Vivo NEX 3: ஐபோன் 11 தொடரால் முடியாததை "அசால்ட்" ஆக சாதித்த விவோ; அதென்னது?

இறுதியாக நீண்ட காத்திருப்பிற்கு பின், விவோ தனது அடுத்த தலைமுறை நெக்ஸ் தொடர் ஸ்மார்ட்போனை அறிமுகப்படுத்தியது. Vivo NEX 3 என்று அழைக்கப்படும் இந்த ஸ்மார்ட்போன் ஆனது செப்டம்பர் 16 ஆம் தேதி அன்று (நேற்று) ஷாங்காயில் அறிமுகம் செய்யப்பட்டது.

எதிர்பார்த்தபடியே புதிய நெக்ஸ் 3 ஸ்மார்ட்போன் உடன், விவோ நிறுவனம் அதன் 5ஜி திறனை கொண்டு வந்துள்ளது. இது சமீபத்தில் வெளியான ஆப்பிள் நிறுவனத்தின் ஐபோன் 11 தொடரில் கூட இடம்பெறாத ஒரு அம்சம் ஆகும் என்பது குறிப்பிடத்தக்கது. விவோ நெக்ஸ் 3 ஆனது இரண்டு வகைகளில் வருகிறது - ஒன்று 4ஜி ஆதரவுடன் மற்றொன்று 5ஜி ஆதரவுடன் வருகிறது.

ப்ராசஸர் & சேமிப்பகம்:

விவோ நெக்ஸ் 3 ஆனது க்வால்காம் ஸ்னாப்டிராகன் 855 பிளஸ் மூலம் இயக்கப்படுகிறது. இது 8 ஜிபி ரேம் மற்றும் 256 ஜிபி வரையிலான உள்ளடக்க சேமிப்பகத்துடன் இணைக்கப்பட்டுள்ளது. புதிய ஸ்னாப்டிராகன் 800-சீரிஸ் சிப்செட்டுடன் வரும் முதல் விவோ ஸ்மார்ட்போன் இதுவாகும்.

ஐபோன் 11 ப்ரோ மாடல்களை ஏன் வாங்க கூடாது என்பதற்கான 5 காரணங்கள்!

பேட்டரி & இதர (5ஜி) ஆதரவுகள்!

மேலும் இந்த ஸ்மார்ட்போன் UFS 3.0 ஆதரவு மற்றும் dual WLAN Acceleration தொழில்நுட்பத்துடன் வருகிறது. சூப்பர் ஃப்ளாஷ் சார்ஜ் 44W ஆதரவு மற்றும் C-DRX power-saving தொழில்நுட்பங்களை உள்ளடக்கிய ஒரு 4500 எம்ஏஎச் பேட்டரி மூலம் இந்த ஸ்மார்ட்போன் சக்தியூட்டப்படுகிறது.

இந்த ஸ்மார்ட்போனில் என்எப்சி ஆதரவும் உள்ளது. இந்த ஸ்மார்ட்போன் Vapor Chamber Cooling System உடன் வருகிறது, நிறுவனத்தின் படி, அதிக அளவிலான 5ஜி பயன்பாட்டின் போது ஸ்மார்ட்போனை குளிர்ச்சியாக வைக்க இந்த அமைப்பு உதவும்.

மெமரி வேரியண்ட்கள் & விலை:

விவோ நெக்ஸ் 3 ஸ்மார்ட்போன் மொத்தம் இரண்டு வகைகளில் வருகிறது - அடிப்படை மாடல் 8 ஜிபி ரேம் + 128 ஜிபி இன்டர்னல் ஸ்டோரேஜ், இரண்டாவது மாடல் 8 ஜிபி ரேம் + 256 ஜிபி இன்டர்னல் ஸ்டோரேஜ். இவைகள் முறையே (இந்திய மதிப்பில்) ரூ.58,000 மற்றும் ரூ.63,000 க்கு அறிமுகம் ஆகியுள்ளன.

டிஸ்பிளே:

விவோ நெக்ஸ் 3 ஸ்மார்ட்போன் ஆனது 6.89 இன்ச் அளவிலான POLED Waterfall FullView டிஸ்பிளேவை கொண்டுள்ளது. இதன் Waterfall டிஸ்பிளே ஆனது விளிம்புகளில் வளைவுகளை கொண்டுள்ளது, ஆகையால் இந்த ஸ்மார்ட்போன் தடையற்ற மல்டிமீடியா அனுபவத்தை வழங்க அனுமதிக்கிறது.


மேலும் இது 99.6 சதவீத ஸ்க்ரீன்-டூ-பாடி விகிதத்தையும் வழங்குகிறது. ஸ்மார்ட்போனில் இன்-டிஸ்ப்ளே கைரேகை சென்சார் ஒன்று உள்ளது மற்றும் X-axis Haptic Vibration motor, Touch Sense போன்ற அம்சங்களையும் கொண்டுள்ளது.

Vivo V17 Pro: டூயல் பாப்-அப் செல்பீயுடன் செப். 20-ல் அறிமுகம்; இந்திய விலை என்ன?

கேமராத்துறை:

இமேஜிங்கை பொறுத்தவரை, விவோ நெக்ஸ் 3 ஆனது lunar ring camera அமைப்பை கொண்டுள்ளது. அதாவது பின்புற பேனலில் 64 எம்பி முதன்மை கேமரா + 13 எம்பி வைட்-ஆங்கிள் லென்ஸ் + 13 எம்பி டெலிஃபோட்டோ கேமரா ஆகியவைகளை கொண்டுள்ளது.

முன்பக்கத்தில் ஒரு 16MP அளவிலான Elevating கேமரா அமைப்பு உள்ளது. மற்ற எல்லா விவோ ஸ்மார்ட்போன்களை போலவே இதுவும் Jovi Assitant ஆதரவுடன் வருகிறது.

இந்திய அறிமுகம் எப்போது?

விவோ நெக்ஸ் 3 ஸ்மார்ட்போனின் இந்திய அறிமுகம் மற்றும் விற்பனை பற்றிய எந்த விவரமும் பகிர்ந்து கொள்ளப்படவில்லை. இந்த இடத்தில், முதல் நெக்ஸ் தொடர் ஸ்மார்ட்போன் ஆனது இந்தியாவில் அறிமுகப்படுத்தப்பட்டது, ஆனால் நெக்ஸ் டூயல் ஸ்க்ரீன் இன்னும் இந்தியாவை வந்து அடையவில்லை என்பதை குறிப்பிட விரும்புகிறோம்.

Moto E6s: நம்ப முடியாத பட்ஜெட் விலையில் இந்திய அறிமுகம்; ஷாக்கில் சியோமி!

விவோவின் முதல் ப்ளூடூத் இயர்போன்!

விவோ நெக்ஸ் 3 உடன் இணைந்து, விவோ நிறுவனம் தனது முதல் ப்ளூடூத் இயர்போனையும் அறிமுகப்படுத்தியது. அது True Wireless Stereo (TWS) Earphone என்று அழைக்கப்படுகிறது. "இந்த இயர்போன் க்வால்காம் புளூடூத் இயங்குதளம் மற்றும் டூயல் டெலிவரி தொழில்நுட்பத்துடன் வருகிறது, இது நிலையான உயர்தர ஆடியோவை வழங்குவதோடு சேர்த்து, வெவ்வேறு காட்சிகளுக்கு ஏற்ப தனித்துவமான மற்றும் சிறந்த Smart listening அனுபவத்தை வழங்கும்" என்று நிறுவனம் கூறுகிறது.

நெக்ஸ் 3 தொடர் ஆனது வரும் மாதங்களில் ஆசியா பசிபிக், தென்கிழக்கு ஆசியா மற்றும் பிற சந்தைகளில் வாங்க கிடைக்கும் என்பதை விவோ நிறுவனம் உறுதிப்படுத்தியுள்ளது.