6000mAh பேட்டரி, ஆனால் பட்ஜெட் விலை! இந்திய சந்தையை கலக்கப்போகும் சாம்சங் கேலக்ஸி M21!

சாம்சங் நிறுவனம் தனது சமீபத்திய M சீரிஸ் ஸ்மார்ட்போன் ஒன்றை இன்று இந்தியாவில் அறிமுகப்படுத்த உள்ளது - அது சாம்சங் கேலக்ஸி M21 ஆகும். பட்ஜெட் விலைப்பிரிவின் கீழ் அறிமுகமாகும் இந்த ஸ்மார்ட்போனின் அனைத்து விவரங்களையும் சாம்சங் நிறுவனம் தனது அதிகாரப்பூர்வ இணையதளத்தில் இன்று மதியம் 12 மணிக்கு வெளியிடும்.

இந்த ஸ்மார்ட்போனின் அறிமுகத்திற்காக சாம்சங் எந்த விதமான லைவ் ஸ்ட்ரீமையும் திட்டமிடவில்லை என்பது குறிப்பிடத்தக்கது, எனவே இந்த புதிய ஸ்மார்ட்போனைப் பற்றி அறிய அது இணையதளத்தில் பட்டியவிடும் வரை நாம் காத்திருக்க வேண்டும்.

ரியல்மி X, XT உட்பட 5 லேட்டஸ்ட் ரியால்மி போன்களின் மீது "தற்காலிக" விலைக்குறைப்பு!

அறிமுகப்படுத்தவில்லை என்றாலும் கூட சாம்சங் கேலக்ஸி எம் 21 ஸ்மார்ட்போனின் சில பிரதான அம்சங்களை சாம்சங் ஏற்கனவே வெளிப்படுத்தியுள்ளது. இது சமீபத்தில் அறிமுகப்படுத்தப்பட்ட சாம்சங் கேலக்ஸி எம்31 ஸ்மார்ட்போனை போலவே, கேலக்ஸி எம்21 ஆனதும் 6,000 எம்ஏஎச் பேட்டரி மற்றும் சூப்பர் அமோலேட் டிஸ்ப்ளேவையும் பேக் செய்யும்.

உடன் இந்த ஸ்மார்ட்போன் 48 எம்பி மெயின் சென்சார் கொண்ட ட்ரிபிள் ரியர் கேமரா அமைப்பையும், செல்பீ மற்றும் வீடியோ அழைப்பிற்கான 20 எம்பி முன்பக்க கேமராவையும் கொண்டுள்ளது.

எதிர்பார்க்கப்படும் அம்சங்களை பொறுத்தவரை, சாம்சங் கேலக்ஸி எம்21 ஆனது 6.4 இன்ச் டிஸ்ப்ளேவை கொண்டிருக்கலாம் மேலும் இது நிறுவனத்தின் சொந்த எக்ஸினோஸ் 9611 ப்ராஸஸர் மூலம் இயக்கப்படலாம்.

இந்த ஸ்மார்ட்போன் இரண்டு ரேம் மற்றும் சேமிப்பு விருப்பங்களில் வரும் என்று கூறப்படுகிறது. அதாவது 4 ஜிபி ரேம் மற்றும் 64 ஜிபி இன்டர்னல் ஸ்டோரேஜ் மற்றும் 6 ஜிபி ரேம் மற்றும் 128 ஜிபி இன்டர்னல் ஸ்டோரேஜுடன் வரும் என்று எதிர்பார்க்கப்படுகிறது.

Xiaomi : மார்ச் 26 இல் அறிமுகமாகும் ரெட்மி K30 ப்ரோவின் இந்திய விலை இவ்ளோவா?

கடந்த மாதம், சாம்சங் தனது கேலக்ஸி எம்31 ஸ்மார்ட்போனை இந்தியாவில் ரூ.15,999 என்கிற ஆரம்ப விலையின் கீழ்அறிமுகப்படுத்தியது. இந்த ஸ்மார்ட்போன் ஆண்ட்ராய்டு 10 ஆப்பரேட்டிங் சிஸ்டத்தை கொண்டு இயங்குகிறது மற்றும் எக்ஸினோஸ் 9611 ப்ராசஸர் உடனும் கட்டமைக்கப்பட்டுள்ளது.

இது FHD+ (1080x2340 பிக்சல்கள்) ரெசல்யூஷன் கொண்ட 6.4 அஇன்ச் அளவிலான சூப்பர் AMOLED டிஸ்பிளேவுடன் வருகிறது. இந்த மொத்த அமைப்பும் ஒரு 6000mAh mAh பேட்டரி மூலம் சக்தியூட்டப்படுகிறது மற்றும் அது 15W பாஸ்ட் சார்ஜிங் ஆதரவை கொண்டுள்ளது.