இதைவிட Cheap & Best க்வாட்-கேமரா ஸ்மார்ட்போன் இந்தியாவிலேயே கிடையாது!

வெறும் ரூ.8,000 க்குள் வாங்க கிடைக்கும் மிகவும் மலிவான க்வாட் ரியர் கேமரா அமைப்பு மற்றும் செல்பே பிளாஷ் கொண்ட ஸ்மார்ட்போனாக டெக்னோ ஸ்பார்க் 5 அறிமுகம் ஆகியுள்ளது. இதன் விலை ரூ.7,999 ஆகும்.

இது ஆஃப்லைன் வழியாக ஸ்மார்ட்போன்களை வாங்குபவர்களை முதன்மை இலக்காகக் கொண்டுள்ளது, இருந்தாலும் கூட தற்போதைய லாக்டவுன் நிலைமை காரணமாக வருகிற மே 22 முதல் பிரபல இகாமர்ஸ் தளமான அமேசான் வழியாக இது வாங்க கிடைக்கும்.

3000 ரூபாய் தள்ளுபடியுடன் விற்பனையை ஆரம்பித்த ஹானர் 9X ப்ரோ!

ஸ்பார்க் 5 ஸ்மார்ட்போனை பிரதான அம்சமாக அதன் க்வாட் ரியர் கேமரா அமைப்பு மட்டுமல்ல, அதன் பெரிய டிஸ்பிளேவும் தான். அப்படி என்ன டிஸ்பிளே? இந்த சூப்பர் பட்ஜெட் ஸ்மார்ட்போனின் முழு அம்சங்கள் என்னென்ன? என்பதை பற்றி அறிய தொடர்ந்து படிக்கவும்.

இந்த ஸ்மார்ட்போன் 720x1600 பிக்சல்கள் என்கிற ஸ்கிரீன் ரெசல்யூஷன் கொண்ட 6.60 இன்ச் அளவிலான டிஸ்ப்ளேவுடன் வருகிறத். இது 2 ஜிபி ரேம் உடன் மீடியாடெக் ஹீலியோ ஏ 22 ப்ராசஸர் மூலம் இயக்கப்படுகிறது. மேலும் இது 32 ஜிபி இன்டர்னல் மெமரியைக் கொண்டுள்ளது, உடன் எஸ்.டி கார்டு வழியாக 256 ஜிபி வரையிலான மெமரி நீட்டிப்பு ஆதரவினையும் வழங்குகிறது.

இந்த புதிய ஸ்பார்க் ஸ்மார்ட்போன் ஆண்ட்ராய்டு 10 ஓஎஸ்- ஐ அடிப்படையாகக் கொண்ட HiOS 6.1 கொண்டு இயங்குகிறது. பேட்டரியை பொறுத்தவரை இது ஒரு பெரிய 5000mAh அளவிலான நீக்கக்கூடிய பேட்டரி மூலம் சக்தியூட்டப்படுகிறது.

கேமரத்துறையை பொறுத்தவரை, பின்புறத்தில் 13 மெகாபிக்சல் அளவிலான முதன்மை கேமராவை கொண்ட க்வாட் கேமரா அமைப்பை கொண்டுள்ளது. உடன் 2 மெகாபிக்சல் அளவிலான போர்ட்ரெய்ட் லென்ஸ் + 2 மெகாபிக்சல் மேக்ரோ லென்ஸ் + ஒரு AI கேமராவை கொண்டுள்ளது.

ரூ.8,999 கையில வச்சிக்கிட்டு ரெடியா இருங்க; மே.29 வரை வேற போன் வாங்கிடாதீங்க!

செல்பீக்கள் மற்றும் வீடியோ அழைப்புகளை கவனித்துக்கொள்ள முன்பக்கத்தில் ஒரு 8 மெகாபிக்சல் அளவிலான கேமராவைக் கொண்டுள்ளது, இதில் எஃப் / 1.8 அபெர்க்ஷர் மற்றும் செல்பீ ஃபிளாஷ் உள்ளது என்பது குறிப்பிடத்தக்கது. அளவீட்டில் இது 164.70 x 76.30 x 8.75 மிமீ (உயரம் x அகலம் x தடிமன்) உள்ளது.

ஐஸ் ஜேடைட் மற்றும் ஸ்பார்க் ஆரஞ்சு ஆகிய இரண்டு வண்ணங்களில் வாங்க கிடைக்கும் ஸ்பார்க் 5 ஸ்மார்ட்போன் ஆனது மைக்ரோ யூ.எஸ்.பி மற்றும் பின்புறத்தில் பொருத்தப்பட்ட கைரேகை ஸ்கேனரைக் கொண்டுள்ளது. சுவாரஸ்யமாக இந்த ஸ்மார்ட்போன் ஃபேஸ் அன்லாக் அம்சத்தையும் ஆதரிக்கிறது.