WhatsApp Update: இணைகிறது புதிய அம்சம்; இனிமே வாட்ஸ்ஆப் ஸ்டேட்டஸில் அனல் பறக்கும்!

பிரபல மெசேஜிங் தளமான வாட்ஸ்ஆப்பை பற்றிய நம்பத்தகுந்த தகவல்களை வெளியிடுவதற்கு பெயர்போன WABetaInfo, தற்போது மிகவும் "கூலான" ஒரு புதிய வாட்ஸ்ஆப் அம்சத்தை பற்றிய விவரத்தை வெளியிட்டுள்ளது.

இந்த அம்சம் மட்டும் வாட்ஸ்ஆப்பில் உருட்டப்படும் பட்சத்தில், இனிமேல் வாட்ஸ்ஆப் சாட் மற்றும் வாட்ஸ்ஆப் ஸ்டேட்டஸ்களில் அனல் பறக்கும் என்பதில் எந்த சந்தேகமும் வேண்டாம். அப்படி என்ன அம்சம்? அதன் பயன் என்ன? பீட்டா தளத்தில் சோதனை செய்யப்படுகிறதா? எப்போது அறிமுகம் ஆகும்? யாருக்கு முதலில் கிடைக்கும், ஆப்பிள் பயனர்களுக்கா அல்லது ஆண்ட்ராய்டு பயனர்களுக்கா? போன்ற கேள்விகளுக்கான பதில்களை அறிய தொடர்ந்து படிக்கவும்.

என்ன அம்சம்?

WABetaInfo வெளியிட்டுள்ள ஒரு அறிக்கையின்படி, இன்ஸ்டாகிராமில் காணப்படும் Boomerang அம்சத்தினை போன்தொரு புதிய அம்சத்தின் கீழ் வாட்ஸ்ஆப் கடந்த சில வாரங்களாக பணியாற்றி வருகிறது.

இது எப்படி செயல்படும்?

இந்த புதிய வாட்ஸ்ஆப் அம்சம் எவ்வாறு செயல்படுகிறது என்பதற்கான ஒரு குறுகிய வீடியோவை WABetaInfo பெற்றுள்ளது. அந்த வீடியோவில் இந்த அம்சத்தின் முழு செயல்பாட்டையும் பார்க்க முடிகிறதாம். அதன் அடிப்படையில், Video Type panel-ன் வழியாக அனுககிடைக்கும் இந்த புதிய அம்சமானது வீடியோக்களை GIF-களாக மாற்றும்.

மாற்றப்படுகிறது வாட்ஸ்ஆப்பின் பெயர்; பேஸ்புக் அதிரடி! பின்னணி என்ன?

வாட்ஸ்ஆப்பின் Toggle tab-ல் ஒரு புதிய பொத்தான் சேர்க்கப்படும். ஏழு வினாடிகளுக்கும் குறைவாக இருக்கும் ஒரு வீடியோவானது திறக்கப்படும் போது அது காட்சிப்படும். ஒருமுறை நீங்கள் உங்களின் வீடியோவை பூமராங் கிளிப் ஆக மாற்றியதும், அதை உங்கள் தொடர்புகளுடன் அல்லது ஸ்டேட்டஸ் அப்டேட்டில் ஷேர் செய்ய முடியும்.

பீட்டா பதிப்பில் காணப்படுகிறதா?

இந்த புதிய அம்சமானது இதுவரை எதிலுமே கிடைக்கபெறவில்லை. அதாவது ஆண்ட்ராய்டு மற்றும் iOS பயனர்களுக்கான வாட்ஸ்ஆப் பீட்டாவிலும் கூட இது கிடைக்கவில்லை. இருப்பினும், இந்த அம்சம் கூடிய விரைவில் வாட்ஸ்ஆப்பில் தோன்ற ஆரம்பிக்கும் என்று நம்பப்படுகிறது.

Jio GigaFiber Plans: எதிர்பார்த்ததை விட அதிக விலையில் வெளியாகும் 3 திட்டங்கள்!

யாருக்கு முதலில் கிடைக்கும்? ஆப்பிளா? ஆண்ட்ராய்டா?

WABetaInfo கூற்றின்படி, இந்த புதிய பூமராங் போன்ற வாட்ஸ்ஆப் அம்சமானது முதலில் iOS பயனர்களுக்கு கிடைக்கும், பின்னரே Android பயனர்களுக்கு கிடைக்கும்.