WhatsApp Update: ஒரு மெசேஜை எத்தனை பேருக்கு ஃபார்வேர்டு பண்ணிருக்காங்க தெரியுமா?

வாட்ஸ்அப்பில் வலம் வரும் மெசேஜ்கள் எத்தனை பேருக்கு ஃபார்வேர்டு செய்யப்பட்டுள்ளது என்பதை அறியும் வசதி விரைவில் கொண்டு வரப்பட உள்ளது.

வாடிக்கையாளர்களை திருப்திபடுத்தும் வகையில், வாட்ஸ்அப் நிறுவனம் ஒவ்வொரு நாளும் புதிய புதிய வசதிகளை ஏற்படுத்தி வருகிறது. அந்த வகையில், தற்போது ஃபார்வேர்டு வசதிகள் விபரங்கள் தொடர்பாக ஆய்வு நடத்தி வருகிறது. குறிப்பாக நமக்கு வரும் ஃபார்வேர்டு மெசேஜ், எத்தனை முறை ஃபார்வேர்டு செய்யப்பட்டுள்ளது என்பதை தெரிவிக்கும் வசதியை கொண்டு வருவதற்கு சோதனை செய்து வருகிறது.

(ஸ்மார்ட்போனில் உங்களுக்கே தெரியாமல் உங்களுக்கு...)

இந்த வசதி வரும்போது, ஒருவர் நமக்கு ஃபார்வேர்டு மெசேஜ் அனுப்பினாலோ, அல்லது வாட்ஸ்அப்பில் குரூப்பில் வரும் வரக்கூடிய ஃபார்வேர்டு மெசேஜ் எத்தனை முறை ஃபார்வேர்டு செய்யப்பட்டுள்ளது என்பதை அறியலாம். இந்த முறையில், பழைய செய்திகள், காலாவதியான செய்திகள் ஏதேனும் ஃபார்வேர்டு செய்யப்பட்டால், அதனை சுலபமாக அறிந்து கொள்ள முடிகிறது.

(Redmi Note 7 Pro VS Samsung Galaxy M30)

தற்போது நாடாளுமன்ற தேர்தல் நடக்க உள்ள நிலையில், சமூக வலைதளங்களை தவறாக பயன்படுத்தக்கூடாது என்று தேர்தல் ஆணையம் கடும் கட்டுப்பாடுகள் விதித்துள்ளது குறிப்பிடத்தக்கது. அதற்கு தக்கவாறு வாட்ஸ்அப் நிறுவனமும் வதந்திகளை கட்டுப்படுத்தும் முயற்சியில் இறங்கியுள்ளது.

(Redmi Go: 4,499 ரூபாய்க்கு ரெட்மி ஸ்மார்ட்போன்!)