வெறும் ரூ.400-க்கு இப்படி ஒரு Plan கிடைக்கும் போது Broadband-லாம் எதுக்கு?

கோவிட் -19 கேஸ்கள் அதிகரித்துள்ளதால் இந்தியா முழுவதும் பல மாநிலங்கள் மீண்டும் லாக்டவுனை செயல்படுத்தியுள்ளன. வழக்கம் போல இந்த லாக்டவுனும் மக்கள் தங்கள் வேலையை அலுவலகத்திலிருந்து வீட்டிற்கு மாற்றச் செய்துள்ளது.

மீண்டும் வீட்டிலிருந்து வேலையை செய்ய தொடங்கியுள்ள நபர்கள், சந்தையில் தற்போது ரீசார்ஜ் செய்ய கிடைக்கும் எக்கச்சக்கமான டேட்டா பிளான்களை கண்டு குழப்பமடையலாம்.

எதை தேர்வு செய்யலாம்? எது உங்களுக்கான சரியான திட்டம்?

நாட்டில் உள்ள அனைத்து டெலிகாம் ஆப்ரேட்டரும் (ஏர்டெல், பிஎஸ்என்எல், ஜியோ மற்றும் வி) தங்களது WFH திட்டங்களை ஒரே மாதிரியான விலைக்கு வழங்குகிறார்கள்.

ஒருவேளை உங்கள் பட்ஜெட் ரூ.400 என்றால், இதற்குள் நீங்கள் ஒரு நல்ல WORK FROM HOME பிளானை தேடுகிறீர்கள் என்றால், கவலையை விடுங்கள், நீங்கள் சரியான இடத்திற்கு தான் வந்துள்ளீர்கள்.

ஏர்டெல் ரூ.399 ப்ரீபெய்ட் திட்டம்:

இந்த திட்டம் 1.5 ஜிபி அளவிலான தினசரி டேட்டா, வரம்பற்ற அழைப்புகள், தினமும் 100 எஸ்எம்எஸ் போன்ற நன்மைகளை 56 நாட்கள் செல்லுபடியாகும் வண்ணம் வழங்குகிறது. தவிர ஏர்டெல் எக்ஸ்ஸ்ட்ரீம் மற்றும் விங்க் மியூசிக், அமேசான் ப்ரைம் வீடியோ மொபைல் எடிஷன் போன்ற சந்தாக்களும் இலவசமாக கிடைக்கும்.

பிஎஸ்என்எல் ரூ.399 ப்ரீபெய்ட் திட்டம்:

பிஎஸ்என்எல் வழங்கும் இந்த திட்டம் ஒரு நாளைக்கு 1 ஜிபி அளவிலான டேட்டாவுடன் வரம்பற்ற அழைப்புகள் மற்றும் ஒரு நாளைக்கு 100 எஸ்எம்எஸ் ஆகியவற்றை வழங்குகிறது. இந்த திட்டம் 80 நாட்களுக்கு செல்லுபடியாகும். இந்த திட்டத்தின் கீழ் பயனர்கள் பி.எஸ்.என்.எல் ட்யூனுக்கான சந்தாவையும் பெறுவார்கள்.

ஜியோ ரூ.399 ப்ரீபெய்ட் திட்டம்:

ஜியோவின் இந்த திட்டம் 1.5 ஜிபி அளவிலான தினசரி டேட்டா, வரம்பற்ற அழைப்புகள் மற்றும் தினமும் 100 இலவச எஸ்எம்எஸ் ஆகியவற்றை வழங்குகிறது. இந்த திட்டம் 56 நாட்களுக்கு செல்லுபடியாகும் மற்றும் பயனர்களுக்கு Jio ஆப்களுக்காண இலவச சந்தாவையும் வழங்கும்.

வோடாபோன் ஐடியா (வி) ரூ.399 ப்ரீபெய்ட் திட்டம்:

இந்த திட்டத்தின் கீழ் பயனர்கள் 1.5 ஜிபி அளவிலான தினசரி டேட்டா , வரம்பற்ற அழைப்புகள், தினமும் 100 எஸ்எம்எஸ் மற்றும் வி மூவிஸ் மற்றும் டி.வி சந்தா போன்ற நன்மைகளை பெறுவார்கள். நிறுவனத்தின் அதிகாரபூர்வமான ஆப் வழியாக ரீசார்ஜ் செய்யும்போது பயனர்கள் 5 ஜிபி அளவிலான கூடுதல் டேட்டாவையும் பெறுவார்கள். இந்த திட்டத்தின் செல்லுபடியாகும் காலம் 56 நாட்கள் ஆகும்.