Vivo V20 SE அறிமுகம்: மிட்-ரேன்ஜ் விலையில் இதுக்கு மேலே வேற என்ன வேணும்?

விவோ நிறுவனத்தின் லேட்டஸ்ட் மாடலாக விவோ வி 20 எஸ்இ ஸ்மார்ட்போன் அறிமுகம் செய்யப்பட்டுள்ளது.

இது வி 20 தொடரின் சமீபத்திய மாடல் என்பது சொல்லித்தான் தெரிய வேண்டும் என்கிற அவசியமில்லை என்று நம்புகிறோம். அதாவது விவோ வி 20 மற்றும் வி 20 ப்ரோவுக்குப் பிறகு வி 20 எஸ்இ மாடல் அமர்ந்துள்ளது.

Samsung S20 Fan Edition அறிமுகம்: ஒன்பிளஸ்களுக்கு ஆப்பு வைக்கும் விலை!

இந்த புதிய விவோ ஸ்மார்ட்போன் வாட்டர் டிராப்-ஸ்டைல் டிஸ்ப்ளே நாட்ச், 48 எம்பி அளவிலான முதன்மை கேமரா கொண்ட மூன்று பின்புற கேமராக்கள், 33W ஃபாஸ்ட் சார்ஜிங் ஆதரவு, மெல்லிய 7.83 மிமீ உருவாக்கம், பின்புறத்தில் 3டி வடிவமைப்பு ஆகியவற்றை கொண்டுள்ளது.

பின்புறத்தில் கிரேடியன்ட் பூச்சுடன் வரும் இந்த ஸ்மார்ட்போன் இரண்டு தனித்துவமான வண்ண விருப்பங்களில் கிடைக்கிறது.

விவோ வி 20 எஸ்இ ஸ்மார்ட்போனின் விலை மற்றும் விற்பனை:

விவோ வி 20 எஸ்இ ஸ்மார்ட்போனின் சிங்கிள் 8 ஜிபி + 128 ஜிபி வேரியண்ட் ஆனது இந்திய மதிப்பின்படி தோராயமாக ரூ.21,300 என்று நிர்ணயிக்கப்பட்டுள்ளது.

இந்த ஸ்மார்ட்போன் கிராவிட்டி பிளாக் மற்றும் ஆக்ஸிஜன் ப்ளூ கலர் விருப்பங்களில் வருகிறது, தற்போது வரையிலாக இது மலேசிய சந்தையில் மட்டுமே வாங்க கிடைக்கிறது. இதன் இந்திய அறிமுகம் மற்றும் விற்பனை குறித்த விவரங்கள் இதுவரை வெளியாகவில்லை .

விவோ வி 20 எஸ்இ ஸ்மார்ட்போனின் அம்சங்கள் மற்றும் விவரக்குறிப்புகள்:

டூயல் சிம் (நானோ) ஆதரவு கொண்ட விவோ வி 20 எஸ்இ ஸ்மார்ட்போன் ஆண்ட்ராய்டு 10 ஓஎஸ் அடிப்படையிலான ஃபன்டூச் ஓஎஸ் 11 மூலம் இயங்குகிறது.

மேலும் 6.44 இன்ச் அளவிலான புல் எச்டி + (1,080x2,400 பிக்சல்கள்) அமோலேட் டிஸ்ப்ளேவை 20: 9 என்கிற அளவிலான திரை விகிதத்துடன் கொண்டுள்ளது.

ஹூட்டின் கீழ், இந்த ஸ்மார்ட்போன் ஆக்டா கோர் குவால்காம் ஸ்னாப்டிராகன் 665 SoC உடன் வருகிறது, இது 8 ஜிபி ரேம் உடன் இணைக்கப்பட்டுள்ளது.

இது ட்ரிபிள் ரியர் கேமரா அமைப்பை கொண்டுள்ளது. அதில் 48 மெகாபிக்சல் முதன்மை சென்சார் (எஃப் / 1.8 லென்ஸ்) + 8 மெகாபிக்சல் இரண்டாம் நிலை சென்சார் (எஃப் / 2.2) வைட் ஆங்கிள் லென்ஸ் + 2 மெகாபிக்சல் மூன்றாம் நிலை சென்சார் (பொக்கே விளைவுக்காக எஃப் / 2.4 லென்ஸ்) ஆகியவைகள் உள்ளது.

செல்பீ மற்றும் வீடியோ சாட்களுக்காக, விவோ வி 20 எஸ்இ ஸ்மார்ட்போனில் 32 மெகாபிக்சல் கேமரா சென்சார், எஃப் / 2.0 லென்ஸுடன் உள்ளது. இது போர்ட்ரேட் மோட், சூப்பர் நைட் செல்பீ, செல்பீ ஃபில் லைட் மற்றும் வீடியோ ஃபேஸ் பியூட்டி ஆகியவற்றுடன் வருகிறது.

பின்புற கேமராக்களை பொறுத்தவரை, சூப்பர் நைட் மோட், லைவ் ஃபோட்டோ, ஏஆர் ஸ்டிக்கர்கள் மற்றும் 4 கே வீடியோ ரெக்கார்டிங் ஆகியவற்றை ஆதரிக்கிறது.

விவோ வி 20 எஸ்இ ஸ்மார்ட்போனில் 128 ஜிபி இன்டர்ன்ஸ்ல் ஸ்டோரேஜ் உள்ளது. இணைப்பு விருப்பங்களை பொறுத்தவரை, 4 ஜி எல்டிஇ, வைஃபை, ப்ளூடூத் வி 5.0, ஜிபிஎஸ் / ஏ-ஜிபிஎஸ், எஃப்எம் ரேடியோ மற்றும் யூ.எஸ்.பி டைப்-சி போர்ட் ஆகியவைகளை கொண்டுள்ளது.

Samsung Galaxy F41 மாடலின் விலை இவ்ளோதானா? அக்.8-இல் அறிமுகம்!

போர்டில் உள்ள சென்சார்களை பொறுத்தவரை, ஆக்சலரோமீட்டர், ஆம்பியண்ட் லைட் சென்சார், மேக்நட்டோமீட்டர் மற்றும் ப்ராக்சிமிட்டி சென்சார் ஆகியவைகள் உள்ளன. இதில் இன்-டிஸ்ப்ளே கைரேகை சென்சார் உள்ளது.

இந்த புதிய விவோ ஸ்மார்ட்போனின் மொத்த அமைப்பும் 4,100 எம்ஏஎச் பேட்டரி மூலம் சக்தியூட்டப்படுகிறது. இது 33W ஃப்ளாஷ் சார்ஜ் பாஸ்ட் சார்ஜிங்கை ஆதரிக்கிறது. அளவீட்டில் வி 20 எஸ்இ ஸ்மார்ட்போனானது 161.00x74.08x7.83 மிமீ மற்றும் 171 கிராம் எடையும் கொண்டுள்ளது.