VLC Media Player-ஐ உடனே Uninstall செய்ய சொல்லி எச்சரிக்கை! ஏன்?

ஆன்லைனில் திரும்பிய பக்கமெல்லாம் Windows இயக்க முறைமைக்கான ஏராளமான Media Player ஆப்ஸ்களை காணமுடிகிறது. அவை அனைத்தை காட்டிலும் VLC Medie Player மிகவும் பிரபலமானது, ஏனெனில் அது பெரும்பாலானோர்களால் பயன்படுத்தப்படக்கூடிய, நன்கு அறியப்பட்ட, முற்றிலும் இலவசமான ஒரு ஆப் ஆகும்.

அதனால் தான் மில்லியன் கணக்கான மக்கள்களுக்கும் மேற்பட்டவர்களால் டவுன்லோட் செய்யப்பட்ட ஒரு பிரபாலமான ஆப் ஆக VLC Media Player திகழ்கிறது. ஸ்ட்ரீமிங் செய்வது முதல் தேவையான Media file format support-ற்கான பதிவிறக்கம் வரையிலாக விஎல்சி மீடியா பிளேயரில் கிடைக்காத ஒரு அம்சமே இல்லை எனலாம். வேகமாக மற்றும் எளிமையாக வீடியோக்களை பார்க்க அனுமதிக்கும் இந்த ஆப்பை நீங்கள் உங்களின் PC-யில் Install செய்திருந்தால், அதனை உடனடியாக Uninstall செய்ய வைக்கும்படியான ஒரு "திகிலான" தகவல் வெளியாகியுள்ளது.

அதென்ன தகவல்?

ஜெர்மனை சேர்ந்த பாதுகாப்பு நிறுவனமான CERT-Bund ஆனது, VLC மீடியா பிளேயரில் ஒரு பாதுகாப்பு குறைபாடு இருப்பதை கண்டறிந்துள்ளது. அந்த குறைபாடு ஆனது, உங்கள் PC-ஐ ஹேக் செய்வதற்கான எளிமையான பாதையை ஹேக்கர்களுக்கு வழங்குமென்றும், அது சாத்தியமாகும் பட்சத்தில் உங்கள் பிசியில் உள்ள அனைத்து கோப்புகளையும் ஹேக்கர்களால் அணுக முடியுமென்றும் CERT-Bund தெரிவித்துள்ளது. கோப்புகளுக்கான அணுகல்களை மட்டுமின்றி, இந்த பாதுகாப்பு ஓட்டையானது, Remote code execution அல்லது Distributed Denial of Service (DDoS) போன்ற இணையவழி தாக்குதல்களுக்கும் வழிவகுக்குமாம்.

இந்த தகவல் விஎல்சி குழுவிற்கு தெரியுமா?

தெரியும், ஆனால் ஒரு புண்ணியமும் இல்லை! ஏனெனில் VLC Media Player குழுவிடம் இந்த பாதுகாப்பு ஓட்டையை சரிசெய்யும் எந்த இணைப்பும் (தற்போது வரையிலாக) இல்லை. எனவே, VideoLAN (விஎல்சி மீடியா பிளேயர் குழு) குறிப்பிட்ட குறைபாட்டை சரிசெய்யும் வரையிலாக, உங்கள் பிசி ஆனது எளிதில் ஹேக் செய்யப்படக்கூடியதாக அல்லது பாதிக்கப்படக்கூடியதாக தான் இருக்கும்.

இந்த ஆபத்து விண்டோஸ் பயனர்களுக்கு மட்டும் தானா?

விஎல்சியின் அனைத்து விண்டோஸ், லினக்ஸ் மற்றும் யூனிக்ஸ் பதிப்பும் இந்த பாதுகாப்பு குறைபாட்டால் பாதிக்கப்படுகின்றன, ஆனால் மேக்ஓஎஸ் பதிப்பு மட்டும் விதிவிலக்காக உள்ளது. அதாவது விஎல்சியின் மேக்ஓஎஸ் பதிப்பானது மிகவும் பாதுகாப்பானதாக உள்ளது. ஆகையால் மேக் பயனர்கள் இதுசார்ந்து அச்சம் கொள்ள வேண்டிய அவசியமில்லை.


இதிலிருந்து பாதுகாத்துக்கொள்ள வழிகள் ஏதேனும் இருக்கிறதா?

இந்த பாதுகாப்பு பிரச்சினையை சரிசெய்வதற்காக வீடியோலான் குழு கடுமையாக உழைத்து வருகிறது. இருப்பினும், குறைபாட்டை சரிசெய்யும் Patch இன்னும் தயாராக இல்லை என்பதே நிதர்சனம். எனவே, இப்போதைக்கு, இந்த "சிக்கலான" பாதுகாப்பு குறைபாட்டிலிருந்து உங்களை நீங்களே பாதுகாத்துக் கொள்வதற்கான ஒரே வழி உங்கள் PC-யில் இருக்கும் VLC Media Player-ஐ Uninstall செய்வது மட்டும் தான்.