டொனால்ட் ட்ரம்ப் மொபைல் ரொம்ப டம்மி!

அமெரிக்க அதிபர் டொனால்ட் ட்ரம்ப் பயன்படுத்தும் மொபைலில் வெப் பிரவுசர் கூட இல்லை என்று நியூ யார்க் டைம்ஸ் (The New York Times) செய்தி வெளியிட்டுள்ளது.

அமெரிக்க அதிபர் டொனால்ட் ட்ரம்ப் அண்மையில் தனது சாம்சங் கேலக்ஸி எஸ்3 (Samsung Galaxy S3) மொபைலை கைவிட்டுவிட்டு புதிதாக ஐபோன் பயன்படுத்துவதாக வெள்ளை மாளிகை அதிகாரிகள் தெரிவித்துள்ளனர்.

இந்நிலையில், ட்ரம்ப் பயன்படுத்தும் ஐபோனின் இணைதளங்களைப் பார்வையிட அடிப்படைத் தேவையான கூகுள் குரோம், இன்டர்நெட் எக்ஸ்ப்ளோரர் போன்ற வெப் பிரவுசர் (Web Browser) எதுவும் இல்லை என்று நியூ யார்க் டைம்ஸ் செய்தி வெளியிட்டுள்ளது.

அதிபர் ட்ரம்ப் ஃபாக்ஸ் நியூஸ் (Fox News) தொலைக்காட்சியைப் பார்ப்பதை யாராலும் தடுக்க முடிவதில்லை. அவர் செய்தி அறிவதற்கு அந்த சேனலை மட்டுமே பார்க்கிறார். லேப்டாப் பயன்படுத்துவதும் இல்லை. இதனால், அவர் வேறு எந்த இணையதளங்களையும் பார்வையிடுவதில்லை. அவருக்குத் தேவையான செய்திகள், கட்டுரைகள் போன்றவற்றை அவரது உதவியாளராக இருக்கும் ஸ்டீபன் பெனான் தொகுத்து அளிக்கிறார் என்றும் அச்செய்தியில் கூறப்பட்டுள்ளது.

ஆனால், ட்விட்டர் பிரியரான ட்ரம்ப் தன் மொபைலில் ட்விட்டர் அப்ளிகேஷனை பயன்படுத்துகிறார் என்று ஆக்சியோஸ் (Axios) என்ற மற்றொரு செய்தி நிறுவனம் கூறியுள்ளது.