வெளியானது Vivo S1-ன் இந்திய விலை நிர்ணயம்; Realme X-க்கு சரியான செக்!

Vivo India நிறுவனம் வருகிற ஆகஸ்ட் 7 ஆம் தேதியன்று அதன் Vivo S1 ஸ்மார்ட்போனை இந்தியாவில் அறிமுகப்படுத்த உள்ளது. இது இந்தியாவில் அறிமுகம் செய்யப்படும் நிறுவனத்தின் முதல் S தொடர் ஸ்மார்ட்போன் ஆகும். விவோ எஸ்1 ஏற்கனவே சில சர்வதேச சந்தைகளில் அறிமுகம் செய்யப்பட்டுள்ளது என்பதும், இந்தியாவில் வெளியாகும் மாடலானது சர்வதேச சந்தைகளில் வெளியான மாடலை போன்றே தான் இருக்கும் என்பதும் குறிப்பிடத்தக்கது.

அறிமுகத்தையொட்டி Vivo S1-ன் இந்திய விலை நிர்ணயம் மற்றும் சேமிப்பு மாதிரிகள் சார்ந்த விவரங்கள் லீக் ஆகியுள்ளது. அதன்படி பார்த்தால், விவோ எஸ்1 ஆனது Realme X உடன் கடுமையாக போட்டியிட முடிவு செய்துள்ளதாக தெரிகிறது.

அடிப்படை மாடலின் விலை நிர்ணயம்:

Indiashopps.com-ன் படி, Vivo S1 ஆனது இந்தியாவில் ரூ.17,990/- என்கிற புள்ளியில் இருந்து தொடங்கும். இது ஸ்மார்ட்போனின் அடிப்படை மாடலுக்கானதாக இருக்கலாம் என்றும் வலைத்தளம் குறிப்பிட்டுள்ளது. இந்தியாவில் மொத்தம் மூன்று Variant-களில் வெளியாகும் Vivo S1-ன் அடிப்படை மாடலானது 4 ஜிபி அளவிலான RAM மற்றும் 128 ஜிபி அளவிலான உள்ளடக்க சேமிப்பை கொண்டிருக்கும். இந்த இடத்தில் Realme X ஸ்மார்ட்போனின் அடிப்படை மாடலின் விலை (4 ஜிபி RAM + 128 ஜிபி உள்ளடக்க சேமிப்பு) ரூ.16,999/- ஆகுமென்பது குறிப்பிடத்தக்கது.

மற்ற இரண்டு மாடலின் விலை நிர்ணயம்:

இரண்டாவது மாடலானது 6 ஜிபி அளவிலான RAM மற்றும் 128 ஜிபி அளவிலான உள்ளடக்க சேமிப்பை கொண்டிருக்கும். இந்த மாடலின் விலை ரூ.19,990 ஆக இருக்குமென்று எதிர்பார்க்கப்படுகிறது. கடைசி மற்றும் Vivo S1 ஸ்மார்ட்போனின் Top-End மாடலானது 8 ஜிபி அளவிலான RAM மற்றும் 128 ஜிபி அளவிலான உள்ளடக்க சேமிப்பை கொண்டிருக்கும். இது ரூ. 24,990/- என்கிற விலை நிர்ணயத்தின்கீழ் வெளியாகலாம் என்று கூறப்படுகிறது.

ப்ராசஸர் மற்றும் டிஸ்பிளே:

Vivo S1-ன் சர்வதேச மாடல் ஆனது Octa-core MediaTek Helio P65 processor-ன் கீழ் சக்தியூட்டப்படுகிறது. மென்பொருளை பொறுத்தவரை, Android Pie அடிப்படையிலான Funtouch OS 9 கொண்டு இயங்குகிறது. விவோ எஸ்1 ஆனது 6.38 இன்ச் அளவிலான முழு எச்டி+ சூப்பர் AMOLED டிஸ்ப்ளே, Water Drop Notch, மெலிதான பெஸல்கள், 1080 x 2340 Pixel-கள் அளவிலான Screen resolution, மூன்று பின்புற கேமராக்கள் போன்ற பிரதான அம்சங்களை கொண்டுள்ளது.

கேமரா மற்றும் இதர பிரதான அம்சங்கள்:

பின்பக்கத்தை பொறுத்தவரை, 16 மெகாபிக்சல் அளவிலான முதன்மை கேமரா, 8 மெகாபிக்சல் அளவிலான இரண்டாம் நிலை Wide-Angle கேமரா மற்றும் 2 மெகாபிக்சல் அளவிலான மூன்றாம் நிலை Depth Sensor கேமரா என மொத்தம் மூன்று கேமராக்கள் இடம்பெற்றுள்ளது. முன்பக்கத்தில் செல்பீகளுக்கான 32MP அளவிலான கேமரா உள்ளது. மேலும் இந்த ஸ்மார்ட்போன் In-display fingerprint சென்சார், Face unlock மற்றும் முரட்டுத்தனமான 4500mAh அளவிலான பேட்டரி ஆகியவைகளையும் கொண்டுள்ளது.