Samsung Galaxy M31 Prime : வாய்பிளக்க வைக்கும் விலை; வேற லெவல் அம்சங்கள்!

கேலக்ஸி எம் 31 ஸ்மார்ட்போனின் புதிய வேரியண்ட்டை, அதாவது ப்ரைம் வேரியண்ட்டை, சாம்சங் நிறுவனம் மிக விரைவில் இந்தியாவில் அறிமுகப்படுத்த உள்ளது. அதன் வன்பொருள் விவரங்கள், கேமரா அமைப்பு மற்றும் பல அம்சங்களைப் பற்றி எங்களுக்கு நல்ல யோசனை உள்ளது.

Oppo A15 : பட்ஜெட் போன் வேணும்னா.. வெயிட் பண்ணுறதுல தப்பே இல்ல!

மேலும் இது அமேசான் வழியாக வாங்க கிடைக்கும் என்பதையும் நாங்கள் அறிவோம். இப்போது, இந்த ஸ்மார்ட்போனின் விலை எநிர்ணயம் எப்படி இருக்கும் என்கிற தகவலும் வெளியாகியுள்ளது. இந்த தகவலை அளித்ததற்கு அமேசான் இ-காமர்ஸ் ஷாப்பிங் நிறுவனத்திற்கு நன்றி!

Redmi Note 10 : இனிமே இது பட்ஜெட் போன் இல்ல; 108MP கேமராவுடன் மிரட்ட போகுது!

கேலக்ஸி எம் 31 ப்ரைம் எடிஷன் ஆனதுஅமேசானில் ‘நோட்டிப்பை மீ’ அடையாளத்துடன் பட்டியலிடப்பட்டுள்ளது. ஆனால் அதே பேனரில் நீங்கள் காணக்கூடியது போல, இதன் பேஸ் வேரியண்டிற்கு ரூ.16,499 என்று விலை நிர்ணயம் செய்யப்பட்டுள்ளது.

தற்போது வரையிலாக இதன் அம்சங்கள் வழக்கமான கேலக்ஸி எம் 31 பதிப்புடன் மிகவும் ஒற்றுப்போகிறது. எனவே, ப்ரைம் எடிஷனில் என்னென்ன வேறுபாடுகள் இருக்கும் என்பதை நாம் பொறுத்திருந்து தான் பார்க்க வேண்டும்.

இந்த ஸ்மார்ட்போன் 6 ஜிபி + 64 ஜிபி மற்றும் 6 ஜிபி + 128 ஜிபி வகைகளில் கிடைக்கும். பேஸிக் மாறுபாட்டின் விலை வெளியாகி விட்டாலும் கூட, 128 ஜிபி ஸ்டோரேஜ் மாடலை வாங்க எவ்வளவு செலவு ஆகும் என்பது எங்களுக்குத் தெரியவில்லை.

கேலக்ஸி எம் 31 ப்ரைம் பதிப்பை வாங்குபவர்களுக்கு அமேசான் ப்ரைம் சேவைக்கான மூன்று மாத இலவச சந்தாவும் கிடைக்கும். இதில் ப்ரைம் வீடியோ, ப்ரைம் மியூசிக் மற்றும் ஷாப்பிங் சலுகைகளும் அடங்கும்.

சாம்சங் கேலக்ஸி எம் 31 ப்ரைம் எடிசனின் அம்சங்கள் மற்றும் விவரக்குறிப்புகள்

முன்னதாக இ-காமர்ஸ் நிறுவனமான அமேசான் இந்த புதிய சாம்சங் ஸ்மார்ட்போனின் வருகையை ஒரு சிறப்பு விளம்பரப் பக்கம் மூலம் அறிவித்தது. இருப்பினும் குறிப்பிட்ட ஸ்மார்ட்போனின் வெளியீட்டு நாள் பற்றிய எந்த தகவலையும் அது பகிரவில்லை. இருப்பினும் அது வரவிருக்கும் புதிய சாம்சங் ஸ்மார்ட்போனின் முக்கிய அம்சங்களை காட்சிப்படுத்துகிறது.

சாம்சங் கேலக்ஸி எம் 31 ப்ரைம் ஒரு குவாட் ரியர் கேமரா அமைப்பைக் கொண்டிருக்கும், அதில் 64 மெகாபிக்சல் முதன்மை கேமரா இடம்பெறும். ஹூட்டின் கீழ், இது 6 ஜிபி ரேம் உடன் இணைக்கப்பட்ட சாம்சங் எக்ஸினோஸ் 9611 SoC மூலம் இயக்கப்படும்.

அமேசான் பக்கத்தில் பட்டியலிடப்பட்டுள்ள முக்கிய விவரக்குறிப்புகளைப் பார்க்கும்போது, கேலக்ஸி எம் 31 ப்ரைம் ஆனது கடந்த பிப்ரவரியில் அறிமுகப்படுத்தப்பட்ட சாம்சங் கேலக்ஸி எம் 31 ஸ்மார்ட்போனுடன் பல ஒற்றுமைகளை கொண்டுள்ளது.

டூயல் சிம் (நானோ) ஆதரவு கொண்ட கேலக்ஸி எம் 31 பிரைம் ஆனது 10nm எக்ஸினோஸ் 9611 SoC மூலம் இயக்கப்படுகிறது, இது 2.3GHz க்ளாக்டு, 6 ஜிபி எல்பிடிடிஆர் 4 எக்ஸ் ரேம் உடன் இணைக்கப்பட்டுள்ளது.

மேலும் இந்த ஸ்மார்ட்போன் இரண்டு இன்டர்னல் ஸ்டோரேஜ் விருப்பங்களில் வரும் - 64 ஜிபி மற்றும் 128 ஜிபி. மேலும் மைக்ரோ எஸ்டி கார்டு வழியாக 512 ஜிபி வரை விரிவாக்க ஆதரவினையும் வழங்கும்.

கேமராக்களைப் பற்றி பேசுகையில், இந்த ஸ்மார்ட்போனில் எஃப் / 1.8 லென்ஸ் கொண்ட 64 மெகாபிக்சல் பிரதான சென்சார் + எஃப் / 2.2 லென்ஸ் கொண்ட 8 மெகாபிக்சல் அல்ட்ரா-வைட் சென்சார் + எஃப் / 2.2 லென்ஸ் கொண்ட 5 மெகாபிக்சல் டெப்த் சென்சார் + எஃப் / 2.4 லென்ஸ் கொண்ட 5 மெகாபிக்சல் மேக்ரோ சென்சார் ஆகியவற்றைக் கொண்ட குவாட் ரியர் கேமரா அமைப்பு உள்ளது.

செல்பீக்கள் மற்றும் வீடியோ அழைப்புகளுக்கு, இதில் 32 மெகாபிக்சல் அளவிலான முன்பக்க கேமரா இருக்கும். அது வாட்டர் டிராப்-ஸ்டைல் நாட்ச் வடிவைமைப்பிற்குள் உட்பொதிக்கப்பட்டுள்ளது. இதன் செல்பீ கேமரா 4 கே வீடியோ பதிவு மற்றும் ஸ்லோ-மோஷன் ஆதரவுகளை கொண்டிருக்கும்.

சாம்சங் கேலக்ஸி எம் 31ப்ரைம் ஆனது 15W ஃபாஸ்ட் சார்ஜிங்கிற்கான ஆதரவுடன் 6,000 எம்ஏஎச் பேட்டரியை பேக் செய்கிறது. பாதுகாப்பிற்காக, இது பின்புறமாக பொருத்தப்பட்ட கைரேகை ஸ்கேனருடன் வருகிறது மற்றும் இது பேஸ் அன்லாக் அம்சத்தினையும் ஆதரிக்கிறது.

மேலே குறிப்பிட்ட அனைத்து அம்சங்களும் வழக்கமான கேலக்ஸி எம் 31 ஸ்மார்ட்போனில் உள்ளன. எனவே, ‘பரைம்’ மோனிகரை நியாயப்படுத்த சாம்சங் நிறுவனம் வரவிருக்கும் ஸ்மார்ட்போனில் என்னென்ன மேம்பாடுகளை சேர்க்கிறது என்பதை இனிமேல் தான் பார்க்க வேண்டும். முன்னரே குறிப்பிட்டபடி, இதன் அதிகாரப்பூர்வ வெளியீட்டு தேதி அல்லது விலை விவரங்கள் இதுவரை அறிவிக்கப்படவில்லை.