இன்று இந்தியாவில் அறிமுகமான சாம்சங் கேலக்சி S10 லைட்டின் விலை இதுதான்!

சாம்சங் கேலக்ஸி எஸ் 10 லைட் இன்று இந்தியாவில் அறிமுகமானது. இந்த மாத தொடக்கத்தில் நடந்த CES 2020 நிகழ்விற்கு முன்னர் அறிமுகப்படுத்தப்பட்ட இந்த ஸ்மார்ட்போனின் இந்திய முன்பதிவானது இன்று (ஜனவரி 23, 2019) மதியம் 2 மணி முதல் தொடங்குகிறது. ஆன்லைன் விற்பனையானது ஃப்ளிப்கார்ட், சாம்சங்.காம் மற்றும் முக்கிய ஆஃப்லைன் கடைகள் வழியாக பிப்ரவரி 4 முதல் தொடங்கும்

விலை நிர்ணயத்தை பொறுத்தவரை, சாம்சங் கேலக்ஸி எஸ் 10 லைட் ஸ்மார்ட்போனின் 8 ஜிபி + 128 ஜிபி மாடல் ஆனது ரூ.39,999 என்று நிர்ணயம் செய்யப்பட்டுள்ளது. இந்த ஸ்மார்ட்போனின் 6 ஜிபி ரேம் மாடல் இந்தியாவில் அறிமுகம் ஆகிவில்லை.

இந்தியாவில் Samsung Galaxy Note 10 Lite அறிமுகமானது; நம்பி வாங்கலாமா? என்ன விலை?

இந்த புதிய சாம்சங் ஸ்மார்ட்போன் ப்ரிஸம் ஒயிட், ப்ரிஸம் பிளாக் மற்றும் ப்ரிஸம் ப்ளூ ஆகிய வண்ண விருப்பங்களின் கீழ் வாங்க கிடைக்கும். அறிமுக சலுகைகளைப் பொறுத்தவரை, வெறும் ரூ.1,999 க்கு ஒன்-டைம் ஸ்க்ரீன் ரீப்பிளேஸ்மென்ட் அறிவிக்கப்பட்டுள்ளது. மேலும் ஐசிஐசிஐ வங்கி கிரெடிட் கார்டுகளைப் பயன்படுத்தி செலுத்தப்படும் தொகையில் ரூ.3,000 கேஷ்பேக்கும் அறிவிக்கப்பட்டுள்ளது.

அம்சங்களை பொறுத்தவரை, சாம்சங் கேலக்ஸி எஸ் 10 லைட் ஆனது டூயல் சிம் (நானோ) ஆதரவு, ஆண்ட்ராய்டு 10 அடிப்படையிலான ஒன் யுஐ 2.0 ஓஎஸ், 6.7 இன்ச் முழு எச்டி+ (1,080x2,400 பிக்சல்கள்) சூப்பர் அமோலேட் பிளஸ் டிஸ்ப்ளே, ஹோல்-பஞ்ச் வடிவமைப்பு, ஆக்டா கோர் க்வால்காம் ஸ்னாப்டிராகன் 855 SoC ப்ராசஸர், 8 ஜிபி ரேம், 4,500 எம்ஏஎச் பேட்டரி, 25W பாஸ்ட் சார்ஜிங் ஆதரவு, 128 ஜிபி இன்டர்னல் மெமரி, மைக்ரோ எஸ்டி கார்டு ஸ்லாட் வழியாக 1 டிபி வரை, இன்-டிஸ்ப்ளே கைரேகை சென்சார் போன்ற பிரதான அம்சங்களை கொண்டுள்ளது.

அட்றா சக்கை! வெறும் ரூ.10,000 க்குள் முன்பக்கம் பாப்-அப் செல்பீ; பின்பக்கம் க்வாட் கேமரா! வேற என்ன வேணும்?

கேமரத்துறையை பொறுத்தவரை, கேலக்ஸி எஸ் 10 லைட்டின் பின்புறத்தில் ட்ரிபிள் கேமரா அமைப்பு உள்ளது. அதில் 48 மெகாபிக்சல் (எஃப் / 2.0) பிரதான கேமரா + 12 மெகாபிக்சல் ( எஃப் / 2.2) அல்ட்ரா-வைட்-ஆங்கிள் கேமரா + 5 மெகாபிக்சல் (எஃப் / 2.4) மேக்ரோ கேமராக்கள் கொண்டுள்ளது. முன்பக்கத்தை பொறுத்தவரை, ஒரு 32 மெகாபிக்சல் (எஃப் / 2.2) செல்பீ கேமரா உள்ளது.