இதுதான் ஜியோவின் புத்தாண்டு சலுகை

ரிலையன்ஸ் ஜியோ புத்தாண்டு சலுகை பிரீபெயிட் மற்றும் போஸ்ட்பெயிட் பயனர்களுக்கு அறிவிக்கப்பட்டுள்ளது. ரூ.399 விலையில் ரீசார்ஜ் செய்வோருக்கு 100 சதவிகிதம் கேஷ்பேக் வழங்கப்படுகிறது.

ரிலையன்ஸ் ஜியோ தனது புத்தாண்டு ஆஃபரை அறிவித்துள்ளது. ரூ.399 விலையில் ரீசார்ஜ் செய்வோருக்கு 100 சதவிகிதம் கேஷ்பேக் வழங்கப்படுகிறது. 100 சதவிகிதம் கேஷ்பேக் ஏஜியோ வவுச்சர் வடிவில் வழங்கப்படும். இந்த 399 பிளானில் பல சலுகைகளை வாரி வழங்கியுள்ளது ஜியோ. இது அதன் பயனாளர்களுக்கு நன்றாகவே தெரியும். தினசரி 1.5 ஜிபி இலவச டேட்டா, 100 எஸ்எம்எஸ்கள், அன்லிமிடட் கால் வசதி என செல்போன் பயன்பாட்டை அதிகப்படுத்தியதே இந்த பிளான்தான். இதனைத்தொடர்ந்து ஏர்டெல், ஐடியா, பிஎஸ்என்ல் உள்ளிட்ட பல நெட்வொர்க்குகள் ஜியோவுடனான போட்டியை சமாளிக்க இந்த பிளாள் விலையில் சலுகைகளை கொடுத்தனர்.

இதனைப்பெற பயனர்கள் தங்களது ஜியோ செயலி அல்லது ஜியோ அதிகாரப்பூர்வ வலைத்தளத்தில் ரூ.399 விலையல் ரீசார்ஜ் செய்யவேண்டும். ஜியோ அறிவித்திருக்கும் புத்தாண்டு சலுகையை பயனர்கள் டிசம்பர் 28 ஆம் தேதியில் இருந்து ஜனவரி 30, 2019 வரை ரீசார்ஜ் செய்து சலுகையை பெற முடியும்.

புத்தாண்டு சலுகையின் கீழ் வழங்கப்படும் ஏஜியோ வவுச்சர்கள் பயனர்களின் மைஜியோ செயலியில் ரீசார்ஜ் செய்யப்பட்ட 72 மணி நேரத்திற்குள் வழங்கப்படும். இந்த வவுச்சர்களை பயனர்கள் ஏஜியோ வலைத்தளத்தில் (ajio.com) ரூ.1000 அல்லது அதற்கும் அதிக மதிப்புள்ள பொருட்களை ஒற்றை ஆர்டரில் வாங்கும் போது பயன்படுத்திக் கொள்ளலாம். இந்த கூப்பனை மார்ச் 15, 2019-க்குள் பயன்படுத்திக் கொள்ளலாம்.