் அறிமுக விழாவில் அறிவிக்கப்படுகிறது.

Punch Hole Display
சாம்சங் எம்40 ஸ்மார்ட்போனில் மிகமுக்கிய சிறப்பம்சமாக பஞ்ச்-ஹோல் டிஸ்ப்ளே உள்ளது. Punch Hole Display என்பது போனின் மேல் முனையில் ஒரு துளையிடப்பட்டிருக்கும். அதை அளவு குறியாகக் கொண்டு, நோட்ச் டிஸ்ப்ளே, நார்மல் டிஸ்ப்ளே என போனின் டிஸ்ப்ளேவை மாற்றிக் கொள்ளலாம். இதற்கு முன்னதாக கேலக்ஸி எஸ்10 ஸ்மார்ட்போனில் இது இருந்திருக்கும்.

இதே போல், எம் சீரிஸ் வரிசையில், முதன்முதலாக இந்த ஸ்மார்ட்போனில் தான் ஸ்நாப்டிராகன் பிராசசர் வடிவமைக்கப்பட்டுள்ளது குறிப்பிடத்தக்கது.