கனவில் கூட எதிர்பார்க்காத விலையில் 32-இன்ச், 43-இன்ச் சினிமா ஸ்மார்ட் டிவிகள் அறிமுகம்!

வு டெலிவிஷன்ஸ் நிறுவனம் அதன் சினிமா ஸ்மார்ட் டிவி தொடரின் கீழ் இரண்டு புதிய மாடல்களை இந்தியாவில் அறிமுகப்படுத்தியுள்ளது. அவைகள் 32 இன்ச் எச்டி-ரெசல்யூஷன் மற்றும் 43 இன்ச் புல் எச்டி மாடல்கள் ஆகும்.

இந்திய தொலைக்காட்சி உற்பத்தியாளரான வு நிறுவனத்திடம் வரும் இந்த சினிமா டிவி வரம்பானது இந்த ஆண்டின் தொடக்கத்தில் அல்ட்ரா-எச்டி ரெசல்யூஷன்களின் கீழ் மூன்று அளவுகளில் அறிமுகமானது. ஆனால் இப்போது சிறிய மற்றும் அதிக மலிவான மாடல்கள் இந்தியாவில் அறிமுகமாகி உள்ளது. வு சினிமா டிவியின் புதிய வகைகள் ஜூன் 23 ஆம் தேதி பிளிப்கார்ட்டில் விற்பனைக்கு வருகிறது.

இந்தியாவில் வு சினிமா ஸ்மார்ட் டிவிகளின் விலை:

புதிய வு சினிமா ஸ்மார்ட் டிவி வகைகள் ஏற்கனவே பிளிப்கார்ட்டில் பட்டியலிடப்பட்டுள்ளன. இது 32 இன்ச் அளவிலான வு சினிமா டிவியானது 1366x768 பிக்சல் எச்டி எல்இடி டிஸ்பிளவை கொண்டுள்ளது. மறுகையில் உள்ள 43 இன்ச் மாடலானது 1920x1080 பிக்சல் முழு எச்டி டிஸ்பிளேவை கொண்டுள்ளது.

ரூ.20,000 பட்ஜெட்ல இதுக்கு மேல வேற என்ன வேணும்; வேற போன் வாங்கிடாதீங்க!

இரண்டு டி.வி.களிலும் உள்ளமைக்கப்பட்ட Chromecast மற்றும் ஆப்பிள் ஏர்ப்ளேக்கான ஆதரவு, 40W சவுண்ட்பார்-ஸ்டைல் ஸ்பீக்கர் சிஸ்டத்திற்கான டால்பி ஆடியோ ட்யூனிங் போன்ற பிரதான அம்சங்களை கொண்டள்ளது. வு சினிமா ஸ்மார்ட் டிவியின் 32 இன்ச் வேரியண்டின் விலை ரூ.12,999 என்றும், 43 இன்ச் மாறுபாடானது ரூ.21,999 என்றும் விலை நிர்ணயம் செய்யப்பட்டுள்ளது.

வு சினிமா ஸ்மார்ட் டிவியின் அம்சங்கள்:

முன்னரே குறிப்பிட்டபடி வு சினிமா டிவி தொடர் ஆனது இந்த ஆண்டு ஜனவரியில் முதன்முதலில் அறிமுகப்படுத்தப்பட்டது. அது ரூ.26,999 என்கிற விலை தொடங்கி 43 இன்ச், 50 இன்ச் மற்றும் மற்றும் 55 இன்ச் அளவுகளில் வாங்க கிடைக்கிறது. இந்த வரம்பின் கீழ் உள்ள உள்ள அனைத்து வகைகளும் 4 கே டிஸ்பிளே, டால்பி விஷன் மற்றும் எச்டிஆர் உள்ளடக்கத்திற்கான ஆதரவோடு வருகின்றன.

வு நிறுவனம் இப்போது அதன் வு சினிமா டிவி வரம்பின் சில முக்கிய அம்சங்களை சிறிய மற்றும் மலிவு விலைக்கு கொண்டு வந்துள்ளது. அதில் 40W முன்-பக்கமாக உள்ளமைக்கப்பட்ட சவுண்ட்பார் மற்றும் வாய்ஸ் ரிமோட் மூலம் கூகுள் அசிஸ்டென்ட்டிற்கான அணுகலுடன் Android TV 9 பை போன்ற அம்சங்களை கொண்டுள்ளது.

ஜூன் 30-க்கு பின் புது போன் வாங்கலாம்னு பிளான் போடீங்களா? ஐயோ பாவம் நீங்க!

வு சினிமா ஸ்மார்ட் டிவியின் போட்டியாளர்கள்:

இந்த புதிய வு டிவிகள் ஆனது சியோமி மற்றும் ரியல்மி நிறுவனங்களுக்கு வலுவான போட்டியாக இருக்கும். குறிப்பாக சிறந்த ஒலி தரத்தை ஒரு தனித்துவமான விலையின் கீழ் வழங்குவதில் வு நிறுவனத்தை அடித்துக்கொள்ளவே முடியாது. ஒன்பிளஸ் நிறுவனம் வருகிற ஜூலை மாதத்தில் அதன் புதிய மலிவு விலையிலான தொலைக்காட்சிகளை இந்தியாவில் அறிமுகப்படுத்தும் என்று எதிர்பார்க்கப்படுகிறது, இதன் விலை ரூ.20,000 க்குள் இருக்கும் என்றும் எதிர்பார்க்கப்படுகிறது.