ஆகஸ்ட் 7 முதல் Samsung Galaxy Note 10 Plus; விலை மற்றும் அம்சங்கள் வெளியாகின!

Samsung நிறுவனம் அதன் Galaxy Note 10+ ஸ்மார்ட்போனை களமிறக்க தயார் நிலையில் உள்ளது போல் தெரிகிறது. தொடர்ச்சியாக வெளியான லீக்ஸ் தகவல்களானது சாம்சங் கேலக்ஸி நோட் 10 ப்ளஸ்-ன் அம்சங்கள் சிலவற்றை நமக்கு வெளிப்படுத்தி வந்த நிலைப்பாட்டில், "கண்ணா! இது வெறும் ட்ரெய்லர் தான், மெயின் பிக்சர் இனிமே தான் வரும்" எனும் பாணியில் நம்பத்தகுந்த ஒரு ஆதாரத்திலிருந்து Samsung Galaxy Note 10+ பற்றிய கூடுதல் விவரங்கள் வெளியாகியுள்ளது.

வெளியான தகவலின்படி, Galaxy Note 10 Plus ஆனது 1440 x 3040 பிக்சல் ரெசல்யூஷன் மற்றும் 6.8 இன்ச் அளவிலான QHD+ டிஸ்ப்ளேவையும், சமீபத்திய Trend ஆன Punch-Hole கேமராவையும் கொண்டிருக்கும்.

ப்ராசஸர் மற்றும் சேமிப்பு மாதிரிகள்:

ப்ராசஸரை பொறுத்தவரை, Exynos 9825 chip கொண்டு இயங்கலாம் (அல்லது உங்கள் பிராந்தியத்தை பொறுத்து Snapdragon 855+ கொண்டு இயங்கலாம்). Galaxy Note 10-ன் ப்ளஸ் மாடல் ஆனது 12GB அளவிலான RAM உடனாக 256GB அல்லது 512GB அளவிலான UFS 3.0 உள்ளடக்க சேமிப்பை கொண்டிருக்கும்.

Apple iPhone 11-ன் எதிர்பார்க்கப்படும் விலை மற்றும் அம்சங்கள்!

அளவீடுகள் மற்றும் எடை:

பரிமாணங்கள் மற்றும் எடையை பொறுத்தவரை, இந்த ஸ்மார்ட்போன் 162.3 மிமீ உயரம், 77.1 மிமீ அகலம் மற்றும் 7.9 மிமீ தடிமன் கொண்டிருக்கும். பெரிய திரையை கொண்டிருந்தாலும் கூட வெறும் 198 கிராம் அளவிலான எடையை மட்டுமே கொண்டிருக்கும்.

5G மற்றும் 5 கேமராக்களுடன் களமிறங்கும் அடுத்த நோக்கியா ஸ்மார்ட்போன் இதுதான்!

கேமரா:

கேமராத்துறையை பொறுத்தவரை, சாம்சங் கேலக்ஸி நோட் 10 ப்ளஸ் அதன் பின்பக்கத்தில் மூன்று கேமரா அமைப்பை பெற்றுள்ளது. இதன் 12MP அளவிலான முதன்மை கேமரா ஆனது f/ 1.5, f/ 1.8 மற்றும் f / 2.4 எனும் Three-step Aperture-ஐ கொண்டுள்ளது. குறைந்த ஒளி நிலைமைகளில் கூட சிறப்பான செயல்திறனை வெளிப்படுத்துவதற்கான f/ 2.1 Aperture கொண்ட 12MP Telephoto Lens ஆனது இரண்டாம் நிலை கேமராவாகவும், Ultra-wide புகைப்படங்களுக்கான f/2.2 Aperture கொண்ட 16MP லென்ஸ் ஆனது மூன்றாம் நிலை கேமராகவும் உட்பொதிக்கப்பட்டுள்ளது. முன்பக்கத்தை பொறுத்தவரை, 10MP செல்பீ கேமராவானது தக்கவைத்துக் கொள்ளபட்டுள்ளது.

பேட்டரி:

இந்த ஸ்மார்ட்போன் 4300 mAh அளவிலான பேட்டரி மூலம் சக்தியூட்டப்படும் என்பது முன்னரே வெளியானதொரு தகவலாக இருந்தாலும் கூட, சமீபத்திய தகவலானது இது 45W Fast Charging தொழில்நுட்பத்தை கொண்டிருக்கும் என்பதை வெளிப்படுத்தியுள்ளது. இதன் Wireless Charging திறனானது 20W வரையிலாக என்று தரம் உயர்த்தப்பட்டுள்ளதும் குறிப்பிடத்தக்கது.

3000mAh பேட்டரியுடன் பட்ஜெட் விலையில் அறிமுகமாகியுள்ள Motorola Moto E6!

மெமரி நீட்டிப்பு மற்றும் இதர ஆதரவுகள்:

Samsung Galaxy Note 10 Plus-ல் IR blaster மற்றும் 3.5mm ஜாக் இடம்பெறாது என்பது கிட்டத்தட்ட உறுதிசெய்யப்பட்டு விட்டதால், அதன் மீதான எதிர்பார்ப்பை கைவிட்டுவிடுவது நல்லது. குறைந்தபட்சம் இந்த ஸ்மார்ட்போனில் மைக்ரோ எஸ்டி கார்டு ஆதரவு உள்ளதென்பதை நினைத்து மனதை தேற்றிக்கொள்ளுங்கள்.

விலை மற்றும் விற்பனை:

அறிமுகத்தை சந்திக்கும் ஆகஸ்ட் 7 ஆம் தேதி முதலே முன்பதிவுகளை தொடங்கும் இந்த ஸ்மார்ட்போனின் ஏற்றுமதியானது ஆகஸ்ட் 23 முதல் தொடங்கும் என்று தகவல் வெளியாகியுள்ளது. விலை நிர்ணயத்தை பொறுத்தவரை (முந்தைய அறிக்கைகளின்படி) Samsung Galaxy Note 10 Plus-ன் ஆரம்ப விலை 999 யூரோவாக (அதாவது ரூ.76,666/- ஆக) இருக்கலாம். அடிப்படை மாடலானது 8 ஜிபி ரேம் மற்றும் 256 ஜிபி அளவிலான உள்ளடக்க சேமிப்பை கொண்டு வெளியாகுமென்று எதிர்பார்க்கப்படுகிறது.