World's Super Fast Charger.. வெறும் 10 நிமிடத்தில் ஃபுல் சார்ஜ்.. விவோ அதிரடி!

விவோ நிறுவனம் 120 வாட் அதிவேக சார்ஜரை உருவாக்கியுள்ளது. இது வெறும் 10 நிமிடத்தில் ஒரு ஸ்மார்ட்போனை ஃபுல் சார்ஜ் செய்கிறது.

சீனாவை தலைமையிடமாகக் கொண்டு, ஸ்மார்ட்போன் தயாரிப்பில் முன்னனி இடத்தில் விவோ நிறுவனம் உள்ளது. இந்நிறுவனம் தற்போது 5ஜி ஸ்மார்ட்போனையும், அத்துடன் 120W சக்தி கொண்ட சார்ஜரையும் உருவாக்கியுள்ளது.

அடுத்த வாரம் (ஜூன் 26-29) ஷாங்காய் நகரில் நடைபெற உள்ள மொபைல் வேர்ல்டு காங்கிரஸ் என்ற பெயரில் கண்காட்சி நடைபெறுகிறது. இந்த கண்காட்சியில் விவோவின் புதிய 5ஜி ஸ்மார்ட்போன் மற்றும் சூப்பர் ஃபாஸ்ட் சார்ஜர் இடம் பெற உள்ளதா செய்திகள் வந்துள்ளது.

விவோவின் புதிய சூப்பர் ஃபாஸ்ட் சார்ஜர் 120W மின்சாரம் வழங்குகிறது. இதன் மூலம் ஒரு ஸ்மார்ட்போனில் வெறும் 5 நிமிடத்தில் 50% சார்ஜ் ஏறுகிறது. 4,000 mAh சக்தி கொண்ட பேட்டரியை வெறும் 13 நிமிடத்தில் ஃபுல் சார்ஜ் செய்கிறது. இதன் மூலம் உலகிலேயே அதிவேக சார்ஜர் என்ற பெயரை விவோ நிறுவனம் பெறுகிறது.

இதற்கு முன்பு சியோமி நிறுவனம் இதே போன்று டர்போ சார்ஜரை அறிமுகம் செய்தது. ஆனால், அது 100W மின்சக்தியை மட்டும் தான் வழங்குகிறது. தற்போது விவோ அறிமுகம் செய்ய உள்ள சார்ஜரில் 120W மின்சக்தி வழங்குகிறது.