என்னது 52 எம்பி கேமராவா? சோனியின் அசத்தல் ஸ்மார்ட்போன் உங்களுக்காக!

தொழில்நுட்பம் வளர்ந்துவிட்ட சூழலில், அனைவரின் கைகளிலும் தவறாமல் ஸ்மார்ட்போன் இடம்பெற்று உள்ளது. அதன்மூலம் உலகையே தன்வசப்படுத்தி விடுகின்றன. எனவே புதிதாக ஸ்மார்ட்போன் வாங்கும் போது, பல்வேறு அம்சங்களைக் கருத்தில் கொள்கின்றனர்.

அத்தகைய ஸ்மார்ட்போன்களில் கேமரா என்பது மிக முக்கிய அம்சமாக பார்க்கப்படுகிறது. கடந்த சில ஆண்டுகளுக்கு முன்பு, ஒரு கேமரா மட்டுமே போன்களில் இடம்பெற்றிருந்த நிலையில், தற்போது 2 மற்றும் 3 கேமராக்கள் என விஸ்வரூபம் எடுத்து வருகின்றன.

அதிலும் பிக்சல்களின் அளவு ஆச்சரியப்படும் வகையில் மேம்பட்டு கொண்டிருக்கிறது. சமீபத்தில் சயோமி அறிமுகப்படுத்திய ரெட்மி நோட் 7 என்ற ஸ்மார்ட்போனில் 48 எம்பி கேமரா காணப்படுகிறது. இது கேமராக்களின் காலம் என்று கூறும் அளவிற்கு, புதிய புதிய அம்சங்கள் முளைத்துக் கொண்டே இருக்கின்றன.

இந்நிலையில் சோனி நிறுவனம் அறிமுகம் செய்யவுள்ள புதிய ஸ்மார்ட்போன் குறித்து, புதிய தகவல்கள் வெளியாகியுள்ளன. இதன் பெயர் Xperia XZ4 ஆகும். இதில் 3 கேமராக்கள் இடம்பெற்றுள்ளன. அதிலும் ஒரு கேமரா 52 மெகா பிக்சல் என்றால், ஆச்சரியப்படாதவர்கள் யாரும் இருக்க முடியாது.

இதன் பேட்டரி அளவு 4400mAh ஆகும். இது நிச்சயம் ஸ்மார்ட்போன் சந்தையில் ஒரு கலக்கு கலக்கும் என்று எதிர்பார்க்கப்படுகிறது.