இரண்டாம் இடத்தில் ஜியோ.. மூன்றாம் இடத்தில் ஏர்டெல்.. அப்போ முதல் இடத்தில்..?

மொபைல் நெட்வொர்க்கில் எந்த நிறுவனங்களுக்கு எவ்வளவு சந்தாதாரர்கள் உள்ளனர் என்பது குறித்த டிராய் அறிவிக்கை வெளியாகியுள்ளது. அதன்படி முதல் இடத்தில் வோடபோன் ஐடியாவும், இரண்டாம் இடத்தில் ஜியோவும் உள்ளது. ஏர்டெல் நிறுவனம் மூன்றாம் இடத்தில் உள்ளது. இது பற்றிய விபரங்களை இங்கு காண்போம்.

டிராய் எனப்படும் மத்திய தொலைத்தொடர்பு ஒழுங்குமுறை ஆணையம், ஒவ்வொரு நெட்வொர்க் நிறுவனங்களின் சேவைகளை குறித்த தரவுகளை இணையத்தில் பதிவு செய்து வருகிறது. அந்த வகையில், கடந்த மே மாதம் தரவுகளை டிராய் வெளியிட்டுள்ளது.

அதன்படி, இந்தியாவில் சுமார் 1161.86 மில்லியன் சந்தாதாரர்கள் உள்ளனர். இதில் 505.59 மில்லியன் சந்தாதாரர்கள் கிராமப்புறத்தைச் சேர்ந்தவர்களாவர்கள். பிராட்பேண்ட் சேவவையை மொத்தம் 581.51 மில்லியன் சந்தாதாரர்கள் பெற்று வருகின்றனர்.

(முக்கியமானது: Jio, Airtel, BSNL, Vodafone.. எதில் நெட் ஸ்பீடு நல்லாயிருக்கு? நீங்களே க்ளிக் செய்து பாருங்க)
வோடபோன் ஐடியா நிறுவனம் 387.55 மில்லியன் சந்தாதாரர்களைப் பெற்று முதல் இடத்தில் உள்ளது. இதற்கு அடுத்தபடியாக, ஜியோ நிறுவனம் 322.98 மில்லியன் சந்தாதாரர்களைப் பெற்றுள்ளது. ஏர்டெல் 320.38 மில்லியன் சந்தாதாரர்களைப் பெற்று மூன்றாம் இடத்தில் உள்ளது. மத்திய அரசின் பி.எஸ்.என்.எல் நிறுவனத்தில் 115.90 சந்தாதாரர்கள் உள்ளனர்.

மறு நெட்வொர்க்கிற்கு தாவும் வாடிக்கையாளர்கள்:
மத்திய அரசு கடந்த 2010ம் ஆண்டு Mobile Number Portablity (MNP) சேவையை தொடங்கியது. முதலில் ஹரியானா மாநிலத்திலும், 2011 ஆண்டிற்குப் பிறகு மற்ற மாநிலங்களிலும் கொண்டு வரப்பட்டது. இந்த சேவையின் கீழ், கடந்த மே மாதத்தில் மட்டும், 4.18 மில்லியன் சந்தாதார்கள் ஒரு நெட்வொர்க்கில் இருந்து வேறு நெட்வொர்க்கில் சேருவதற்கு கோரிக்கைகள் விடுத்துள்ளனர்